Zvicra do Lejojë Shitjen e Kanabisit për Qëllime Rekreative si Program Pilot

Autoritetet zvicerane do të mbajnë premtimin e dhënë më parë dhe do të nisin një program pilot që vendos një treg të rregulluar fort për kanabis për të rritur. Plani është të nisë së pari shitja e lëndës për një numër të vogël përdoruesish të regjistruar në qytetin e Bazelit e më pas të shtrihet në Cyrih, Gjenevë dhe Bernë. Ky program testues do të zgjasë dy vite e gjysmë dhe rezultatet do të përdoren për të formuluar një politikë më të arsyeshme kanabisi sesa ajo aktualja.

Një Numër Shumë i Kufizuar Pjesëmarrësish

400 pjesëmarrës të programit pilot në Bazel duhet të regjistrohen për të marrë pjesë, çka do t’i lejojë ata të blejnë kanabis për qëllime rekreative në disa farmaci të përzgjedhura. Megjithatë, nuk ka asgjë falas (edhe nëse bëhet fjalë për djathë zviceran), prandaj subjektet duhet të përgjigjen rregullisht në pyetësorë mbi shëndetin e tyre mendor dhe fizik. Gjithashtu, nëse ndonjë sasi kanabisi del nga programi dhe përfundon në rrugë, shkelësit do të ndëshkohen dhe përjashtohen.

Ndërkohë, vlerësohet se numri i duhanpirësve të kanabisit në vend është rreth gjysmë milioni, pa përfshirë të miturit. Në vitin 2012, Zvicra e dekriminalizoi këtë substancë. Sot, nëse kapesh me 10 gramë kanabis ose më pak, nuk arrestohesh, por duhet të paguash një gjobë prej 100 frangash zvicerane (€97) menjëherë në vendngjarje.

Pjesë e një Lëvizjeje më të Gjerë

Zvicra nuk është shteti i parë në Evropë që zbut qëndrimin për politikat e kanabisit. Holanda fqinje e dekriminalizoi përdorimin që në vitet ’70 dhe lejoi shitjen e substancës për të rritur në coffee shops, ndërkohë që Spanja aplikoi një model me klube sociale të kanabisit pa fitim për shpërndarje. Së fundmi, Malta ka adoptuar një model të ngjashëm me atë spanjoll si dhe e ka dekriminalizuar kultivimin në shtëpi, ndërsa qeveria e re e Gjermanisë ka premtuar krijimin e një tregu të rregulluar të kanabisit deri në zgjedhjet e ardhshme.