Ħafna Kumpaniji Amerikani se Jieqfu Jittestjaw Dawk li Japplikaw għal Xogħol għall-Użu tal-Kannabis

Bil-deċiżjoni reċenti tagħha li twaqqaf it-testijiet fuq impjegati ġodda għall-preżenza ta' metaboliti tal-kannabis fis-sistema tagħhom, Amazon stabbiliet tendenza li l-Amerika korporattiva x'aktarx issegwiha.

Illum, kważi żewġ terzi tal-Amerikani jgħixu f’stati fejn il-kannabis ġiet legalizzata għall-inqas għall-użu mediku. U qed isir dejjem aktar diffiċli għall-negozji biex jinfurzaw il-politiki skaduti tat-testijiet tad-droga fuq il-post tax-xogħol.

It-Testing fuq Ħaddiema għal Sostanza Legali huwa Diskriminatorju

Kif irrimarka Justin Strekal, direttur politiku ta’ NORML, il-prattika kontinwa li tittestja impjegati għal sostanza li m’għadhiex illegali f’diversi ġuriżdizzjonijiet hija forma ta’ diskriminazzjoni. NORML hija waħda mill-eqdem organizzazzjonijiet fl-Istati Uniti li tmexxi riformi, u taġixxi ħafna drabi mill-perspettiva tad-drittijiet Ċivili.

It-testijiet huma ġustifikati jekk l-impjegat f’kwistjoni jopera vettura jew magni tqal oħra, iżda sitwazzjonijiet bħal dawn huma rregolati mid-Dipartiment tat-Trasport. Jew jista’ jkun hemm inċident fuq il-post tax-xogħol u suspett ta' impediment. Iżda barra minn hekk, it-testijiet għall-kannabis fuq impjegati jew waqt ir-reklutaġġ m’għandhomx ikunu obbligatorji. Jekk stat jippermetti l-użu mediku jew rikreazzjonali tas-sustanza, l-impjegati m’għandhomx jiġu diskriminati b’mod arbitrarju.

Hemm tassew rabta bejn l-użu tal-kannabis u l-prestazzjoni fuq ix-xogħol?

General Motors hija fost dawk in-negozji li qed jiddiskutu l-kwistjoni li jabbandunaw it-testijiet tad-droga però s’issa rrifjutaw li jikkummentaw. Madankollu, John Birmingham, avukat li jirrappreżenta kumpaniji tal-karozzi, qal li kien jistenna lil GM tadotta l-politika l-ġdida.

Sar ħafna aktar diffiċli sabiex il-manifatturi tal-karozzi jsibu ħaddiema għall-linji tal-assemblaġġ. U l-problema żdiedet minħabba n-nuqqas ta' ħaddiema kkawżat mill-pandemija tal-coronavirus. Għalkemm ħafna mill-CEOs tal-kumpaniji jippreferu li timijiethom ikunu 100% ‘nodfa’, ma jistgħux ma jistaqsux jekk verament jagħmilx differenza x’jagħmel il-persuna barra mix-xogħol.

It-testijiet tad-droga jistgħu jiskopru preżenza ta' metaboliti tal-kannabis fis-sistema sa 30 jum wara l-użu, filwaqt li l-effett ta' impediment idum biss ftit sigħat. Għalhekk, test pożittiv għall-marijuana ma jfissirx li l-persuna għadha taħt l-influwenza tagħha. Fil-biċċa l-kbira tal-każijiet meta impjegati jiftħu kawża kontra kumpanija, huma jikkontestaw l-eżattezza tat-test.

Li jbiddlu l-pożizzjoni tagħhom dwar it-testijiet qabel l-impjieg jidher bħala politika sensibbli u fil-ħin għan-negozji, u l-ħaġa tajba x’tagħmel kemm għal raġunijiet pragmatiċi kif ukoll mid-drittijiet ċivili.