Historia e Strain-it: Northern Lights

• 1. Historia e northern lights
• 2. Original northern lights auto: një klasik i rikrijuar
• 3. Pyetjet më të shpeshta
• 4. Profili i terpenëve të northern lights
• 5. Këshilla për kultivimin
• 6. Përfundime

Northern Lights pa asnjë dyshim është një varietet shumë i famshëm i kanabisit, pak strain-e kanabisi kanë arritur një status legjendar si Northern Lights. Prej prezantimit të saj në treg në vitet 1980, Northern Lights ka fituar pafund kupa kanabisi nëpër botë dhe ka fituar një reputacion si një nga strain-et më ikonike të të gjitha kohërave.

1. Historia e Northern Lights

Si me shumë strain-e të kanabisit, historia e saktë pas Northern Lights mbetet mister. Legjenda urbane e kanabisit thotë se Northern Lights origjinale është krijuar nga fara të landrace Afghani të kultivuara në një ishull pranë Seattle, Washington.

Northern Lights është rritur nga një burrë i njohur si “The Indian”, i cili kultivoi gjithsej 11 bimë që i quajti Northern Lights #1-11. Thuhej se ai punonte me Indica të vërteta landrace Afghani dhe mbante ditarë për të krahasuar madhësinë, rendimentin dhe efektin e secilës bimë. Në kohën e korrjes atij i mbetën 2 bimë që ishin dukshëm më të mira se të tjerat, të dyja të mëdha e të dendura, me bishta të rëndë të mbuluara me rrëshirë.

Historia zhvendoset në fillimet e viteve 1980 kur Nevil Schoenmaker zbuloi punën e The Indian. Ai mori disa klone dhe i çoi në Hollandë, ku tashmë po eksperimentonte me gjeni nga gjithë bota. Në vitin 1985 ai nxori në treg një varietet unik të Northern Lights që shumë shpejt u vlerësua si Indica më e mirë Afghani. Ky strain nisi menjëherë të fitonte kupa kanabisi dhe u bë baza për shumë strain-e të famshme si Super Silver Haze, Shiva Skunk, Hash Plant, dhe Jack Herer.

2. Original Northern Lights Auto: Një Klasik i Rikrijuar

Tek Fast Buds kemi zhvilluar një autoflower jashtëzakonisht të qëndrueshëm. Është një zgjedhje e shkëlqyer për klimë të ftohtë, lufton sëmundjet pa problem dhe ka rezistencë të lartë ndaj insekteve, duke e bërë këtë strain të lehtë për kultivuesit fillestarë.

Ne kemi përmirësuar kohën e lulëzimit dhe rendimentin duke ruajtur të gjitha cilësitë dhe karakteristikat që e bënë të njohur në gjithë botën. Gjatë rritjes së Original Auto Northern Lights tonë, mund të prisni pothuajse gjeni të pastër Indica.

Me kohë lulëzimi rreth 9 javë dhe arrin deri në 120cm, kjo bimë zhvillohet e madhe dhe shpërblen me një sasi të bollshme bishtash të mbuluara me kristale me cilësi të lartë (rendiment deri në 600 gr/m2).

Duke zhvilluar hapësirë të vogël ndërnyjore, është shumë e lehtë për t'u rritur dhe mirëmbajtur (kjo është arsyeja pse është ideale për fillestarët). Struktura e gjetheve është tipike Indica, me një kërcell kryesor të trashë dhe degë anësore të forta.

Kjo është një strain jashtëzakonisht aromatik, bishtat e dendur lëshojnë një aromë të fortë me nota pikante, frutash dhe toke.

Kjo autoflower ofron një efekt të fortë dhe afatgjatë, duke shkaktuar ndjesinë e syve që të ngjiten e trupin të të zërë kanapéja plotësisht.

Është një strain potent medicinal dhe shpesh përdoret për të ndihmuar në lehtësimin e simptomave si stresi, ankthi dhe depresioni, por edhe të dhimbjeve, pagjumësisë dhe të përzierave. 

3. Pyetjet më të Shpeshta

•  A është Northern Lights Sativa apo Indica?

Northern Lights është pasardhës direkt i landrace-ve Indica origjinale Afghani dhe është një nga strain-et më të pastra Indica ekzistuese.

•  A është Northern Lights një strain i fortë?

Northern Lights është një qetësues i fuqishëm i dhimbjeve dhe ndihmon për gjumin, por nuk ka një efekt shumë të fortë psikoaktiv dhe përmban vetëm rreth 16-20% THC. 

•  A përmban Northern Lights CBD?

Northern Lights nuk përmban një sasi të rëndësishme CBD-je, por si Indica pothuajse e pastër siguron një qetësim të dukshëm trupor.

•  A mund të përdoret Northern Lights si ilaç?

Edhe pse ky strain relakson muskujt, lehtëson dhimbjet, trajton pagjumësinë dhe në disa raste ul depresionin, gjithmonë konsultohuni me mjekun tuaj para se të eksperimentoni me mjekësinë alternative.

•  Cilët strain-e janë të ngjashëm me Northern Lights?

Blueberry, Grandaddy Purple dhe Blackberry Auto janë strain-e me efekte të ngjashme.

4. Profili i Terpenëve të Northern Lights

Northern Lights ka një aromë të fortë që është një përzierje barishtesh, piper dhe agrumesh, kjo aromë përbëhet nga rreth 10 terpene, disa më të përqendruar se të tjerët.

Terpenët kryesorë në këtë strain janë afërsisht: 0.31% Caryophyllene, 0.33% Humulene dhe 0.29% Myrcene, ndërsa terpenët sekondarë të pranishëm në përqendrim më pak se 0.01% janë Linalool, Pinene, Limonene dhe Terpinolene.

5. Këshilla për Kultivimin

Northern Lights është zakonisht një bimë rezistente që kërkon pak mirëmbajtje, lufton lehtësisht sëmundjet dhe ka rezistencë të lartë ndaj dëmtuesve. E rekomandojmë për kultivim outdoor në klima të vështira (të nxehta ose të ftohta), pasi është mësuar me nxehtësi, të ftohtë dhe reshje. Për rritje dhe korrje optimale këshillojmë ushqyerje të bollshme dhe mos harroni flush-in dy javë përpara korrjes, pasi kjo përmirëson ndjeshëm aromën dhe shijen intensive.

6. Përfundime

Northern Lights është rezultat i një kryqëzimi mes landrace-ve Afghan, ky strain doli tepër i qëndrueshëm me një aromë unike, shije dhe një high shumë potent tip Indica. Shumë shpejt u bë një nga strain-et më të mirë mjekësorë për vetitë e saj kundër dhimbjes, ekipi i Fast Buds e njohu këtë dhe krijoi një version të optimizuar të këtij klasiku.

Ne e rekomandojmë këtë strain për këdo që kërkon një bimë të fortë që ofron cilësi të lartë medicinale, jo vetëm rendiment të lartë, kjo autoflower prodhon një kombinim të pasur me cannabinoid dhe terpene që mund të shijohet më së miri pas një dite të gjatë pune, sidomos për kultivues që vuajnë nga dhimbjet fizike.