UK: Studju Ġdid Stħarreġ lill-Utenti Dwar l-Aħjar Mudell ta’ Regolamentazzjoni tal-Kannabis

Tim ta’ xjenzati mir-Renju Unit beda jaħdem biex joħloq mudell għar-regolamentazzjoni tal-futur tas-suq tal-kannabis fil-pajjiż. L-għan tagħhom ma kienx biss li jħarsu lejn il-kwistjoni minn prospettiva tas-saħħa jew tal-infurzar tal-liġi, iżda li joħorġu b’sistema li xniefa tal-kannabis veri jsibuha aċċettabbli. L-idea kienet li qafas regolatorju ġdid għandu jkun jista’ jikkompeti b’suċċess mas-suq iswed. Jew saħansitra, ineħħi s-suq iswed għal kollox.

Parteċipanti Miġbura permezz tal-Multidisciplinary Association for Psychedelic Studies

Ir-riċerkaturi għażlu li jiġbru r-riżultati tagħhom minn kampjun li diġà għandu tendenza lejn il-bidla fil-liġi tal-kannabis u li hu informat dwar is-sustanzi psikodeliċi b’mod ġenerali. Għalhekk, għamlu reklamar fuq il-midja soċjali u fil-newsletter tal-Multidisciplinary Association for Psychedelic Studies, jew MAPS. Dawn il-kanali ppermettulhom jilħqu u jiġbru wkoll numru sostanzjali ta’ professjonisti fil-kura tas-saħħa.

B’riżultat ta’ dan, it-tim kellu l-opportunità jirrikjesti opinjonijiet minn 397 individwu minn pajjiżi differenti imma l-iktar mir-Renju Unit u l-Istati Uniti. Il-maġġoranza tagħhom kienu użaw il-kannabis tal-anqas darba f’ħajjithom. B’mod notevoli, ir-risposti tal-parteċipanti wrew li xi wħud minnhom kellhom xettiċiżmu dwar ir-riskji tal-użu tas-sustanza u ma kinux favur deregolamentazzjoni sħiħa.

Farmasiji u Shisha-Bars bħala Bejjiegħa Preferuti tal-Kannabis

Studju preċedenti wera li kampjun rappreżentattiv tal-popolazzjoni tar-Renju Unit jaħseb li l-kannabis għandha tinbiegħ fil-farmasiji aktar milli fi ħwienet liċenzjati jew fis-suq iswed. Fl-2018, il-pajjiż ċaqlaq il-kannabis għal Schedule 2, li ppermetta lill-pazjenti b’ċerti kundizzjonijiet mediki jaċċessaw dan il-medikazzjoni. Madankollu, min jixtieq jipprova trattament bil-kannabis għadu jiffaċċja diffikultajiet kbar biex jiksebha.

Ir-riċerka l-ġdida sabet li l-parteċipanti laqgħu l-idea li l-kannabis tinbiegħ fil-farmasiji. Madanakollu, ħasbu li—għall-iskop tat-tnaqqis ta’ ħsara—għandha tingħata lill-pazjenti anke mingħajr preskrizzjoni. Fl-istess ħin, ma kinux kontra l-proċess ta’ intervista u skrining ta’ dawk il-pazjenti għal użu problematiku.

Il-maġġoranza tal-parteċipanti kienu wkoll tal-fehma li għandu jkun hemm suq regolamentat għall-kannabis rikreattiva barra s-sistema tal-farmasiji. Appoġġjaw l-idea ta’ bars tat-tip shisha, jew hookah lounges, fejn il-konsum tal-kannabis fuq il-post ikun permess. Fl-aħħar, iddeċidew li n-nies għandhom ikollhom id-dritt jikbru l-kannabis id-dar u jużawha jew għall-użu mediku jew rikreattiv iżda mhux għall-bejgħ biex jagħmlu profitt.

L-istudju ġie ppubblikat fil-Drug Science, Policy and Law Journal aktar kmieni dan ix-xahar.