71 ára gamall maður látinn laus eftir að hafa afplánað 31 ár í fangelsi fyrir ofbeldislausar kannabisbrota sakir

Richard DeLisi, 71 árs gamall maður frá Flórída, var látinn laus úr South Bay Correctional and Rehabilitation Facility í Palm Beach-sýslu nú á þriðjudag eftir að hafa setið 31 ár á bak við lás og slá fyrir kannabis-tengd brot. 

Í viðtali eftir lausnina, þegar hann var spurður út í framtíðaráætlanir sínar, sagði hann að hann ætlaði að fagna á veitingastaðnum Rustic Inn þar sem hann myndi borða krabba síðdegis. Fínt munchies, ekki satt. 

Ástæðan fyrir því að DeLisi var dæmdur í 90 ára fangelsi var vegna umfangsmikilla glæpa, kannabis-smugls og samsæris, þegar árið 1988 voru Richard og eldri bróðir hans Ted gripnir í öfuga blekkingaraðgerð, þar sem lögreglumenn birtast undir fölsku flaggi við viðskiptin og þeir voru að smygla kannabis frá Kólumbíu til Flórída. 

Honum til heilla, með samstilltu átaki frá Last Prisoner Project og ólaunuðum lögfræðingum (sem veita ókeypis lagaaðstoð) Juster, Michael Minardi og Elizabeth Buchanan, tókst Richard DeLisi að vera látinn laus næstum 60 árum fyrr en upprunalega var reiknað með. 

The Last Prisoner Project er sjálfseignarstofnun sem samanstendur af lögfræðingum, aðgerðarsinnum og stefnumótunarsérfræðingum sem vinna að því að frelsa fanga sem hafa verið fangelsaðir fyrir ofbeldislaus kannabis-tengd brot. 

Samkvæmt upplýsingum frá Florida Department of Corrections átti lausn DeLisi sér þó ekki rætur að rekja til utanaðkomandi aðila, heldur vegna þess að þeir skoðuðu málið upp á nýtt og sáu að hann hafði ekki fengið inneign fyrir þann tíma sem hann hafði afplánað, sem leiddi til fyrri lausnar. 

„Það er ótrúlega yndislegt að vita að ég muni brátt vera kominn heim til fjölskyldunnar og ástvina minna,“ sagði Richard við lögfræðilið sitt í síðasta mánuði þegar nýja lausnardagsetningin var tilkynnt.

Fyrir lausn sína voru bæði Richard og Ted DeLisi lýst sem tveimur lengst afplánandi föngunum fyrir ofbeldislaus kannabisbrot í Bandaríkjunum.

Bróðir hans Ted hafði þó verið látinn laus úr sama fangelsi árið 2013 eftir að honum tókst að áfrýja samsærissakfellingu sinni með árangri. Á þeim tíma hafði áfrýjun Richards þó verið hafnað.

Við viljum benda á að 90 ára fangelsisdómur fyrir slíkar sakir, sem dómari Dennis Maloney kvað upp, telst vera langt út fyrir leiðbeiningar sem eru í réttarkerfinu.

“Það var svo ranglátt það sem þeir gerðu við mig. Ég vona bara að ég geti hjálpað öðrum í svipaðri stöðu.“ sagði Richard. 

Það er sorglegt að sjá hversu miklum tíma úr lífi einstaklings var sóað án sanngjarnra réttlætinga, þó ekki að þær hefðu skipt máli nú, þar sem sá tími er glataður. 

Það kemur samt ekki á óvart að viðbrögð DeLisi voru aldrei ofbeldisfull, hvorki fyrir né eftir að hann var látinn laus. Þvert á móti virðist hann bara hamingjusamur yfir að geta verið með fjölskyldu sinni aftur og eiga hátíðarnar saman eftir 31 ár.

Nú mun DeLisi loksins hitta fimm barnabörn sín í fyrsta sinn og sameinast tveimur börnum sínum á ný.