Kanabisi në Rumani: Udhëzues mbi Statusin Ligjor

• 1. Përdorimi personal dhe posedimi
• 1. a. Dekriminalizimi i blerjes për përdorim personal
• 1. b. Drejtimi i mjetit nën efektin e kanabisit
• 1. c. Trajtim i detyrueshëm për shkelësit që përdorin droga
• 1. d. Shkeljet me përmasa të mëdha të drogës
• 2. Kultivimi i kanabisit
• 2. a. Farërat e kanabisit në rumani
• 3. Kanabisi mjekësor
• 3. a. A është cbd-ja e ligjshme në rumani?
• 4. Në përfundim

Nëse jeni entuziast i kanabisit dhe po planifikoni të udhëtoni drejt Rumanisë, na vjen keq të themi se nuk kemi lajme të mira: pirja e kanabisit është e paligjshme në këtë shtet, dhe situata nuk pritet të ndryshojë së shpejti. Një përjashtim mund të bëhet për pacientët që përdorin kanabis për qëllime mjekësore, pasi një projektligj që lejoi përdorimin terapeutik të kanabisit u miratua në vitin 2013, por ligji mbetet më shumë në letër. Lajmi i vetëm i mirë është një hap drejt dekriminalizimit të kanabisit (dhe në fakt të çdo substance tjetër psikoaktive) që u bë në vitin 2018. Lexoni më poshtë për të gjitha gjërat që mund dhe nuk mund të bëni (kryesisht ato që nuk lejohet të bëhen) sa i përket përdorimit të marijuanës në Rumani.

Përdorimi Personal dhe Posedimi

Përdorimi rekreativ i kanabisit është i paligjshëm në Rumani dhe posedimi i çdo sasie është vepër penale. Sipas nenit 387 paragrafi 1 i Kodit Penal të Shtetit, dënohet me burgim nga 2 deri në 5 vite. Po i njëjti paragraf ndalon edhe çdo ‘operacion’ tjetër me substanca të paligjshme, qoftë kultivimi, prodhimi, transporti apo shpërndarja.

Për shkak se drogat përdoren zakonisht në ambiente shoqërore, duhet të dini edhe çfarë ndodh nëse ndani një joint me të tjerët, i nxisni ata, ose ua lejoni shtëpinë për të pirë. Dënimet përkatëse janë përmbledhur në tabelën më poshtë.

Dekriminalizimi i Blerjes për Përdorim Personal

Në vitin 2018, Gjykata e Lartë e Rumanisë mori një vendim që mbron konsumatorët që blejnë një sasi të vogël të një substance psikoaktive të qartë për përdorim personal.

Në rastin origjinal, shkelësi bleu më pak se 0.5 gram bimë të kombinuara me kanabinoid sintetik – diçka që zakonisht do ta çonte në burg nga 6 muaj në 2 vite. Gjykata e shkallës së parë e dënoi, por hoqi akuzat, sepse sasia ishte e parëndësishme. Prokurori kundërshtoi rezultatin dhe apeloi, por gjykata e apelit ia kaloi çështjen Gjykatës së Lartë, e cila mbajti anën e të pandehurit. Ky vendim krijon një precedent për vendimet e ardhshme gjyqësore.

Drejtimi i Mjetit nën Efektin e Kanabisit

Drejtimi i automjetit për të cilin kërkohet patentë, ndërkohë që keni kanabis në sistemin tuaj, do të rezultojë në burgim nga 1-5 vite ose një gjobë. Dhe para se të mendoni se mund ta shmangni dënimin duke refuzuar të jepni mostrat e gjakut apo urinës, mendohuni dy herë, pasi dënimi do të jetë edhe më i ashpër – 1-5 vite burg dhe nuk keni mundësi gjobe. Për drejtimin e mjetit të transportit publik ose atij që transporton mallra të rrezikshme nën efektin e marijuanës, dënimi është 2-7 vite burg.

Trajtim i Detyrueshëm për Shkelësit që Përdorin Droga

Nëse gjykata vendos që përdorimi i drogës po e bën shkelësin të rrezikshëm për shoqërinë, mund t’i kërkohet të marrë trajtim të detyrueshëm. Nëse nuk pranon, do të shtrohet me forcë dhe, nëse largohet nga institucioni pa leje, policia do ta detyrojë të kthehet.

Shkeljet me Përmasa të Mëdha të Drogës

Nëse dënimet për posedimin personal të kanabisit dhe drogave të tjera në Rumani ju janë dukur drakoniane, prisni të shihni çfarë ndodh kur bëhet fjalë për anën tregtare. Gjithashtu, THC, substanca kryesore psikoaktive e bimës konsiderohet drogë me rrezik të lartë, që do të thotë se aplikohen dënimet më të ashpra për marijuanën. Tabela më poshtë tregon sesa seriozisht trajtohet çdo veprim mbi një sasi më të madhe kanabisi se ajo e përdorimit personal.

Kultivimi i Kanabisit

Rumania lejon kultivimin e kërpit, kushëririt jo-psikoaktiv të marijuanës. Në këtë shtet, njësoj si kudo në Bashkimin Europian, kërpi përcaktohet si bimë Cannabis Sativa L. me përmbajtje THC më pak se 0.2%. Rumania kultivon kërp vetëm për qëllime industriale – fibra, vaj, fara, etj.

Me interes është fakti që ndalohet përdorimi i ekstrakteve nga bima e plotë e kërpit, edhe nëse kanë sasi të ulët THC-je, në ushqime, pije apo produkte të tjera konsumatori. Rregulli i limitit 0.2% THC vlen vetëm për bimën dhe jo për produktet e saja. Për të qenë legale, produktet duhet të kenë zero THC.

Ligji rumun gjithashtu lejon (të paktën teorikisht) kultivimin e kanabisit me THC të lartë për qëllime mjekësore nën mbikëqyrjen e rreptë të shtetit. Rritja e varieteteve jo-kërp të kanabisit për qëllime rekreative është e paligjshme dhe dënimet janë të rënda (siç tregohet në seksionet e mësipërme).

Farërat e Kanabisit në Rumani

Mund të blini fara kanabisi në Rumani, njësoj si në shtetet e tjera të botës, por zakonisht do ta bëni këtë online, dhe porosia do ju vijë në adresën tuaj. Përveç dyqaneve të mëdha ndërkombëtare të farave, si Fast Buds, ka edhe shitës me shumicë që veprojnë nga vetë Rumania dhe e bëjnë këtë hapur, pa fshehur as numrin lokal të telefonit apo adresën e rrugës së dyqanit.

Me shumë mundësi justifikohen njësoj siç njoftohet në paketimin e farave – që farat përdoren si sende koleksionimi ose dhurata dhe nuk janë të destinuara për kultivim. Një kujtesë për ju: kultivimi i kanabisit në shtëpi është i paligjshëm në Rumani dhe mund të sjellë masa të rënda ndëshkuese (shihni tabelat më lart).

Kanabisi Mjekësor

Teknikisht, Rumania legalizoi derivatet e marijuanës mjekësore në vitin 2013, duke u bërë shteti i 10-të i BE-së që e bën një gjë të tillë. Ligji supozohej të siguronte akses në ilaçe të bazuara në kanabis për pacientët me:

• kancer,
• sklerozë të shumëfishtë,
• epilepsi,
• gjendje të tjera po aq të rënda.

Problemi me ligjin është se nuk e riklasifikoi THC-në, kështu që kjo substancë vazhdon të jetë në Listën I më restriktive të Drogave me Rrezik të Lartë. Kjo, dhe ndalimi i produkteve të tymosshme, e kufizon ndjeshëm programin e kanabisit mjekësor në Rumani. Në thelb, mjekët kanë të drejtë të përshkruajnë medikamente me përmbajtje të lartë CBD-je dhe më pak se 0.2% THC te pacientët me sëmundje të rënda. Medikamenti mund të jetë në formë ekstrakti, tinkture ose pilule, por lulet natyrale ose ushqimet e përpunuara mbeten të paligjshme.

A është CBD-ja e Ligjshme në Rumani?

Siç e përmendëm më parë, ligji rumun ka zero tolerancë për THC-në (përveç produkteve të marijuanës mjekësore që mund të kenë jo më shumë se 0.2% THC dhe që duhet të jenë të përshkruara nga mjeku sipas rregullave për drogat narkotike). Pra, çdo produkt i konsumueshëm i bërë nga kërpi duhet t’i përmbahet kësaj politike me zero-THC.

Megjithatë, CBD nuk është i ndaluar, dhe çdo ekstrakt i pastër CBD mund të shitet pa recetë, të përdoret në ushqime, pije, ushqime për kafshë shtëpiake, etj. Të gjitha këto gjenden hapur për shitje në Rumani, si online ashtu edhe në dyqane fizike.

Në Përfundim

Pavarësisht disa hapave drejt një politike më të butë ndaj kanabisit gjatë dekadave të fundit, Rumania ende ka ligje që dekurajojnë përdorimin e kanabisit përmes dënimeve të ashpra edhe për shkelje të vogla. Kjo na bën të këshillojmë fort çdo udhëtar që shkon në Rumani ta trajtojë udhëtimin si një pushim nga konsumi i kanabisit, atë që gjithmonë keni dashur, por nuk keni pasur guximin ta bëni.