Аналитичари: Велика Британија е најбрзо растечкиот центар за инвестиции во марихуана во Европа

Нов извештај од водечката европска консултантска фирма за канабис го нарекува секторот за канабис и CBD во Европа „просперитетен, иновативен и профитабилен – и подготвен за експлозивен раст“, притоа ја истакнува и улогата на Лондон како главен центар за инвестиции во оваа развивачка индустрија.

Импресивен раст во 2021

Во својот извештај, Hanway Associates и нивните партнери ја проценуваат вредноста на приватните и јавни инвестиции во акции и стартапи за канабис на над 1,2 милијарди евра. Изненадувачки, дури 20% од таа сума се собрани само во првата половина од 2021 год.

Ако овој тренд продолжи, аналитичарите прогнозираат дека приватните инвеститори ќе соберат дури 350 милиони евра само за европските компании за канабис до крајот на годинава.

Сѐ поголемото прифаќање на ова супстанца—најмногу на CBD, но и на медицинската марихуана генерално—привлекува сѐ повеќе организации и лица кои претходно не би помислиле да поддржат ваков 'табу' бизнис.

Така, бројот на првични јавни понуди (IPO) поврзани со канабис се зголеми за 50% во првата половина од оваа година во споредба со истиот период во 2020. Има голем напредок и во групното финансирање. Според Seedrs, кои годинава за првпат пречекаа компании за канабис, фирми како Aphagreen, Grow и Voyager, како и други, ја искористија нивната платформа за да соберат над 6,32 милиони евра од почетокот на 2021 год.

Лондон е на чело на промените

Аналитичарите ја наведуваат Велика Британија како главен центар на европскиот сектор за канабис. Тоа не е никакво изненадување, бидејќи на AIM берзата во Лондон се случи и првиот европски IPO поврзан со канабис. Станува збор за GW Pharmaceuticals, креаторот на Epidiolex и други лекови изведени од канабис, кои излегоа на берза овде во 2001 год.

Понова е приказната за Cellular Goods, компанија поддржана од Дејвид Бекам, која дебитираше на Лондонската берза и вредноста на нејзините акции порасна за 470%–над 100 милиони долари.

Според Marcus Stuttard од London Stock Exchange plc, сѐ поголем број компании од секторот го избираат ова место „за продолжување на своето патување на растот“.