71-vjeçari lirohet pasi vuajti 31 vite burg për akuza jo të dhunshme të lidhura me marijuanën

Richard DeLisi, një 71-vjeçar nga Florida, u lirua nga Qendra Korrektuese dhe e Rehabilitimit South Bay në Palm Beach County këtë të martë, pasi kishte vuajtur 31 vite prapa hekurave për shkelje të lidhura me kanabisin. 

Në një intervistë pas lirimit të tij, kur u pyet rreth planeve të tij të ardhshme, ai u përgjigj se do të festonte në një restorant lokal, Rustic Inn, ku pasdite do të hante kraba. Munchies të sofistikuara, apo jo. 

Arsyeja pse DeLisi u dënua me 90 vite burg ishte për shkak të akuzave për organizim kriminal, trafikun e kanabisit dhe marrëveshje për komplot, kur në vitin 1988, Richard dhe vëllai i tij më i madh, Ted, u kapën në një operacion të fshehtë, i cili ndodh kur oficerë policie shfaqen të maskuar gjatë një marrëveshjeje për drogë, teksa ata po trafikonin kanabis nga Kolumbia në Florida. 

Për fatin e tij, me ndihmën e një përpjekjeje të përbashkët nga organizata Last Prisoner Project dhe avokatët pro bono (të cilët ofrojnë shërbime ligjore falas) Juster, Michael Minardi dhe Elizabeth Buchanan, Richard DeLisi arriti të lirohej pothuajse 60 vite para datës origjinale të lirimit. 

Last Prisoner Project është një organizatë jofitimprurëse që përbëhet nga avokatë, aktivistë dhe ekspertë të politikave të cilët synojnë të ndihmojnë në lirimin e të burgosurve që janë arrestuar për akuza jo të dhunshme, të lidhura me kanabisin. 

Megjithatë, sipas Departamentit të Korreksioneve të Floridës, lirimi i DeLisit nuk kishte lidhje me palët e treta, por pasi ata rishikuan dosjen e tij dhe kuptuan se nuk i ishte dhënë krediti për kohën e vuajtur, çka çoi në një lirimin më të hershëm. 

"Ndjehem jashtëzakonisht i lumtur që së shpejti do të jem në shtëpi me familjen dhe të dashurit e mi," tha Richard ekipit të tij ligjor muajin e kaluar kur u njoftua data e re e lirimit.

Para lirimit të tyre, si Richard ashtu edhe Ted DeLisi përshkruheshin si dy të burgosurit më të vjetër për krime jo të dhunshme të lidhura me marijuanën në vend.&

Ndërkohë, vëllai i tij Ted ishte liruar nga i njëjti burg në vitin 2013 pasi kishte arritur të apelonte me sukses dënimin për komplot. Në atë kohë, megjithatë, apeli i Richard ishte refuzuar.

Duhet të theksohet se, një dënim me 90 vite burg për akuza të tilla, nga gjyqtari Dennis Maloney, konsiderohet të jetë shumë përtej rekomandimeve të udhëzimeve gjyqësore.

“Ishte jashtëzakonisht padrejtësi ajo që më bënë mua. Shpresoj që të mund të ndihmoj edhe të tjerët që janë në të njëjtën situatë,” tha Richard. 

Është e trishtueshme të kuptosh se sa shumë kohë i është marrë dikujt nga jeta pa ndonjë arsyetim të drejtë, jo se do të kishte ndonjë vlerë në këtë pikë, pasi ai tashmë i ka humbur ato vite. 

Megjithatë, nuk është surprizë që reagimi i DeLisit asnjëherë nuk ishte i dhunshëm, as para dhe as pas lirimit të tij. Në fakt, ai duket të jetë thjesht i lumtur që mund të kalojë kohë me familjen e tij sërish dhe të festojë festat bashkë pas 31 vitesh.

Tani DeLisi do të takojë për herë të parë pesë nga nipërit dhe mbesat e tij dhe do të ribashkohet me dy fëmijët e tij.