Agjencia Amerikane Kundër Dopimit Nuk Mund T’i Ndryshojë Vetë Rregullat për Kanabisin

Udhëheqësit e Agjencisë Amerikane Kundër Dopimit i shkruan një letër anëtarëve të Kongresit Amerikan lidhur me ndalimin e Sha'Carri-t nga Olimpiada, duke pohuar se janë duke u përpjekur të lehtësojnë pasojat e rënda për konsumimin e kanabisit nëse nuk përdoret për të përmirësuar performancën, por nuk mund t’i ndryshojnë rregullat vetë.

Letër për Kongresin

Agjencia Amerikane Kundër Dopimit (USADA) dërgoi një letër përfaqësuesve duke adresuar çështjen e Sha’Carri Richardson. Sportistja 21-vjeçare nuk do të marrë pjesë në Olimpiadën e ardhshme pasi rezultoi pozitive për kanabis pas fitores në provat olimpike. Atletja mori një pezullim 30-ditor dhe testi pozitiv anuloi vendin e parë në provat olimpike, çka bëri që Federata Amerikane e Atletikës ta përjashtojë nga stafetën 4x100, vendim i cili është kritikuar nga përfaqësuesit.

Letra e dërguar të premten e kaluar përmendi UFC-në e cila nuk penalizon përdorimin e kanabisit nëse nuk përdoret për rritjen e performancës, por, sipas USADA-s, Olimpiadat janë të nënshkruara nga Komiteti Olimpik dhe Paralimpik Amerikan, prandaj ata nuk mund të ndjekin të njëjtën rrugë. Në letër USADA pohon se shumica e qeverive kanë qenë shumë hezituese për ta hequr kanabisin nga lista e ndaluar dhe pohon se, në vitin 2004 kur kanabisi u përfshi në listë, qeveria amerikane ishte një nga mbështetësit më të fortë për këtë përfshirje.

Richardson e Pranoi Vullnetarisht Sanksionin

Ekspertët pohojnë se letra përmendi listën e ndaluar për të treguar se qeveria amerikane nuk dëshiron ende të heqë kanabisin nga kjo listë, prandaj çdo tentativë për të kthyer sanksionin do sillte një pezullim edhe më të gjatë. Agjencia Botërore Kundër Dopimit (WADA) pohon se ndalimi i kanabisit është një stres i panevojshëm në jetën e sportistëve, rregulli është i vjetëruar dhe duhet ndryshuar pasi kanabisi është legal në më shumë se 19 shtete në SHBA dhe të paktën i dekriminalizuar në mbi 35 vende të botës. 

Si përgjigje, USADA theksoi se shumica e qeverive kanë qenë shumë hezituese për ta hequr kanabisin nga lista e ndaluar për arsye të shëndetit publik dhe do të duhet më shumë kohë derisa të përfundojnë kërkimet e nevojshme dhe ata të vlerësojnë si të veprohet në mënyrën më të sigurt të mundshme.