Si të rrotulloni një Joint të Përkryer: Udhëzues Hap Pas Hapi

• 1. Pajisjet që të duhen për të rrotulluar një joint
• 2. Hapi 1: bluarja
• 3. Hapi 2: bërja e filtrit
• 4. Hapi 3: mbushja e joint-it
• 5. Hapi 4: koha për të rrotulluar
• 6. Hapi 5: prekja përfundimtare
• 7. Këshilla dhe sugjerime ekstra
• 8. Përfundim

Mënyra më ikonike dhe njëkohësisht më e thjeshtë për të konsumuar kanabisin është pirja e një joint-i. Çdo stoner di si të rrotullojë një joint ashtu siç çdo skater di të bëjë një ollie; është në thelb gjëja e parë që duhet të mësosh. Dhe si në çdo proces mësimi: praktika bën të përkryer. 

Nëse po lexon këtë, ka shumë mundësi që e ke provuar më parë të rrotullosh një joint vetë dhe të është dukur më shumë si një karamele e mbështjellë sesa si një joint i vërtetë. Mos u dekurajo, çdo stoner e ka kaluar këtë fazë në fillimet e tij. Edhe nuk besojmë se joint-et e Snoop Dogg kanë qenë perfekte kur ai ka filluar të pijë, kurdo që ka qenë ajo kohë. 

"Kur fillova së pari të pija bar, i thashë vetes se do të pija vetëm në ditë të veçanta... pa ditur që çdo ditë është një ditë e veçantë." -Snoop Dogg.

Edhe pse nuk mund të të premtojmë që do të bëhesh mjeshtër i artit të rrotullimit të joint-eve pasi të kesh lexuar këtë artikull, do të sigurohemi që ky udhëzim i detajuar hap pas hapi të të shërbejë si sensei në rrugën tënde të re drejt të qenit një profesionist në rrotullimin e joint-eve.

Pajisjet që të duhen për të rrotulluar një Joint

Ka disa gjëra bazë që do të të duhen për të rrotulluar një joint, kështu që këtu është paketa startuese për rrotullimin e joint-it:

• Letra për rrotullim
• Grinder, gërshërë ose thikë dhe dërrasë prerjeje
• Filtra kartoni ose çdo letër tjetër e trashë për të bërë një të tillë
• Objekt i mprehtë
• Tabaka për rrotullim (opsionale)
• Bar (weed)

Nëse të mungon ndonjë nga këto, ndoshta mund ta zëvendësosh me diçka tjetër, përveç pjesës së barit. Mbase ke dëgjuar për joint-e të bëra me letër çamçakëzi, letër printeri, lëvozhgë misri dhe, e preferuara jonë, letër biblie. 

Edhe pse të gjitha këto janë për t'u provuar, nuk janë alternativa të shëndetshme dhe, duke qenë se je fillestar në rrotullim, do të jetë më i vështirë të rrotullosh me këto elementë. 

Le të fillojmë nga bazat se si të rrotullojmë një joint normal që më pas të kalojmë edhe tek pjesa më argëtuese.

Hapi 1: Bluarja

Gjëja e parë që duhet të bësh për të rrotulluar një joint të mirë është të bluash marihuanën tënde. Nëse ke një grinder, është perfekte. Merr sythet e kanabisit dhe ndaj në pjesë të vogla deri sa të përshtaten brenda grinder-it. Mbylle dhe bluo për disa sekonda, por mos e tepro. 

Një syth i tharë mirë duhet të thyhet lehtë, nëse lulet janë ende të lagështa do të jenë të përtypshme dhe do të ngecin në grinder. 

Nëse nuk ke grinder mund të përdorësh edhe një palë gërshërë dhe një enë të vogël për të bluar barin. Edhe një dërrasë prerjeje dhe thikë e bëjnë punën. 

Është e rëndësishme të mos lësh copëza të mëdha sythi pas bluarjes, pasi mund të bllokojnë joint-in kur po pi, dhe do të duhet ta mbash çakmakun pranë sepse do të të duhet ta ndezësh disa herë. Nga ana tjetër, nëse i bluon tepër lulet, do përfundosh me bar që duket si pluhur, që gjithashtu nuk është mirë pasi mund të bllokojë cigaren e marihuanës. 

{post: 642}

Hapi 2: Bërja e Filtrit

Për të bërë filtrin, crutch ose tip-in e joint-it, duhet një copë e vogël letre të fortë. Mund të blesh një bllok letrash filtri të para-prera në çdo dyqan me pajisje për barin, ose të presësh vetë nga karta vizitash, revista, karta indeksi apo çdo letër pak më e trashë se kutia e drithërave dhe më e hollë se letra printeri.

Për të bërë crutch-in, merre copën e letrës së zgjedhur dhe bëj disa pala në stil harmonik në njërin skaj, duke rrotulluar letrën për çdo palë derisa ta palosësh 4-6 herë ose sa dëshiron.

Më pas, mbështill pjesën tjetër të letrës rrotull harmonikës që krijove. Mos e shtrëngo shumë majën përndryshe s'do të mund ta pish më vonë. 

Ka edhe njerëz që e kthejnë bërjen e filtrave në një art, duke bërë forma të veçanta si shkronja M, S apo edhe më të ndërlikuara, si gjethe bari. Këto do t'i lëmë mënjanë tani për tani pasi janë vetëm për qëllime estetike.  

{post: 1554}

Hapi 3: Mbushja e Joint-it

Nëse vendose të përdorësh tabakën për rrotullim, këtu do të të hyjë në punë. Tabakatë janë të dobishme për të mbledhur gjithë copëzat që bien dhe për të mbajtur rrethin të pastër. Janë shumë të përshtatshme edhe nëse po rrotullon në makinë në lëvizje.

Nëse s'ke, mund të përdorësh libra, CD të vjetra apo çdo sipërfaqe të sheshtë që ke përreth. 

Merr një letër rrotullimi të çdo madhësie - ne rekomandojmë për fillestarët madhësinë standarde - vendose filtrin majtas ose djathtas, si të të vijë më lehtë, dhe mbushe me bar të bluar, duke e shpërndarë në mënyrë të barabartë në letër.

Sigurohu që ana ngjitëse e letrës të jetë në anën tënde, përballë teje, që të shmangësh vështirësitë kur të vijë puna për të ngjitur. Ndodh edhe kjo. 

Nëse dëshiron një joint si kon, duhet ta shpërndash barin në atë mënyrë që të jetë më i trashë tek skaji i letrës dhe të shkojë duke u holluar sa më afër filtrit.

Hapi 4: Koha për të Rrotulluar

Kjo është pjesa më e rëndësishme e gjithë procesit të rrotullimit. Këshilla numër një është të kesh kapje të mirë të filtrit kur po rrotullon, sepse duhet që letra rreth tipit të jetë e shtrënguar.

Duke mbajtur fort nga ana e crutch-it, shtyp letrën për të bashkuar të dy anët teksa lëviz letrën përpara dhe pas, dmth lëvizja e rrotullimit, për të shpërndarë barin. Nëse bien ca thërrime s'ka problem, mund t’i shtosh në fund kur të mbarosh. 

Sapo bari të marrë formë cilindrike, me ndihmën e gishtave të mëdhenj, mbaje fort filtrin dhe fus anën e pangjitur të letrës brenda joint-it.

Kur gjithë skaji i pangjitur është futur brenda, rrotullo deri tek skaji ngjitës, duke u përpjekur që letra të duket e lëmuar - kjo e dallon një rrotullues të përvojës nga një fillestar. Lyej ngjitësin me gjuhë dhe mbylle joint-in nga filtri drejt majës. 

Hapi 5: Prekja Përfundimtare

Pasi ta kesh rrotulluar dhe mbyllur me sukses joint-in, merr çdo objekt të mprehtë që ke pranë - zakonisht koka e çakmakut Clipper është perfekte, lapsi, maja e lidhëseve të atleteve, snurët e bluzës me kapuç, çelësat e makinës apo çdo gjë që futet në skajin e joint-it do të kryejë punë. 

Mbush lehtë joint-in me objektin e mprehtë të zgjedhur dhe nëse ke ndonjë thërrime që të ka rënë gjatë procesit të rrotullimit, ky është momenti për t’i shtuar. Kur e mbush, mos e shtyp aq fort sa ta bllokosh, por as shumë lehtë që të mos të digjet mirë dhe të fiket kollaj. 

Për ta mbyllur joint-in, përdredh fort pjesën e tepërt të letrës në majë.

{post: 1606}

Këshilla dhe Sugjerime Ekstra

Pasi të ushtrosh ca herë me aftësitë e tua të rrotullimit - edhe duke pirë shumë - do të vësh re që çdo joint i ri duket më mirë se ai i paraardhuri. Kur të ndihesh rehat me këtë mjeshtëri, ka edhe disa teknika ekstra për të impresionuar miqtë. 

E preferuara jonë është të presësh letrën para se të fillosh rrotullimin që të bëhet pak më e hollë. E bëjmë këtë për të hequr letrën e tepërt të joint-it, duke pirë më pak letër, që sipas disa njerëzve shton edhe shijen e joint-it. 

Një aspekt i rëndësishëm i letrave të rrotullimit është cilësia. Edhe pse çdo letër kryen punë, ne të rekomandojmë të përdorësh letra cilësore, të dedikuara për barin. Normalisht, letrat për joint-e janë më të holla, madje ka edhe nga ato prej kanepi ose orizi në vend të pulpës së drurit. 

Në fund, përpiqu të përdoresh letra organike të pazbardhura kur ke mundësi, janë më të shëndetshme dhe ofrojnë një shije më të pastër gjatë pirjes. Letrat e zbardhura përmbajnë kimikate si klori dhe kalcium karbonati të dëmshëm për mushkëritë, ndërsa letrat e pazbardhura prodhohen edhe prej kanepi 100%. 

{post: 787}

Përfundim

Praktiko, praktiko dhe prapë praktiko! Praktika me të vërtetë të bën të përkryer. Çelësi është të marrësh kohën tënde dhe të jesh i qetë - si nga mendja ashtu edhe nga ambienti - kur po rrotullon një joint. Kjo është një nga pjesët më të dashura të ritualit të pirjes së marihuanës për stoner-at, nuk ka ndjesi më të mirë se të ulesh, të marrësh grinder-in dhe të fillosh të rrotullosh vetë - apo edhe për miqtë - një joint të rrotulluar bukur.

Na beso, rrotullimi i një joint-i është një moment i madh relaksi, pa stres dhe të vendos një buzëqeshje të vogël në fytyrë.

Vlerëso çdo pjesë të procesit të të mësuarit si të rrotullosh joint-in, bëj madje edhe foto të joint-eve qesharake si karamele, sepse do të bëjnë histori gazmore të ardhmen kur të jesh bërë ekspert i rrotullimit. Edhe ne ende ndjejmë nostalgji për të gjitha ato joint-e të keq-rrotulluara që bëmë kur ishim fillestarë.

Kur të përmirësosh aftësitë, do të të hapet një botë e re joint-esh me dy letra, në formë kryqi dhe shumë të tjera për të eksperimentuar!