Kuptimi i Terpeneve: Çfarë është Linalooli?

• 1. Çfarë është linalooli?
• 2. Ku mund ta gjejmë linaloolin?
• 3. Për Çfarë përdoret linalooli?
• 4. Cilat janë përfitimet shëndetësore të linaloolit?
• 4. a. Linalooli për ankthin, depresionin dhe stresin
• 4. b. Linalooli për uljen e dhimbjes dhe inflamacionit
• 4. c. Linalooli dhe sëmundja e alzheimer-it
• 4. d. Linalooli si antibakterial
• 5. Cilat strain-e kanabisi kanë shumë linalool?
• 6. Përfundimi

Kur tymosim, avullojmë ose konsumojmë kanabis, po shijojmë shumë komponentë që gjenden në bimën dhe kokrrat e kanabisit. Ndër këta komponentë, mund të gjejmë THC dhe CBD-në e njohur, kanabinoidet e famshme të njohura për përfitimet e shumta që ofrojnë.

Por THC dhe CBD nuk janë të vetmit përbërës të marijuanës me përfitime. Terpenet janë një lloj tjetër përbërësi i pranishëm në kokrrat e kanabisit që sjellin efekte të mahnitshme, të ndryshme në varësi të llojit të terpeneve. 

Për shembull, linalooli është një lloj terpene që karakterizohet nga një erë dhe shije e ëmbël, lulesh, ndonjëherë mente dhe druri, që e hasim tek bimët dhe frutat në natyrë. Por ky nuk është i vetmi rol i linaloolit: ai gjithashtu ofron përfitime të shkëlqyera shëndetësore. 

Le të shohim më nga afër vetitë e terpeneve linalool në bimën e kanabisit!

1. Çfarë është Linalooli?

Siç përmendëm më lart, linalooli (leen-uh-lool) është pjesë e familjes së terpeneve te bimët e kanabisit, karakteristike për aromën e ëmbël, lulesh, pak agrume, dhe druri. Por çfarë është një terpene, mund të pyesni.

Terpenet janë komponime aromatike që gjenden tek bimët e marijuanës, ashtu si edhe në shumicën e bimëve dhe frutave në natyrë, të cilat u japin secilës bimë aromën dhe shijen e vet të veçantë. Ekzistojnë mbi 100 lloje terpene, dhe janë pikërisht kombinimet e tyre që i japin çdo varieteti aromën dhe vetitë e tij unike.

Tek bimët e marijuanës, terpenet prodhohen tek trikomët në kokrrat e bimës, gjëndrat e shkëlqyeshme, transparente, si kërpudha ku prodhohen edhe kanabinoide të tjera si THC dhe CBD.

Linalooli është një monoterpene që nuk bën pjesë ndër më të pranishmet tek bimët e kanabisit. Megjithatë, linalooli gjendet kaq shpesh në ushqimet dhe pijet tona të përditshme sa besohet se konsumimi mesatar vjetor i linaloolit është dy gramë për person.

2. Ku Mund ta Gjejmë Linaloolin?

Ndonëse linalooli nuk është pjesë e terpeneve kryesore të kanabisit, ky përbërës gjendet me bollëk në më shumë se 200 bimë, si p.sh. livando, dafinë, mente, druri trëndafili, mente jeshile, pishe, koriandër, borzilok, dhe shumë të tjera.¹ 

Linalooli është i zakonshëm edhe tek kërpudhat dhe disa fruta, si mandarinat, limoni, në arrën e muskatit, xhenxhefilin, çajin e zi, trumzën, sherebelën dhe më shumë. 

3. Për Çfarë Përdoret Linalooli?

Ashtu si shumë terpene të tjera të zakonshme të kanabisit si pinene dhe limonene, linalooli ka dalë si një burim mbrojtjeje për bimët ndaj insekteve grabitqare dhe ndotjeve të jashtme. 

Prandaj, nuk është e pazakontë që linalooli të jetë një nga përbërësit në insekticide dhe repelentë. Insekticidet me bazë linalooli mund të vrasin ose largojnë efektivisht mizat e frutave, pleshtat, mushkonjat dhe buburrecat.

Nga ana tjetër, për shkak të aromave të tij lulesh, mente dhe druri, linaloolin do ta gjeni në shumë produkte tek kozmetika, pastrimi dhe aromaterapia që përmbajnë këtë terpen. 

Ndonëse livando mendohet zakonisht si një lule qetësuese dhe relaksuese, në fakt është përmbajtja e linaloolit që sjell këto efekte. Nuk është çudi që vajrat e lëkurës për masazhe dhe meditim shpesh kanë aromë livandoje. 

Kontrolloni etiketen e ndonjë produkte të shtëpisë që përdorni dhe nuk do habiteni të gjeni emra si beta linalool, linalil alkool ose linalool oksid tek përbërësit. Të gjithë këta përbërës rrjedhin nga terpenet e linaloolit. 

Ndërkohë që disa terpene mund të shkaktojnë alergji në lëkurë në përdorim të madh, ky nuk është rasti për linaloolin. Ky terpen është komponent i sigurt për përdorim në lëkurë, dhe gjithashtu gjendet në shumë produkte personale dhe kujdesi te lëkurës, si shampo, sapunë dhe locione. 

Produktet që përmbajnë Vitaminë E mund të përmbajnë gjithashtu linalool, pasi kjo është një nënprodukt i linaloolit.

4. Cilat janë Përfitimet Shëndetësore të Linaloolit?

Veç faktit që është një aleat i shkëlqyer si aditiv në ushqime, pije, kozmetikë dhe pastrues, linalooli shoqërohet edhe me shumë përfitime shëndetësore, të tilla si: 

• Zvogëlim ankthi dhe stresi;
• Ulje të inflamacionit dhe dhimbjes;
• Punon si antibakterial;
• Parandalon neurodegjenerimi dhe më shumë.

Të shohim në detaje secilën nga vetitë e linaloolit.

Linalooli për Ankthin, Depresionin dhe Stresin

Fatkeqësisht ende përdoren testime te kafshët për zbulime shkencore. Për shembull, një studim te minjtë vërtetoi se linalooli ofroi një gjendje më të madhe relaksimi tek këto brejtës. ²

Gjithashtu, meqë linalooli është një përbërës i shkëlqyer qetësues dhe relaksues, ai rezulton efektiv për të trajtuar depresionin dhe për të lehtësuar stresin.

Në të vërtetë, linalooli, ashtu si terpenet pinene, janë përdorur me vite nga mjekësia popullore si antidepresivë, duke rritur nivelet e serotoninit, dopaminës dhe neurotransmetuesve të tjerë në tru.

Linalooli për Uljen e Dhimbjes dhe Inflamacionit

Shumë studime mbështesin që linalooli është trajtim efektiv për dhimbjen dhe inflamacionin. Nga njëra anë, linalooli ndihmon në tre mënyra:

• Duke synuar neurotransmetuesit e acetilkolinës në tru, të cilët janë përgjegjës për lëvizjen e muskujve;
• Duke ulur ndjeshmërinë e qelizave që transmetojnë sinjale dhimbjeje në tru, të quajtura qelizat e palcës kurrizore;
• Dhe duke kontrolluar ritmin e zemrës, duke rritur nivelet e adenozinës në tru.^3,4,5

Ndërkohë, studime të tjera te minjtë, ah, kanë zbuluar gjithashtu që linalooli ndihmon në uljen e inflamacionit.

Shkencëtarët kanë gjetur se ky terpen ndalon inflamacionin te një mi me dëmtim akut të mushkërive, çka e bën linaloolin të aftë për të trajtuar inflamacionin.⁶ 

Linalooli dhe Sëmundja e Alzheimer-it

Në një studim të kryer më 2015, siç e prisni, te minjtë, u tregua se linalooli mund të përmirësojë dëmtimet neuropatologjike dhe sjellore të qelizave të trurit të shkaktuara nga sëmundja e Alzheimer-it. ⁷

Gjithsesi, nevojiten akoma më shumë kërkime për të provuar vlerat e mundshme të linaloolit si trajtim për Alzheimer-in. 

Linalooli si Antibakterial

Meqë shumica e terpeneve shfaqen si mbrojtje për bimët kundër insekteve dhe grabitqarëve, nuk është për t'u habitur që këta terpenë kanë edhe veti antibakteriale. 

Në një studim të vitit 2012 u tregua se linalooli kishte aktivitet të fuqishëm antimikrobik në gojë, prandaj pastat e dhëmbëve dhe solucionet e gargarisë me bazë linalool janë të rekomanduara për higjienë të mirë orale. ⁸

5. Cilat Strain-e Kanabisi kanë Shumë Linalool?

Pasi listuam disa nga përfitimet që mund të merrni nga konsumi i terpeneve linalool, është e logjikshme të pyesni cilat varietete kanabisi kanë përmbajtje të lartë linalooli. Ta zbulojmë bashkë.

Mund të gjeni sasira të larta linalooli te hibridi i ëmbël Z Auto.

Përdoruesit zakonisht e përshkruajnë aromën e këtij variteti si një ylber, me shije karamele të ëmbla, manaferra, por edhe mango, grejpfrut dhe nuanca tokësore të çokollatës.

6. Përfundimi

Nuk duhet të ndihemi fajtorë për kënaqësinë e njohjes me shumë mbi kanabisin. 

Sa më shumë të dini për bimët e marijuanës, komponentët që i japin veçantitë e çdo varieteti dhe përfitimet që sjellin, aq më shumë kontroll do të keni në përvojën tuaj me kanabisin.

Kur i zgjidhni variettetet me kujdes, mund të shijoni saktësisht efektet, shijen dhe aromat që dëshironi më shumë!

REFERENCA EKSTERNE

1. "Linalool" Qendra Kombëtare për Informacionin Bioteknologjik. 
2. "Efektet Anksiolitike dhe Antikonvulsante te Minjtë nga Flavonoidet, Linalooli, dhe α-Tokoferol të Pranishme në Ekstraktin e Gjetheve të Cissus sicyoides L. (Vitaceae)" Edvaldo Rodrigues de Almeida, Krissia Rayane de Oliveira Rafael, Geraldo Bosco Lindoso Couto, dhe Ana Beatriz Matos Ishigami. Mars 2009.
3. "Linalooli modifikon kinetikën e receptorëve nikotinikë jon-kanal në nyjet neuromuskulare të miut" L. Re, S. Barocci, S. Sonnino, A. Mencarelli, C. Vivani, G. Paolucci, A. Scarpantonio, L. Rinaldi, dhe E. Mosca. Gusht 2000.
4. "Linalooli bllokon eksitueshmërinë në nervat periferikë dhe rrymën e natriumit të varur nga voltazhi në neuronët e ganglioneve të palcës së pasme" José Henrique Leal-Cardoso, Kerly Shamyra da Silva-Alves, Francisco Walber Ferreira-da-Silva, Tiago dos Santos-Nascimento, Humberto Cavalcante Joca, Flávio Henrique Pequeno de Macedo, Pedro Militão de Albuquerque-Neto, Pedro Jorge Caldas Magalhães, Saad Lahlou, Jader Santos Cruz,  dhe Roseli Barbosa. Tetor 2010.
5. "Përfshirja e receptorëve adenosinë A1 dhe A2A në analgjezinë e shkaktuar nga (-)-linalooli" Alessandra T. Peana, Paolo Rubattu, Gian Giorgio Piga, Silvia Fumagalli, Giampiero Boatto, Proto Pippia, dhe M. Graziella De Montis. Prill 2006.
6. "Efektet anti-inflamatore të linaloolit në makrofaget RAW 264.7 dhe modelin e dëmtimit të mushkërive të indukuar nga lipopolisakaridet" Journal of Surgical Research. Janar 2013.
7. "Linalooli përmirëson dëmtimet neuropatologjike dhe sjelljen te minjtë e vjetër transgjenikë me Alzheimer" Angélica Maria Sabogal-Guáqueta, Edison Osorio, dhe Gloria Patricia Cardona-Gómez. Mars 2016. 
8. "Efekti antimikrobik i linaloolit dhe α-terpineolit kundër baktereve periodontopatogjene dhe kariogjene" Soon-Nang Park, Yun Kyong Lim, Marcelo Oliveira Freire, Eugene Cho, Dongchun Jin, dhe Joong-Ki Kook. Qershor 2012.