Gorilla Z Auto освојува 1-во место на Dabadoo Brasil 2022

• 1. Dabadoo, светски познат натпревар за екстракти
• 2. Gorilla z auto победува како најдобар екстракт со растворувач!

Иако рекреативната и медицинската марихуана, во најголем дел, се нелегални во Бразил, консумирањето канабис е распространето и релативно лесно може да се набави на улиците и во одредени населби ако знаете каде да побарате. Слабиот квалитет на тревата наречена ‘Prensado’ (позната и како brick weed) е доста евтин, чини од R$10 - R$20 за грам (2 - 4 евра), додека домашната цветна тревка (ако успеете да ја најдете) чини до R$50 - R$200 за грам (10 - 40 евра). Иако ова е доста честа појава, казните може да бидат многу строги; доколку ве фатат додека пушите или поседувате помали количини канабис, ќе се соочите со казна од R$500 до R$1500, а за поголеми количини, затвор од 5 до 15 години бидејќи продавањето, транспортот или тргувањето со канабис е екстремно нелегално во Бразил.

И покрај строгите казни, љубителите на канабисот сепак наоѓаат начин да се обединат и организираат светски познати натпревари за канабис. Кристијан Медина, претставникот на Fast Buds за Чиле и Латинска Америка, ни раскажа повеќе за искуството од учеството на изданието Dabadoo 2022, што се оддржа во Куритиба, Бразил.

1. Dabadoo, светски познат натпревар за екстракти

Dabadoo е првиот професионален натпревар за канабис посветен исклучиво на концентрати и екстракти кои можеби ги знаете како dry sift, dabs, wax, oil, и budder, меѓу другото. Ова е единствениот меѓународен натпревар од таков вид кој редовно се одржува низ светот и е еден од најексклузивните бидејќи се работи за престижна награда во светот на канабисот.

Креиран и воден од страна на Mila Jansen (позната како Hash Queen) и брендот Pollinator од Амстердам, на настанот се собираат ентузијасти за канабис од целиот свет кои добиваат шанса да се натпреваруваат во категориите ‘Solvent-based’, ‘Solventless’ и ‘Rosin’ и да бидат крунисани како “Hash Royalty” од страна на Hash Queen.

Денес, овој натпревар собира просечно повеќе од 45 примероци што ги оценуваат повеќе од 10 професионални експерти и над 150 судии, а како приватна покана започна да се одржува во Барселона, Валенсија и Амстердам, за сега веќе да се прошири низ целиот свет, од Денвер до Сан Франциско, Уругвај, Јамајка и најново во 2022 година, Куритиба, Бразил, каде Кристијан Медина, официјален претставник на Fast Buds за Чиле, го освои 1-вото место со Gorilla Z Auto во категоријата 'Best Solvent-Based Extraction' на Dabadoo 2022, па ни раскажа малку повеќе за тоа искуство.

2. Gorilla Z Auto победува како најдобар екстракт со растворувач!

Кристијан со години учествува на натпревари за канабис и има освоено многу, многу награди. Во ова годинешно издание на Dabadoo во Бразил, Fast Buds освои прво место во 'Best Solvent-Based Extraction' со нашата Gorilla Z Auto, која беше одгледана и преработена беспрекорно од страна на Кристијан.

„... Ова значи многу за Fast Buds како компанија, но и за мене лично, бидејќи е голем напор да создадеш најдобра генетика, најдобри цветови и најдобри екстракти, а освојувањето на првото место значи дека работата е успешно завршена. Мислам дека победив затоа што тоа го правам со љубов...“

Кристијан не само што го донесе дома првото место, туку можеше и одблиску да ги види деталите за тоа како функционира ваков натпревар во земја каде канабисот е 100% нелегален. Еве што тој рече:

„...Знам дека е истото Dabadoo како во Барселона или Амстердам, но сепак беше различно поради законите во државата. Исклучително уживав во целото искуство, но патувањето со примероците во друга држава, како странски учесник, е голем предизвик поради ризиците; сепак настанот беше огромен успех и дефинитивно вредеше...“

„...Оваа чаша ми значи многу бидејќи покажува колку напор вложуваме како тим во нашите производи, но и напорот што го вложувам во одгледувањето и обработката на производот со кој учествував; пресреќен сум бидејќи ова е една од најпознатите чаши во Европа, па ми беше многу важно лично, но и за целиот Fast Buds тим... Дури и да не победев, настанот беше одличен, лицето што се грижи за оваа чаша, Mila, е одлична личност и дава душа на настанот, така да само учеството е голема чест...“

На крајот на денот, како што тој спомена, дефинитивно вредеше. Не само затоа што е навистина престижна награда, туку и затоа што покажува колку труд е вложен во создавањето на генетиките на Fast Buds, каде се наоѓаат автоцвеќињата денес и колкав потенцијал имаат авто-феминизираните генетики.