Kannabis Industrijali: L-aktar Prodott Versatili fid-Dinja

Esperti huma fiduċjużi li l-kannabis industrijali, l-aktar prodott versatili fid-dinja, jista’ jgħin fil-ġlieda kontra t-tibdil fil-klima u l-kollass ekoloġiku minħabba l-effettività, il-benefiċċji u l-użi multipli tiegħu. Grazzi għall-legalizzazzjoni tal-kannabis madwar id-dinja, ix-xjenzati kellhom l-opportunità jistudjaw il-kannabis industrijali u jidher li jista’ jkun prodott agrikolu li jiffranka l-art għax jista’ jipproduċi l-istess ammont ta’ żejt, bijomassa u proteina f’żona iżgħar mill-uċuħ li qed nkabbru bħalissa.

L-Aktar Prodott Versatili fid-Dinja

Il-kannabis industrijali għandha applikazzjonijiet differenti, minn materjali għall-kostruzzjoni u plastik bijodegradabbli sa użi fl-industriji tal-ajruspazju u l-karozzi li dan sorpriża kbira għal ħafna nies, iżda l-esperti jgħidu li l-użi tal-pjanta ilhom magħrufa u jemmnu li kienet injorata u nuqqas ta’ użu minħabba r-reputazzjoni ħażina li għandha l-pjanta tal-kannabis.

Illum il-ġurnata hekk kif il-kannabis ġiet dekkriminalizzata (u legalizzata) f’għadd ta’ pajjiżi, l-esperti jsostnu li dan se jgħin fl-iżvilupp tal-industrija tal-kannabis industrijali u jħeġġeġ ekonomija sostenibbli li tista’ tissostitwixxi l-injam, il-qoton, u prodotti ibbażati fuq il-pitrolju minħabba li teħtieġ inqas riżorsi biex titkabbar. Pereżempju, il-qoton għandu bżonn mill-inqas 5000 litru ta’ ilma għal kull 500 gramma ta’ prodott finali waqt li l-kannabis industrijali teħtieġ inqas minn nofs daqshekk u xorta tipproduċi sa 250% aktar fibra fl-istess ammont ta’ art.

L-Ewwel Pass Kontra t-Tibdil fil-Klima

Issa, il-produzzjoni taż-żejt u l-proteina mil-kannabis industrijali hija kważi daqs dik ta’ uċuħ oħra, iżda minħabba l-ammont kbir ta’ bijomassa li tipprovdi, tista’ tintuża għall-produzzjoni ta’ tessuti u materjali ta’ kostruzzjoni li jistgħu jinżammu għal aktar minn 50 sena, u tippermetti li nagħmlu l-ewwel pass sabiex niġbdu il-karbonju miċ-ċirkolazzjoni.

Iżda x-xjenzati jwissu li huwa kruċjali li nibdlu d-drawwiet ħżiena li qed jaffettwaw il-pjaneta tagħna għax il-kannabis industrijali mhix is-soluzzjoni, iżda għodda qawwija kontra l-kriżi klimatika li qegħdin ngħaddu minnha bħalissa, u tista’ tgħin fil-ġlieda kontra t-tibdil fil-klima b’modi differenti; L-uċuħ tal-kannabis industrijali jeħtieġu inqas fertilizzant, li jgħin jirriġenera l-artijiet tagħna u ż-żrieragħ prodotti jistgħu jissostitwixxu l-laħam, it-tjur, il-ħut, il-bajd u l-prodotti tal-ħalib, b’riżultat ta’ prezzijiet ogħla tal-fibra li jistgħu jagħtu profitt stabbli lill-bdiewa li jduru għall-kultivazzjoni tal-kannabis industrijali, akkwisti kbar ta’ karbonju u potenzjal għal żieda fil-bijodiversità.

Jekk isir sew u l-kumpaniji jieħdu dan bis-serjetà, żgur naraw ħafna u ħafna prodotti differenti mill-kannabis industrijali fil-qrib, u l-esperti huma pjuttost ċerti li dan hu l-bidu ta’ vjaġġ li jista’ jgħinna nsalvaw id-dinja.

Jekk inti interessat/a f’aktar aħbarijiet dwar il-kannabis industrijali tħossokx liberu/a tgħidilna fil-kummenti hawn taħt!