Fast Buds објавува ново лого: Храбар чекор напред

• 1. Потребата од промена
• 2. Минималистички и дискретен пристап
• 3. 42 го менува начинот на размислување
• 4. Кон иднината

Веќе повеќе од деценија, Fast Buds со гордост ја претставува 420 заедницата со нашето иконично лого „42 + лист од канабис“. Тоа стана веднаш препознатлив симбол што има посебно место во нашите срца и не придружуваше низ години на раст, иновации и посветеност во револуционизирањето на автофлауер генетиката и целата индустрија. Но, колку и да го цениме овој симбол, дојде време за промени.

Потребата од промена

Суровата реалност е дека канабисот сè уште е нелегален во многу делови од светот, а тоа може да донесе проблеми за љубителите на растението. Во некои места, дури и носење маица или дуксер со нагласен лист од канабис може да биде ризично. Членови на нашиот Fast Buds тим, во различни земји, го искусија ова лично — беа сопренi и пребарани од страна на полицијата само затоа што носеа брендирана облека на нашата компанија.

Освен правните ризици, социјалните мрежи стануваат сè порестриктивни. Често нè засенуваат („shadowban“) или ни ги гасат профилите само затоа што логото ни содржи лист од канабис. Можете да замислите колку ова ја отежнува нашата желба да стапиме во контакт со заедницата и клиентите на начин на кој сакаме. Се надеваме дека новото лого ќе го промени тоа.

Минималистички и дискретен пристап

Новото лого на Fast Buds претставува премин кон минималистички и дискретен дизајн. Направено е така што целосно ќе го разберат само тие „кои знаат“, а за сите останати нема да предизвика сомнеж. Спокојно можете да носите нови производи каде било низ светот без никаков притисок или страв од несакано внимание.

Дури и нашето пакување ќе добие корист од овој дискретен изглед, па пакетите ќе пристигнуваат без некој да се посомнева — ни на царина, ни во пошта. Новото лого осигурува дека нашиот бренд останува верен на духот на Fast Buds и нуди побезбедно, поудобно искуство за сите наши клиенти ширум светот.

42 го менува начинот на размислување

Нашите клиенти не познаваат како „42 Fast Buds“ веќе со години, и тој дел останува ист. Новото лого и натаму алудира на 420 движењето, но на посуптилен и минималистички начин. Ова е нашиот начин да кажеме дека остануваме верни на своите корени, додека се прилагодуваме на времето.

А зошто логото е наопаку свртено — тоа е намерен пресврт! Наопаку свртениот „42“ го претставува начинот на кој Fast Buds секогаш го врти светот на канабисот наопаку. Од пионерството во автофлауер генетиката до поместување на границите на одгледувањето, секогаш сме биле тука за да ја превртиме конвенционалната мудрост. Новото лого симболизира наша континуирана посветеност кон револуционизирањето на полето и создавање бранови кои ќе го подобрат вашето искуство во одгледување и консумирање канабис.

Кон иднината

Ова ново поглавје за Fast Buds е навистина возбудливо. Воведуваме повеќе промени, а меѓу другото пуштивме и целосно нова линија на премиум Феминизирани семиња со фотопериод, како Lemonpaya, кои се достапни само на нашата веб-страница. Така што сега имаме нешто дури и за љубителите на фотопериод генетиката. 

Веруваме дека сите промени се за подобро и дека најдоброто допрва доаѓа. Иако секогаш ќе чуваме посебно место за нашето старо лого, новиот дизајн ја одразува нашата моментална состојба — подготвеност да се развиваме, одиме напред и да ја поддржуваме заедницата на побезбеден и попаметен начин, а сепак исто толку храбро како и досега.

Нашето наследство на иновации ќе продолжи, а нашата посветеност кон доставување на најдобрата автофлауер генетика во светот останува силна како и секогаш.

Ви благодариме што го споделувате ова патување со нас.