Fem Forge: Креирање на идната сорта

Фаза I : Креирање идентични мајчини клонови

Прво и основно, мајчиното растение мора да биде целосно здраво, со бујна зелена лисна маса; колку што е почиста и поздравата мајката, толку побрзо и посигурно ќе се вкоренат нејзините резници. Нашата цел е да воспоставиме најмалку 10 финални мајчини растенија по сорта. Со оглед на очекувана стапка на вкоренување од 90–95%, сепак земаме вишок од 30–40 резници по сорта за резерва — околу 20 клона ќе се насадат по сорта за следната селекција, овозможувајќи задржаните клонови да бидат вистински, идентични копии едни на други.

Фаза 2 — Висока влажност, кратки циклуси на вентилација

Првата недела ја одржуваме влажноста под куполата колку што е можно повисока. Бидејќи резниците сè уште немаат корен, се потпираат на апсорпција на влага и микронутриенти преку површината на лисјата. Секој ден ја бришеме старата кондензација од куполата и ги распрскуваме клоновите со раствор со низок EC (околу 0.4 - 0.6), прилагоден на pH од околу 5.7-6.0. Прскаме лесно, но редовно, така што лисјата остануваат хидрирани без да бидат постојано натопени, спречувајќи појава на гниење и овозможувајќи лисното хранење.

Фаза 3 — Први корени

Околу 7 - 8 ден ги гледаме првите корени како се појавуваат. Тоа е сигналот да ги отвориме отворите на пропагаторот и да внесеме повеќе свеж воздух, благо намалувајќи ја влажноста под куполата за да ги подтикнеме корените да работат повеќе. 

Оттука, клоновите почнуваат брзо да го зафаќаат медиумот со корења и побрзо ги сушат сунѓерите, па треба внимателно да ги следиме и повторно да ги навлажнуваме по потреба – се грижимe медиумот никогаш да не се исуши целосно, но и да не остане натопен.

Фаза 4 — Пресадување на вкоренети клонови во коко

Субстрат: 90% коко, 10% хумус
Прехрана: EC 1.0–1.2, pH 5.6–5.9

Машки : саксија од 2 галони за дополнителен простор и поголем потенцијал за раст
Женски : саксија од 1 галон за компактна форма и лесно одржување

Штом видливо забележуваме добро развиен, светло бел коренов систем, ги пресадуваме клоновите што е можно побрзо. Целта е да не изгубиме време и да не им дозволиме да се натиснат во почетните плугови; сакаме целата таа енергија да биде пренасочена кон создавање силен коренов систем во нивните финални садови.

За пресадување, правиме дупка малку поголема од плугот, додаваме малку Азос + Микос во дупката, потоа лесно ја навлажнуваме со растворот за прехрана. Нежно го ставаме клнонот во дупката без да го оштетиме коренот; кога корените се долги, некогаш го вртиме малку плугот така што корените се завиткуваат во спирала, намалувајќи ја можноста за пукање. Веднаш по пресадувањето некои клонови можат малку да овиснат поради стресот од промена на климата, но според нашето искуство, речиси сите се враќаат следниот ден.

Седумнаесет дена подоцна

По седумнаесет дена, сите растенија изгледаат силно и имаат добар прираст. Идните мајки останаа во главната просторија, каде ќе бидат до крајот на циклусот, равномерно распоредени за најдобра искористеност на просторот и светлината.

Машки

Идните машки се преместени во посебна просторија, каде ќе се третираат со STS и ќе се префрлат во фаза на цветање порано од мајките според нашата протокола. Во оваа фото-хронологија можете да видите како овие идни татковци се менуваат на секои 3 - 4 дена – од првото издолжување и формирањето на структурата до фаза пред појавата на полен, пред да се појават било какви видливи кесиња со полен.

Што се случува со женските растенија?

Нашите женски растенија, идните приматели на полен, значително се развија и сега им е потребно обликување. Ја намалуваме лисната маса и ја чистиме структурата за да се подобри протокот на воздух и да се спречат џебови со застоен воздух и влага меѓу гранките, што е критично пред крошната да стане погуста. Секогаш на почетокот изгледа како „ќе го завршам ова за саат време“, но искуството брзо ве потсетува дека треба многу повеќе време за да се направи тоа правилно и навреме.

За вас тоа ќе биде минута прошетка, но зад тој краток клип се кријат околу 3 - 4 часа внимателна, темелна работа на секоја маса. Уживајте во трансформацијата.