Cili është Dallimi mes CBD të nxjerrë nga Kërpi dhe Kanabisi?

• 1. Si të dalloni ç’është kërpi dhe ç’është kanabisi
• 2. Cbd kërpi vs cbd kanabisi
• 3. Pamja vizuale e kërpit vs kanabisit
• 3. a. Resina e kanabisit vs resina e kërpit
• 4. A ndryshojnë efektet e cbd-së së kërpit & kanabisit?
• 5. Statusi ligjor: dallimi kryesor mes cbd-së së kërpit & kanabisit
• 6. Përfundimi

Që kur gjithnjë e më shumë vende filluan të legalizojnë përdorimin e marijuanës për qëllime mjekësore, është rritur edhe interesi për përdorimin e kanabisit në trajtimin e shumë gjendjeve të ndryshme shëndetësore, nga dhimbjet e lehta deri te sëmundjet kronike. 

Opsionet kur bëhet fjalë për marijuanën janë të gjera, secili person ka gjasa të gjejë pikërisht atë që i duhet dhe kërkon nga kjo bimë magjike dhe varietetet e saj, si përsa i përket varieteteve ashtu edhe mënyrave të përdorimit. 

Shumicën e rasteve, sa i përket marijuanës mjekësore, njerëzit janë të interesuar për CBD, kanabidiolin, kanabinoidin tek familja e barit që ofron shumë përfitime shëndetësore dhe nuk shkakton trullosjen tipike të kanabisit, e cila prodhohet nga THC-ja. 

Gjithsesi, mund të merrni CBD si nga kërpi ashtu edhe nga bimët e marijuanës, dhe ndërsa shumë njerëz mund të mendojnë se këto të dyja janë e njëjta gjë, në të vërtetë nuk janë, dhe ka disa dallime mes tyre që lidhen me sasinë: përgjithësisht, produktet me CBD të nxjerra nga kërpi përmbajnë vetëm CBD dhe në sasi më të vogla se ato të marijuanës. 

1. Si të dalloni ç’është Kërpi dhe ç’është Kanabisi

Për të analizuar ndryshimin midis CBD-së së nxjerrë nga kërpi dhe kanabisi, së pari duhet të shpjegojmë çfarë janë secila prej tyre. Kërpi, nga njëra anë, është termi që përdoret për të përshkruar ato bimë të marijuanës që përmbajnë më pak se 0.3% THC. Kjo do të thotë që kërpi është një lloj marihuane. 

Kurse kanabisi, mund të nënkuptojë dy gjëra: i gjithë grupi i bimëve të marijuanës që prodhojnë majat; ose, sic njihet zakonisht, ai që të jep ndjesinë e "high" të kanabisit, që do të thotë, përqindje më të larta THC-je. 

Kërpi, apo kërpi industrial, është një varietet i Cannabis Sativa që është kultivuar për qindra vite, për qëllime të ndryshme, si prodhimi i litarëve, veshjeve, pajisjeve detare, ushqimit, ilaçeve, dhe shumë të tjera. ¹

Bimët e marijuanës, ato që janë psikoaktive, mund të ndahen në tre kategori: Cannabis Indica, Cannabis Sativa, dhe hibride, dhe secila prej tyre ka karakteristika dhe efekte të ndryshme. 

2. CBD Kërpi vs CBD Kanabisi

Si bimët e kanabisit, ashtu dhe ato të kërpit përmbajnë sasi të caktuara THC-je dhe CBD-je, së bashku me kanabinoide të tjera, terpene dhe mbi 1000 përbërës të tjerë. Atëherë, cila është diferenca? Siç përmendëm më parë, është sasia e këtyre përbërësve. ²

Përmbledhtazi, te bimët e kanabisit do të gjeni sasi të larta THC-je por më pak CBD. Dhe anasjelltas, kërpi përmban sasi të larta CBD-je dhe pothuajse fare THC. Por kjo ka ndryshuar ndër vite; një studim i vitit 2016 vuri re se lëndët e kanabisit kishin shtuar ndjeshëm përmbajtjen e THC-së. ³

Në vitin 1995, përqindja e THC ishte 4%, ndërsa sot mund të gjejmë varietete me më shumë se 27% THC, si p.sh. varietetin tonë Gorilla Cookies Auto. Në të njëjtën kohë, ky studim tregoi që niveli i CBD ra nga 0.28% në 2001 në më pak se 0.15% në 2014.

3. Pamja Vizuale e Kërpit vs Kanabisit

Nje diferencë e madhe mes kërpit dhe kanabisit qëndron te pamja e tyre. Bimët e kërpit, në një anë, kanë tendencë të jenë të holla, të gjata dhe me më pak gjethe (pra, më pak pamje të dendur).

Bimët e kanabisit, nga ana tjetër, janë zakonisht më të trasha, me pamje më të dendur/gjethe. Por jo të gjitha varietetet duken njësoj. Indica-t zakonisht janë ngjyrë jeshile e errët, të shkurtra dhe të dendura, dhe gjethet e tyre janë më të gjëra dhe më pak të gjata. Sativa-t janë e kundërta, ngjyrë jeshile më e çelët, të gjata dhe më të holla, gjethet më të holla, të mprehta dhe më të gjata. 

Ka edhe disa ndryshime të tjera mes tyre, si përmbajtja e resinës.

Resina e Kanabisit vs Resina e Kërpit

Nje diferencë thelbësore mes CBD-së së nxjerre nga kërpi dhe ai kanabisi është sasia e resinës në secilën bimë. Resina gjendet ndër trikomët e majave të marijuanës, ato gjëndrat e ndritshme, në formë kërpudhe, në lule që mund t’i shihni përmes një lenteje makro. Sasi të vogla resine gjenden edhe nëpër gjethe. 

Bimët e kanabisit janë ato që zakonisht përmbajnë sasi të mëdha të resinës, ndërsa kërpi (apo kërpi industrial) përmban ndjeshëm më pak resinë. Kjo do të thotë që kanabisi është një burim më i mirë e më i pasur i CBD-së krahasuar me kërpin. Për të nxjerrë të njëjtën sasi të vajit të CBD nga kërpi duhet më shumë lëndë bimore se nga kanabisi. 

Gjithsesi, ka gjithmonë përjashtime nga rregulli. Ekzistojnë disa varietete të reja artizanale të kërpit që prodhojnë përqendrime jashtëzakonisht të larta CBD-je, në rangun 12%-20% CBD dhe 0.3% ose më pak THC.

4. A Ndryshojnë Efektet e CBD-së së Kërpit & Kanabisit?

Në nivel molekular, CBD-ja e nxjerrë si nga kanabisi ashtu edhe nga kërpi mbetet po e njëjta. Kështu, mund të themi që efektet e CBD-së do të jenë të njëjta, pa marrë parasysh prej kujt është nxjerrë - kanabis apo kërp. 

Si CBD-ja e nxjerrë nga kërpi, ashtu edhe ajo nga kanabisi prodhojnë efekte anësore të ngjashme, që përfshijnë:

• Lodhje;
• Irritim; 
• Dhe shqetësime në stomak. 

Megjithatë, kur bëhet fjalë për efektet pozitive që ofron CBD-ja, kombinimi i këtij kanabinoidi me THC sjell më shumë përfitime se CBD-ja e vetme. Kjo do të thotë që kanabisi mund të prodhojë më shumë efekte sesa kërpi.

Për të përfituar maksimumin nga kanabisi mjekësor, duhet së pari të gjeni varietetin që i përgjigjet nevojave tuaja. Konsultohuni me mjekun për efektet që kërkoni, dhe me ekspertë të kanabisit për të gjetur varietetin që ju përshtatet. 

Merrni parasysh se, edhe pse CBD-ja sjell disa efekte, është kombinimi i saj me komponime të tjera si terpenet, që i jep efektet e plota. Mësoni mbi vetitë e çdo tipi terpene nëse dëshironi të përdorni kanabisin në mënyrën më të saktë për veten tuaj.

5. Statusi Ligjor: Dallimi Kryesor mes CBD-së së Kërpit & Kanabisit

Nje ndër diferencat më të mëdha mes CBD-së së nxjerrë nga kanabisi dhe ajo nga kërpi është statusi ligjor i produkteve të marra prej tyre. Meqë kërpi nuk prodhon efekte psikoaktive, nuk mund të ndalohet realisht. Ndërkohë, kanabisi i ka këto efekte, ndaj disa vende e konsiderojnë si substancë narkotike. 

Kërpi është dekryminalizuar prej disa vitesh, dhe çdo produkt që vjen nga ky lloj bime mund të tregtohet lirshëm, ndërsa këtë nuk mund ta themi për CBD-në e kanabisit. 

Kjo ndodh sepse disa prej produkteve me CBD të nxjerra nga kanabisi përmbajnë edhe sasi të vogla THC-je, dhe varësisht nga vendi, produktet me vetëm 0.3% THC lejohen të tregtohen. Kjo do të thotë që nëse një produkt me CBD nga kanabisi ka më pak se 0.3% THC, mund të shitet, por sërish varet nga shteti. 

Për të marrë produkte më të forta me CBD, ka mundësi që të duhet recetë mjekësore, dhe zakonisht ato do përmbajnë sasi më të larta THC-je, të cilat do t’ju japin ndjesinë "high", kështu që sigurohuni ta dini këtë. 

Gjithsesi, nëse jetoni në një vend ku përdorimi i marijuanës është plotësisht i dekryminalizuar, si për përdorim rekreativ ashtu edhe mjekësor, atëherë nuk keni pse shqetësoheni më shumë përveç nevojave tuaja personale. 

6. Përfundimi

Kanabisi është një bimë me spektër të plotë që mund të ndihmojë për shumë gjendje njëkohësisht. Dhe megjithëse ky është një avantazh i madh, mund të bëhet ndonjëherë sfiduese të vendosësh cilat varietete të kultivosh, pasi të gjithë janë të mrekullueshëm. 

Është thelbësore të bëni pak kërkim, të pyesni miq apo ekspertë dhe të provoni vetë për të parë çfarë ju përshtatet dhe çfarë jo. Sa më mirë të informoheni, aq më shpejt do të gjeni atë që kërkoni.

Gjithsesi, pasi askush nuk ka vdekur ndonjëherë nga konsumimi i kanabisit, s’keni arsye të shqetësoheni nëse doni të provoni varietete dhe mënyra të ndryshme konsumi deri sa të gjeni atë që ju përshtatet.

SHËNIM MJEKËSOR

Kjo përmbajtje është vetëm për qëllime edukimi. Informacioni i dhënë është marrë nga kërkime të kryera nga burime të jashtme.

REFERENCA TË JASHTME

1. "Farat e Kërpit Industrial (Cannabis sativa L.): Cilësia Ushqimore dhe Potenciali për Shëndetin dhe Ushqimin e Njeriut" Barbara Farinon, Romina Molinari, Lara Costantini, dhe Nicolò Merendino. Korrik 2020.
2. "Cannabis sativa: Bima e Mijëra Molekulave" Christelle M. Andre, Jean-Francois Hausman, and Gea Guerriero. Shkurt 2014. 
3. "Ndryshimet e Potencës së Kanabisit në 2 Dekadat e Fundit (1995-2014): Analizë e të Dhënave të SHBA-së" Mahmoud A. ElSohly, Zlatko Mehmedic, Susan Foster, Chandrani Gon, Suman Chandra, and James C. Church. Prill 2016.