Ide për Ditën e Shën Valentinit për Çiftet Stoner

• 1. Ide për plane të ditës së shën valentinit për stoner-at
• 1. a. Dita perfekte e stoner-it për shën valentin
• 1. b. Pjek edibles me temë shën valentini
• 1. c. Dhuroni masazh me vaj kanabisi
• 1. d. Shikoni yjet të gjurmuar
• 2. Ide për dhurata të ditës së shën valentinit për stoner-at
• 2. a. Blunt me petale trëndafili
• 2. b. Buqetë me lule kanabisi
• 3. Gjithçka në fund të ditës

Po afron ajo periudha e vitit kur qytetet mbushen me zemra të kuqe e rozë kudo, po, po flasim për Ditën e Shën Valentinit, dhe imagjino kush është përsëri single. Gjithsesi, siç e dimë, çdo 14 shkurt e festojmë dashurinë me personin që na shoqëron në udhëtimin e jetës, koll-koll, vetja.

Për ata që janë në një lidhje të lumtur, ky është momenti perfekt për të bërë një gjest të madh që simbolizon dashurinë për këtë person. Megjithatë, sado që mjeshtrit e marketingut përpiqen të na bindin të shpenzojmë para pa hesap për dhurata dhe çokollata, kjo fare nuk është e domosdoshme.

Në fakt, kur bëhet fjalë për Ditën e Shën Valentinit, ose çdo rast tjetër për të treguar sa shumë e vlerësojmë dikë, gjesti më i madh është të tregosh që ke marrë kohën për t’i gjetur dhuratën e duhur ose ke bërë përpjekje të ja bësh ditën më të bukur me çfarë ke në dispozicion.

Ndonjëherë edhe, më pak është më shumë, dhe t'i dhurosh atë gjënë e vogël që dikur e ke dëgjuar që e dëshiron, mund të jetë gjithçka që duhet. Për çiftet stoner, ka pafund ide kreative dhe të thjeshta për Ditën e Shën Valentinit që do ta bëjnë këtë ditë të paharrueshme. Ja çfarë përfshin kjo listë:

• Ide për plane në Ditën e Shën Valentinit; 
• Dhe ide për dhurata stoner për Ditën e Shën Valentinit;

Le t'i hedhim një sy!

1. Ide për Plane të Ditës së Shën Valentinit për Stoner-at

Fillimisht, po ju japim disa ide argëtuese si ta kaloni një Ditë të Shën Valentinit romantike në çift, si stoner. 

Dita Perfekte e Stoner-it për Shën Valentin

Përveç Ditës së Shën Valentinit, mendo çfarë do ta bënte një ditë perfekte për ty si stoner. Çfarë të vjen në mendje? Shto edhe më shumë lule të kuqe, ndoshta pak verë ose shampanjë, dhe dita yte perfekte kthehet në një ditë romantike stoner-ësh. 

Pra, çfarë duhet të përfshijë dita jote romantike si stoner? Mund të nisësh me mëngjes në shtrat, të përgatitur me dashuri, pasi ke bërë wake 'n' bake dhe ... seksin e mëngjesit, natyrisht. Çfarë mendon për disa palaçinka të dekoruara me fruta të kuqe? Ose vezë dhe bukë të thekur në formë zemre. Shto kafe me krem dhe dita jote romantike ka nisur!

Nëse bën mot i mirë jashtë, dilni në park për të shijuar diellin. Nëse keni një kafshë shtëpiake, merreni me vete që të shijoni të gjithë bashkë. Pse jo edhe një piknik në park në drekë për të shuar urinë e munchies. Mos harro të marrësh setin tënd për rrotullim!

Pasdite, mund të vizitoni muzeun tuaj të preferuar ose, nëse jeni njohur në ndonjë kafene/bar/restorant, shkoni të rikujtoni vendin ku jeni njohur. Kur fillon të perëndojë dielli, gjeni një vend të bukur për të parë horizontin dhe festoni dashurinë tuaj teksa ndizni një të mirë dhe shijoni ngjyrat e perëndimit. 

Pastaj kthehuni në shtëpi, me siguri do jeni lodhur, dhe nuk ka asgjë më të ngrohtë se të jesh në krahët e të dashurit, jo se di ndonjë gjë, ja thashë që jam akoma single, apo jo? 

Nëse do përshkruanim planin ideal të natës për një stoner, përgjigjja është pa hezitim: një bong i mbushur mirë, disa snacks, dhe një maratonë filmash, a.k.a. Netflix dhe chill. Kështu që ky është pikërisht propozimi ynë. 

Pse të mos gatuani darkën bashkë me një gotë verë, ose birra - edhe ajo shkon. Uluni në vendin tuaj të preferuar dhe thjesht shijoni shoqërinë e njëri-tjetrit. Kur barku është plot e ndiheni mirë, vishni pizhamat, ose hiqni fare rrobat - është Shën Valentini në fund të fundit, dhe futuni në shtrat ose divan për të përqafuar partnerin me një film romantik apo pak pikant.

E dimë se si përfundon kjo natë, kështu që detajet i mbajmë për vete.

Pjek Edibles me Temë Shën Valentini

Nje tjetër ide argëtuese është të planifikoni një ditë gatimi edibles-ash rozë. Sigurohuni të blini patatina ose ushqime në formë zemre, ngjyrues ushqimor të kuq ose rozë, forma zemre, etj, çfarëdo që frymëzon imagjinatën romantike tuaj! 

Vër disa nga këngët tuaja të preferuara të çiftit dhe nisni gatimin! Lexo udhëzuesin më poshtë për si të bësh cannabutter dhe vetëm zëvendëso gjalpin në recetën tënde të preferuar me cannabutter të bërë vetë.

Tani që di si të bësh cannabutter, shpërthe në kuzhinë dhe shijo pjekjen e çmendur dhe romantike si çift! Kjo do të jetë një kujtesë qesharake që kurrë s'do ta harrosh. 

Dhuroni Masazh me Vaj Kanabisi

Çfarë është më relaksuese se një masazh romantik? Një masazh me vaj kanabisi! 

Nëse keni ndonjë vaj kanabisi në shtëpi, përgatituni t'i bëni partnerit masazhin më të mirë në jetë. Krijoni atmosferën me disa qirinj, ndoshta petale lulesh, ndoshta është tepër, varet nga ju, edhe pak aromë të këndshme në dhomë. Vendos pak muzikë relaksuese dhe ja kaq mjafton.

Thirre të dashurin në dhomë, kërkoji të zhvishet dhe të rehatohet në shtrat, wink-wink. Hapi tjetër, nxirr vajin e kanabisit dhe jep maksimumin për t'i bërë një masazh të mrekullueshëm. Ky moment është për të, ndaj lejoi ndjenjat të të udhëheqin që t'i tregosh dashurinë. 

Edhe një herë, e dimë ku përfundon kjo, ndaj shijoje edhe atë pjesë të masazhit. 

Shikoni Yjet të Gjurmuar

Nëse nuk pate kohë të planifikosh ndonjë gjë luksoze për Ditën e Shën Valentinit, mos u shqetëso, kjo nuk të bën dashnor të keq. Ndonjëherë më pak është më shumë, dhe vetëm të jesh me njëri-tjetrin mjafton. 

Nëse yjet janë me ju, një natë e zakonshme mund të kthehet lehtësisht në një darkë romantike! Merr ca batanije dhe jastëkë, ca verë dhe setin tënd për rrotullim, dilni jashtë dhe shikoni yjet në krahët e njëri-tjetrit, ka ndonjë? Jo? Ok. 

Shpresojmë nata të mos jetë shumë e ftohtë, ose nëse është, pse të mos ndizni një zjarr kampi që të ngroheni të dy. Shtoni ca marshmallow dhe voilà, u bëtë Cupidi?

2. Ide për Dhurata të Ditës së Shën Valentinit për Stoner-at

Nëse po kërkoje dhurata romantike stoner për t'i bërë personit tënd të veçantë në Ditën e Shën Valentinit, ja disa ide që shpresojmë të të frymëzojnë.

Blunt me Petale Trëndafili

Gjërja jonë më e preferuar në këtë listë: të përdorësh petalet e trëndafilit si leter rrotullimi për të përgatitur një blunt romantik për Ditën e Shën Valentinit. Po si? Le të shpjegojmë më tej. 

Të gjithë e dimë se stoner-at kanë aftësi të veçanta sa i përket artit të rrotullimit të joint-eve. Mund të improvizojmë me çfarëdo, sidomos në mungesë materialesh. Kështu që, shtoji një twist dhe prano sfidën për të rrotulluar një me petale trëndafili. 

Sygjerim ekstra!

Nëse do të shtosh shije te joint-i, shto ca petale lulesh të thata në përzierje!

Si mund të përdorësh petalet e trëndafilit për joint? Është e thjeshtë, ndoç hapat më poshtë:

1. Së pari, merr një tavë furre dhe vendos 3 petale trëndafili sipër, duke i mbivendosur paksa. 

2. Nxeh furrën dhe vendos tavën për pak minuta, derisa petalet të errësohen pak. 

3. Bluaj barin dhe përdor petalet për të rrotulluar blunt-in njësoj si gjithmonë. 

4. Lëpij anët që të ngjiten bashkë dhe ktheje përsëri në furrë për disa sekonda që të vuloset. 

5. Lëre të ftohet dhe shijoje!

Por ki kujdes sepse pa letra rrotullimi mund të jetë më i brishtë. 

Buqetë me Lule Kanabisi

Nëse rrotullimi nuk të shkon edhe aq mirë ende, mos u shqetëso, me ushtrime do bëhesh më i mirë, ndërkohë ka plot dhurata të tjera stoner-romantike që mund t'i dhurosh partnerit. Ndër to, mbase buqeta me lule kanabisi është fiks ajo që duhet. 

Po të më dhuronin mua një buqetë me lule kanabisi, prapë, ka njeri? do kërcente nga gëzimi direkt. Vetëm imagjino, nëse hidhemi nga gëzimi kur shohim nugs cilësore, po t’i shohësh të dekoruara me zemra e dashurinë nga dikush i veçantë! 

Merr pak letër të bukur për mbështjellje dhe provo të bësh vetë një buqetë, ose lër ndonjë mik me dorë të mirë të ndihmojë nëse të duket e vështirë. Jemi të sigurt partneri do e adhurojë, s’ka rëndësi rezultati!

3. Gjithçka në Fund të Ditës

Nuk ka shumë rëndësi çfarë planifikon apo sa të mëdha janë dhuratat që blen. Rëndësi ka të shprehësh sa i rëndësishëm është ky person për ty! 

Mos u sforco ta bësh çdo gjë perfekte se mund të harrosh të argëtohesh vetë. Përveç kësaj, më shumë se çfarëdo dhurate, partneri yt do ndihet më i lumtur duke kaluar një ditë të bukur me ty. Të urojmë një Ditë të Shën Valentinit të mrekullueshme për stoner-at! Mos harro të na tregosh cila ishte dhurata romantike stoner më e pëlqyer prej jush!