Si të largoni THC-në nga trupi juaj?

• 1. Çfarë është thc?

Kanabisi është i mahnitshëm dhe të festosh me miqtë është edhe më argëtuese, derisa të kujtohet intervista që duhet të shkosh. Është puna e ëndrrave dhe testet për drogë janë të garantuara. Avash-avash, fakti që ke konsumuar shumë THC të bie ndërmend, dhe fillon paniku. Ose, je mërzitur që më nuk po përjeton atë “high” që kishe më parë. Nëse ke shumë THC në organizëm, kanabisi nuk është më i këndshëm sepse trupi është bërë imun ndaj tij.

Sido që të jetë arsyeja, nëse po pyesni si të largoni THC-në nga trupi juaj, jeni në vendin e duhur.

Por para se të kalojmë te mënyrat për të hequr kanabisin nga trupi, është më mirë të kuptojmë si funksionon THC-ja. Dijeni që THC depozitohet në indet dhjamore të trupit sapo përdorni marihuanë. Koha e nevojshme për të eliminuar THC-në varet nga disa faktorë, të cilët përfshijnë:

Përdorimi – Është e qartë, sa më shumë të pini marihuanë, aq më shumë THC përthith trupi juaj. Kjo nuk vlen për strain-et me CBD ose strain-et me pak THC, por nëse pini 2-3 cigare në ditë me strain-e me THC të lartë, sasia rritet. Strain-e me shumë THC si p.sh. Gorilla Glue, pa dyshim do të rrisin sasinë e THC-së në trupin tuaj. 

Metabolizmi – Shkalla e metabolizmit ndryshon për çdo person. Sa më i shpejtë metabolizmi, aq më shpejt trupi juaj largon THC-në. Në varësi të peshës, gjatësisë, gjinisë, moshës dhe formës fizike, trupi metabolizon THC-në në mënyra të ndryshme.

Forma fizike – THC depozitohet në qelizat yndyrore të trupit. Prandaj, nëse stërviteni dhe qëndroni në formë, keni më shumë mundësi ta largoni THC-në sa më shpejt të jetë e mundur.

Potenca – Strain-et që përmbajnë sasi të larta THC-je do të ndikojnë në kohëzgjatjen që THC qëndron në trupin e njeriut. Prandaj, provoni strain-e me më shumë CBD ose me pak THC për të përmirësuar shanset tuaja.

Gjithashtu, duke kuptuar THC-në dhe çfarë bën realisht, mund t'ju ndihmojë të shpëtoni më shpejt prej saj.

Çfarë është THC?

Tetrahydrocannabinol ose THC është një kanabinoid që ndodhet në bimën e kanabisit. Kanabisi përmban më shumë se njëqind kanabinoidë, por më të njohurit janë THC dhe CBD. Edhe trupi ynë përmban endokanabinoidë që funksionojnë ngjashëm me THC-në.

Me pak fjalë, THC është një përbërës kimik i prodhuar nga bima e kanabisit. Është natyral dhe reagon me receptorët e kanabinoidëve që ndodhen në trupin e njeriut. Në varësi të sasisë së konsumuar, këto reaksione mund të jenë të dobishme ose të padëshirueshme për shkak të efekteve anësore. Efektet anësore janë të përkohshme edhe nëse konsumoni shumë THC, por mund të variojnë nga të përziera, halucinacione dhe ankth, deri te paranoja.

THC është i njohur për efektet psikoaktive që pëlqejnë përdoruesit rekreativë. Është përgjegjës për atë “high” që ndjen sa herë që pi ose përdor ushqime me marihuanë. Nëse doza është e duhur, do të ndiheni të lumtur dhe të ngopur – shumë e ngjashme me efektin e anandamides (një endokanabinoid që prodhohet natyrshëm në trup), por nëse keqpërdoret, efektet anësore janë të pashmangshme.

Edhe pse është provuar që THC ka shumë veti mjekësore, shumë persona mund të ndihen jo rehat me efektet psikoaktive, edhe nëse janë vetëm të përkohshme. Qoftë për një test droge, apo thjesht sepse dëshironi të mos e keni THC-në në trup, ka disa metoda që mund të përdorni për të larguar THC-në nga organizmi juaj. Shumë persona e heqin qafe THC-në sepse kështu përmirësojnë eksperiencën kur rinisin të konsumojnë. Kur trupi të ketë hequr plotësisht THC-në, përdorimi i përsëritur i kanabisit bëhet sërish më i këndshëm.

Kujdes që asnjë nga këto metoda s'është e provuar, përveç nëse përdorni ndonjë kit detoksifikimi që është testuar për të larguar realisht THC-në. Megjithatë, këto metoda do t'ju ndihmojnë me siguri të përshpejtoni procesin e detoksifikimit. Në varësi të nivelit të përdorimit tuaj dhe faktorëve të tjerë të përmendur më sipër, mund të duhen rreth 15-30 ditë që THC të largohet nga sistemi.

Tani që i njohëm bazat, le të fokusohemi se si të largojmë realisht THC-në nga organizmi juaj.

1. Abstinencë e plotë

Qartësisht, mënyra më e mirë për të siguruar që e largoni THC-në është të ndaloni së përdoruri kanabis. Sapo ndërprisni përdorimin, trupi do të fillojë ta largojë THC-në natyrshëm, por ngadalë. Për disa persona, ky proces mund të zgjasë vetëm dy javë, kurse për të tjerë rreth 45 ditë. Gjithashtu, abstinenca e plotë do të thotë vërtet plotësisht – ndaloni menjëherë. Nëse pini ndonjë cigare herë pas here, thjesht humbet qëllimi i largimit të THC-së nga trupi.

2. Pini shumë ujë

Përderisa nuk është vërtetuar që pirja e ujit largon THC-në, ka logjikë të pini ujë pasi ndihmon në hollimin e metabolitëve të THC-së që ndodhen në trup. Në varësi të peshës trupore, mund të pini sa të dëshironi. Zakonisht, 3-4 litra ujë të pastër në ditë jo vetëm ndihmon në hollimin e THC-së, por bën edhe lëkurën të shkëlqejë dhe sjell përfitime të tjera shëndetësore.

THC del nga trupi edhe me anë të djersës dhe urinës. Natyrisht, do të djersiteni dhe urinoni më shumë kur pini ujë më shumë. Uji ndihmon edhe të rregulloni lëvizjet e zorrëve, dhe duke qenë se THC del edhe me jashtëqitje, duke pirë të paktën 10 gota ujë të gjatë çdo ditë do ju ndihmojë patjetër.

3. Kitet e detoksifikimit

Ka shumë kite detoksifikimi në treg sot. Zgjidhni kite që janë dizajnuar enkas për të larguar mbetjet e kanabisit nga trupi. I vetmi problem është që disa kite mund të mos funksionojnë fare siç reklamohen. Prandaj, është përgjegjësi juaj të bëni kërkime përpara se të blini kite të tilla.

Në anën tjetër, kitet nga kompani si Testclear mund të ndihmojnë vërtet. Ata kanë disa programe detoksifikimi që zgjasin nga 3 deri në 10 ditë dhe mund të zgjidhni sipas dëshirës dhe sa shpejt doni të hiqni qafe THC-në.

Gjithashtu mendohet se lëngu i boronicës mund të ndihmojë. Përveç kësaj, shtrydhni një fetë të madhe limoni në ujë sa herë pini për të përshpejtuar procesin e detoksifikimit. Shtimi i disa lugëve të uthullës ndihmon gjithashtu, edhe pse nuk është shumë e shijshme. Përdorni uthull në sasi të vogla, përndryshe mund të ndryshojë pH-në e organizmit dhe të krijojë probleme të tjera.

4. Shkoni në palestër

Ok, ka shpjegime të ndryshme për këtë. Disa studiues thonë që ushtrimet mund të rrisin përkohësisht nivelet e THC-së në trup. Ka logjikë, pasi trupi fillon të djegë yndyrën dhe gjithashtu liron kanabinoidë në gjak. Gjithashtu, duke u stërvitur djersiteni më shumë, çka është një mënyrë për të larguar edhe më shumë THC.

Po, ushtrimet rrisin përkohësisht THC e qarkulluese në gjak, por kjo zgjat pak. Prandaj, nëse bëni palestër pak para testit të drogës, do të dështojë. Por nëse testi nuk është problem dhe thjesht doni të hiqni qafe THC-në, stërvitja padyshim që e ul sasinë e THC-së në trup. Me fjalë të thjeshta, THC ruhet në qelizat yndyrore, dhe ushtrimet djegin yndyrë. Pra, në mënyrë indirekte, po digjni edhe THC.

5. Përdorni suplemente

Vitamina B ulet shumë kur konsumoni alkool ose kanabis. Sidomos niacina ndihmon të largoni toksinat nga trupi shpejt. Shton edhe shkëlqimin e lëkurës dhe ju bën të dukeni më të rinj! Përdorni thjesht suplemente të vitaminës B që gjeni në farmaci bashkë me niacin për të ndihmuar trupin të heqë THC-në sa më parë. Suplementet si vitamina C, magnez dhe kalcium gjithashtu mund të ndihmojnë në këtë proces.

Shumë persona përdorin suplemente bimore të përpunuara me piper të kuq ose qumështin e fshesës (milk thistle), por asnjë nga këto metoda s'është provuar. Mendohet që çaji i gjelbër ndihmon në një masë të mirë për të larguar toksinat nga trupi, si dhe THC mund të dalë pasi pini më shumë ujë.