Festimi i 420: Historia Pas 20 Prillit

• 1. Historia pas ditës 4/20
• 1. a. Miti #1: kodi i radios së policisë
• 1. b. Miti #2: numri i përbërësve të gjetur në kanabis
• 1. c. Miti #3: seksioni i kodit penal
• 1. d. Miti #4: data e vdekjes së bob marley
• 2. Historia e vërtetë e ditës 4/20
• 3. Si u bë 420 i njohur në mbarë botën?
• 4. Si feston 4/20 në botë?
• 4. a. Festimet publike të 4/20
• 4. b. Festivale
• 4. c. Këshilla për të shijuar festën e 4/20
• 5. Si të festosh 4/20 në shtëpi
• 5. a. Miq, lojëra, filma
• 5. b. Sesione online pirjeje
• 6. Në përfundim

Për një kohë të gjatë 420 është lidhur me kanabisin, të gjithë e dinë se 4:20 është ora për të ndezur një cigare.

Sot është 20 Prilli (i njohur si dita 4/20) dhe në këtë datë, të gjithë festojmë dashurinë tonë për këtë bimë. Por jo shumë njerëz e dinë se si dhe pse ky numër u lidh me pirjen e kanabisit, prandaj lexoni më tej për të mësuar gjithçka që duhet të dini. Çdo vit shitësit e kanabisit presin rritje të shitjeve me 30%; Vlerësohet se, gjatë këtij 20 Prilli, adhuruesit e kanabisit në mbarë botën do të shpenzojnë mbi $400.000 për kanabis legal, që është më shumë se 28.000kg produkte kanabisi (përfshirë ekstrakte, ushqime dhe CBD), pa llogaritur tregun ilegal!

Por kjo ditë nuk është vetëm për të konsumuar kanabis; Kjo ditë shënon mënyrën se si kanabisi u bë më shumë se thjesht një bimë, duke inkurajuar edhe më shumë legalizimin dhe duke festuar kulturën e kanabisit në mbarë botën. Ja si nisi gjithçka dhe historia origjinale pas ditës më të lumtur në Tokë. 

1. Historia Pas Ditës 4/20

Të gjithë e dinë se çfarë do të thotë numri “420”; Katërzet e njëzet u bë slang në kulturën e kanabisit për të përmendur konsumin e kanabisit ose çdo gjë që lidhet me kanabisin. Megjithëse njihet në të gjithë botën, askush nuk di realisht pse 420 lidhet me kanabisin. Për vite të tëra ekzistuan shumë mite dhe spekulime rreth kuptimit dhe origjinës së 420, kështu që nëse jeni një prej tyre dhe doni të dini pse dhe si 420 u bë ajo që është sot, ja mitet dhe shpjegimet më të besuara që u provuan të ishin të pasakta.

Miti #1: Kodi i radios së policisë

Për shumë vite njerëzit kanë folur se 420 ishte kodi i radios së policisë për konsumimin e marijuanës në proçes ose kodi për posedim, por kjo është më se gabim sepse nuk ekziston asnjë kod 420 që lidhet me kanabisin në radio-kodet e policisë.

Edhe pse nuk lidhet me kanabis siç mendojnë shumica, ekzistojnë disa kode 420 ose të ngjashme të radios që përdoren nga policia në disa qytete, për shembull:

Siç mund ta shihni, nuk kanë lidhje fare me kanabisin, ekziston edhe një kod tjetër që s’ka lidhje fare me kanabisin (përveç renditjes së numrave ndryshe) që përdoret nga policia e Long Beach: Kodi 402b që është kodi për “frigorifer i braktisur”.

Miti #2: Numri i përbërësve të gjetur në kanabis

Nga teoritë më të besuara (përpara se të bëhej më shumë kërkim) ishte që 420 ishte numri i përbërësve të gjetur në kanabis, sërish gabim. Kanabisi vërtet ka më shumë se 400 përbërës, por kjo u zbulua nga shkencëtarët kohët e fundit ndaj është e pamundur që dikush në vitet '70 të kishte dijeni për këtë.

Miti #3: Seksioni i kodit penal

Në një tjetër mit thuhet se 420 është seksioni i kodit penal për përdorimin e kanabisit, kjo është gjithashtu e pasaktë. Seksioni 420 i kodit penal të Kalifornisë i referohet pengimit të hyrjes në tokën publike, deri në vitin 2004 nuk ekzistonte seksion specifik për përdorimin e kanabisit. Megjithatë, më 1 janar 2004, guvernatori i Kalifornisë firmosi Ligjin 420 i cili rregullon përdorimin e kanabisit për qëllime mjekësore, numri 420 u përdor për lidhjen ekzistuese dhe jo anasjelltas.

Miti #4: Data e vdekjes së Bob Marley

Disa njerëz shpërndanë thashetheme se 20 Prilli ishte data kur vdiq Bob Marley dhe e shpallën 4/20 si një datë përkujtimore në nder të këngëtarit të famshëm reggae. Të tjerë thonë se ai ka lindur më 4/20, por kjo teori është rrëzuar disa herë.

Që prej atëherë është vërtetuar se Bob Marley lindi më 6 shkurt 1945 dhe vdiq 36 vite më pas, më 11 maj 1981 (disa javë pas 20 Prillit), duke e bërë këtë thashetheme të pavërtetë, por pa i hequr atij statusin si ikonë e përjetshme e kanabisit. 

2. Historia e Vërtetë e Ditës 4/20

Pasi rrëzuam të gjitha ato mite, para disa vitesh një grup miqsh ndanë shpjegimin më të besueshëm deri më sot, të besuar nga shumëkush. Në vitin 1971, një pjesëtar i rojës bregdetare amerikane, nga frika se do ta kapnin, u dha pesë nxënësve në San Rafael High School në Marin County, California, një sasi të konsiderueshme kanabisi. Bujaria e tij u prit shumë mirë nga nxënësit dhe që nga ajo ditë ata takoheshin çdo ditë pas aktiviteteve shkollore dhe pinin ato buds.

Vazhdimisht i kujtonin njëri-tjetrit gjatë orëve mësimore “afër statujës në 4:20 pasdite”, një frazë që pas ca kohe u shkurtua vetëm te “4:20”. Në atë kohë nuk ishte aq e lehtë të gjeje kanabis ndaj u bënë të njohur mes të gjithë grupeve të shkollës, duke e bërë 420 të njohur për të gjithë pothead-at e shkollës së tyre.

3. Si u Bë 420 i Njohur në Mbarë Botën?

Me siguri po pyesni veten, si nga një kod i thjeshtë mes nxënësish të shkollës së mesme, 420 u bë i njohur dhe i përdorur në mbarë botën si term zyrtar për konsumimin e kanabisit?

Njeri nga vëllezërit e atyre djemve njihte personalisht grupin Grateful Dead dhe i siguroi vëllait punë pranë tyre. Pas pak kohësh, të gjithë stafi i bandës filloi të përdorte këtë term, i cili më pas u përhap dhe të fansat e tyre. Pak javë përpara një koncerti në Oakland, California një grup fansash filluan të shpërndanin fletushka duke ftuar njerëzit të “pinë 420 më 20 Prill në orën 4:20”.

Në duart e Steve Bloom, një gazetar në revistën High Times, përfundoi një nga këto fletushka. I tërhoqi vëmendjen dhe filloi ta përdorte vazhdimisht këtë numër në artikujt e tij prej atëherë. Nuk kaloi shumë kohë dhe numri u njoh në mbarë botën, i lidhur ngushtë me kanabisin dhe kulturën e tij. Madje u përqafua nga kultura pop dhe filloi të përdorej edhe në filma apo këngë të njohura.

Tani përdorim 20 Prillin për të festuar kulturën e kanabisit dhe për të shpresuar për legalizim global.

4. Si Feston 4/20 në Botë?

4/20 ishte duke u festuar që përpara se të bëhej popullor nga revista High Times, siç u përmend më lart, grupi i miqve që krijuan 420 si “slang” për kanabis tashmë e përhapte gojë më gojë dhe pse nuk festohej kudo në botë si sot. Kjo ditë ishte ngjarje e njohur në kampuse kolegjesh dhe parqe të qytetit, e festuar në mbështetje të legalizimit të kanabisit, konsumimit të tij dhe gjithçka që lidhet me të, siç është edhe sot.

Festimet Publike të 4/20

20 Prilli festohet ndryshe në çdo vend, por me një gjë të përbashkët: konsumimin e kanabisit. Në qytetet ku është i ligjshëm, njerëz nga kudo grumbullohen në parqe lokale dhe festojnë marijuanën duke organizuar sesione masive pirjeje. Për shembull, në New York mblidhen në Washington Square Park, në Denver 4/20 zhvillohet në Civic Center Park dhe në San Francisko, Hippie Hill shndërrohet në sesionin më të madh që ke parë ndonjëherë!

Ndërsa në vendet ku kanabisi është ende i paligjshëm mund të jetë e vështirë të mblidhesh me miq për të pirë, sepse mund të kesh probleme, kështu që zakonisht njerëzit mblidhen dhe protestojnë për të njoftuar qeverinë që ende kërkojnë legalizimin dhe të drejtën për të konsumuar kanabis. 

Në Sidney, adhuruesit e kanabisit marshojnë në Kings Cross për të mbështetur të drejtën për të konsumuar dhe blerë kanabis ligjërisht, ndërsa në Londër (edhe pse është ende i paligjshëm) njerëzit protestojnë duke pirë kanabis në Hyde Park dhe, në Brazil ka “Marcha da Maconha“ (diçka si Marsh për kanabisin) që zhvillohet në rrugët kryesore të vendit, duke protestuar për legalizimin dhe të drejtën për të kultivuar çdo kush bimën e vet në shtëpi.

Festivale

Ka shumë festivale në qytetet e sipërpërmendura dhe në mbarë botën, ndaj nëse ndodhesh aty rrotull dhe do të kalosh mirë, sigurohu që kontrollon këto festivale 4/20:

420 Hippie Hill Festival - Shtetet e Bashkuara

Festivali ofron shfaqje të ndryshme muzike, evente dhe një sesion të madh pirjeje me mbi 15.000 entuziastë që festojnë së bashku. Ky është një event falas, ndaj nuk ke nevojë të blesh biletë, vetëm sigurohu që je gati dhe shko në Hippie Hill Festival në Parkun historik Golden Gate.

Mile High 420 Festival - Shtetet e Bashkuara

Mile High 420 Festival është festivali më i madh falas i 420-s, ku mijëra dashamirës të kanabisit mblidhen në Denver City Park për të festuar kulturën dhe komunitetin e kanabisit. Ky festival sjell bashkë mbështetës nga e gjithë bota për të festuar kulturën dhe industrinë e kanabisit. Mbi 50.000 njerëz çdo vit, ky event është 100% falas dhe i duhet çdo adhuruesi të kanabisit.

420 Vancouver Smoke Out Festival - Kanada

420 Smoke Out Festival është festival që feston kulturën e kanabisit, legalizimin dhe vetë bimën. Ky event nisi para viteve kur kanabisi ishte i paligjshëm, por tani, pas legalizimit, është kthyer në një nga festivalet më të mëdha në Kanada, duke hapur vend për aktivitete të reja në shumë qytete të tjera.

Mbledhja 420 në Hyde Park - MB

Edhe pse është ende i paligjshëm, shumë adhurues mblidhen në Hyde Park në orën 4:10 pasdite (ose dhe më herët) për të numëruar sekondat deri në 4:20. Mijëra entuziastë ndezin “cigare të dyshimta” (pra jointe); Nëse ke ndërmend të shkosh, kujtohu: kanabisi është ilegal dhe kushdo që zbulohet në posedim i nënshtrohet arrestimit dhe ndjekjes penale.

Marcha Da Maconha - Brazil

Marcha da Maconha është ngjarje që zhvillohet në mbi 12 qytete të Brazilit. Ky marshim mbledh mbi 2.000 entuziastë për çdo qytet që marshojnë në rrugët kryesore, jo vetëm për legalizimin por edhe për rregullimin e tregtisë e përdorimit të saj. 

Këshilla për të shijuar festën e 4/20

Nëse është hera jote e parë që feston 4/20, ja pak këshilla që do e bëjnë (për ty dhe të tjerët) festën të paharrueshme:

Planifiko më parë

Pjesa më e madhe e farmacive të kanabisit ofrojnë oferta të mira para dhe gjatë 4/20 ndaj sigurohu që ke furnizimet e nevojshme, nuk do të ishte qejf të prisje në radhë për të blerë kanabis ndërkohë që të tjerët po festojnë.

Konsumoni me masë

20 Prilli është kohë për t’u gëzuar ndaj respekto limitet e tua; nëse je konsumator i vjetër e di sa është “shumë”, ndaj merr shtruar dhe shijo.

Nuk ke pse t’i pish të gjitha menjëherë ndaj fillo ngadalë, mbaj ujë dhe një çokollatë me vete mos vallë “zombifohesh”.

Respekto ata që nuk pijnë

Jo të gjithë që festojnë 4/20 pijnë kanabis; besojeni ose jo, ka plot që nuk konsumojnë por mbështesin legalizimin, ndaj respektoni hapësirën e tyre dhe kur pini, përpiquni të qëndroni larg familjeve me fëmijë.

Mos drejto makinën nën efektin e kanabisit

Drejtimi i makinës nën efekt e ndalohet, edhe në vendet ku kanabisi është legal dhe policia do të jetë patjetër duke patrulluar aty ku ka festime të 4/20, ndaj sigurohu të marrësh një taksi ose të ecësh, mos hap vetë probleme!

5. Si të Festosh 4/20 në Shtëpi

Nëse për fat të keq nuk mund të udhëtosh momentalisht (ose thjesht nuk do të lësh shtëpinë), mos u dëshpëro, ka shumë argëtim për çdo preferencë.

Miq, lojëra, filma

Ka plot gjëra që mund të bësh në shtëpi, ndaj mblidhuni dhe bëhuni gati për orën 4:20 pasdite. Nuk ka rëndësi si e feston, vetëm festo dhe kalo bukur me miqtë.

Për ata që do të qëndrojnë në shtëpi, ja disa lojëra kanabisi që mund të luani me miqtë tuaj:

• Gara në rrotullimin e jointeve;
• Weed Jenga;
• Shihni një film me temë kanabisi (si Pineapple Express);
• Dhe Weed Never Have I Ever.

Nëse nuk doni të luani gjithë ditën, ka dhe evente virtuale që mund t’i shihni me miqtë nga rehatia e shtëpisë, ndaj ja ca sesione online që do ju pëlqejnë dhe do ju argëtojnë gjatë gjithë ditës.

Sesione Online Pirjeje 

Duke filluar me ikonën e kanabisit Snoop Dogg që feston publikimin global digjital të Dr. Dre’s The Chronic. Shijoni këtë klasik të 420-s me transmetim live dhe set DJ në orën 4:20 pasdite!

Gjithashtu mos harroni se High Times Cannabis Cup People’s Choice Edition Michigan do të çelë procesin e gjykimit, duke ofruar 224 pako për çdo kategori që të bëheni gjyqtari dhe të ndihmoni në përzgjedhjen e lules më të mirë, ushqimeve, koncentrateve, vape-ave ose produkteve topike.

Nëse je më shumë tipi i festivaleve, sigurohu të ndjekësh HighStream 420 Festival që bashkon dy evente gjigante kanabisi: National Cannabis Festival dhe Emerald Cup. Ofrohen diskutime të ndryshme tematike, panele rreth ligjeve të kanabisit dhe shumë më tepër!

Ose festo bashkë me përdorues nga e gjithë bota me Wiz Khalifa dhe artistë të tjerë të kanabisit në Higher Together virtual smoke session, që ofron sesione live pirjeje, stand-up komedi, muzikë live dhe shumë të tjera, duke nisur në orën 4:20 pasdite.

6. Në Përfundim

Ka shumë gjëra që mund të bësh, bëhu kreativ! Nuk ka rëndësi se si e feston, vetëm sigurohu që e feston dhe e shijon 4/20 sa më shumë. Tani që di pak më shumë për kulturën e kanabisit, shtrimu, rrotullo një të mirë dhe relaksohu. Të urojmë ditë të mbarë të 4/20, qëndro larg problemeve dhe vazhdo pi!