Fermerët në Kaliforni do të kultivojnë kanabis pa taksa

Javën e kaluar, legjislatura e shtetit miratoi një marrëveshje buxhetore që ofron një lehtësim për industrinë ligjore të kanabisit, e cila ende është me humbje 6 vite pas legalizimit. Ndryshimi kryesor është heqja e taksës që paguanin fermerët e kanabisit, por ligjvënësit gjithashtu pezulluan rritjen e planifikuar të normës së akcizës, zhvendosën taksat nga shpërndarja drejt shitjes me pakicë, dhe vendosën për kreditë tatimore për bizneset.

Rregulloret e reja ishin përgjigje ndaj viteve të lobimit nga ana e industrisë së kanabisit, e cila ka vështirësi të mbetet konkurruese me tregun ilegal. Edhe pse shumë mbrojtës të kanabisit e quajtën sukses, ligji i ri u kritikua nga skeptikë që dyshojnë se mund të sjellë ndryshime të mëdha për industrinë në vështirësi.

Barazimi i terrenit ku tregu i zi ende fiton lehtësisht

Me legalizimin në vitin 2016, përdorimi i kanabisit nga të rriturit nuk është më vepër penale. Reforma ka rezultuar tashmë e dobishme pasi ka reduktuar kostot për rendin publik dhe dëmin nga kriminalizimi i qytetarëve të ndershëm. Megjithatë, qëllimi tjetër i deklaruar i legalizimit – të ardhurat e mëdha nga taksat e një industrie të re legale – ka rezultuar më i vështirë për t’u arritur.

Marrja e një licence, mbulimi i kostove të rregullave mjedisore, dhe pagesa e taksave të larta ndikojnë negativisht në mundësinë e kultivuesve, prodhuesve, shpërndarësve dhe shitësve ligjorë për të konkurruar me ata ilegalë. Pritet që heqja e taksave për kultivuesit do të sjellë efekt pozitiv në të gjithë zinxhirin e furnizimit.

Edhe mbetjet tani mund të sjellin fitim

Derimë tani, fermerët duhej të paguanin një taksë fikse prej 10.08 dollarë për çdo ons sythesh, dhe kjo është bërë gjithmonë e më e papërballueshme ndërsa kërkesa është rritur por dyqanet janë ende të pakta. Ligji 64 u lejonte qarqeve dhe bashkive të ndalonin hapjen e dyqaneve të marijuanës në juridiksionet e tyre (çka shumë zyrtarë të zgjedhur edhe bënë). Kjo çoi në mbifurnizim dhe ulje të çmimit shumicë, dhe vitin e kaluar disa fermerë u detyruan t’i lënë të kalben të korrat e tyre në ara .

Pasi janë miratuar rregullat e reja, kultivuesit mund të kenë mjaftueshëm fitim që gjithë sipërmarrja të jetë sërish e leverdishme. Dhe pasi edhe mbetjet e prerjeve nuk do të tatohet më, edhe ato mund të japin fitim pasi kultivuesit mund t’i shesin ato tek prodhuesit e kremrave dhe kozmetikës.