Фармерите во Калифорнија ја оставаат својата марихуана да скапува на нивите

Пет години по легализацијата на канабисот во Калифорнија, очигледно е дека нешто не е во ред со растечката индустрија. Постојат бројни извештаи дека многу мали и големи компании за одгледување канабис во државата одбрале да ги остават своите растенија да скапуваат.

Пазарните извештаи за третиот квартал ја проценуваат вкупната сува тежина на цветовите што би биле подготвени за жетва во Калифорнија на околу 1 милион фунти. Сепак, значителен дел од овие цветови никогаш не стигнале до пазарот.

Кога жетвата ти носи загуба

Децении наназад, канабисот беше најпопуларната илегална дрога во светот, а за нелегалните фармери секогаш беше прашање на пари што растат на дрвја. Тешко беше дури и да се замисли ситуација во која не можеш да најдеш купувач за својот скапоцен род. Но, преголемата понуда во Калифорнија доведе до нагло намалување на цените на големо.

Оваа година, една фунта трева се продаваше за сума меѓу 300 и 500 долари. Кога ќе ја пресметаш работната сила, и ќе ги додадеш даноците, може да сфатиш дека ќе изгубиш помалку пари ако ги оставиш растенијата на нива, отколку да ангажираш мала армија тримери, а потоа да се обидуваш да го продадеш родот.

Вината е во “данокот за одгледување”

Уникатното кај легалниот канабис во Калифорнија во споредба со традиционалните култури е што плаќаш над 150 долари за секоја фунта што ја одгледуваш. И не е важно дали ќе продадеш нешто од тоа.

И дури и ако го сториш тоа, премногу ниските цени на големо гарантираат дека губиш пари на секоја продадена фунта. Ваквите ситуации се јасен индикатор дека индустријата со марихуана во Калифорнија сè уште не е зрела и треба да ги надмине своите почетни потешкотии.