Корисниците на канабис не се вклопуваат во ‘стонер’ стереотипите

Нова анкета спроведена од онлајн маркет за марихуана не пронајде мрзливи и невработени луѓе меѓу своите купувачи. Dutchie, стартап за канабис од Орегон, анализираше 5.000 пушачи кои се регистрирале на нивната платформа и повеќето од нив биле млади и вредни луѓе со просечна плата од над 50.000 годишно.

Испитаниците како главна причина за користење на супстанцата ја наведоа желбата да се опуштат и смират од стресот на зафатениот живот. Овие откритија ги уриваат вообичаените стереотипи за летаргични стонери и ни помагаат да ја прифатиме новата реалност во која медицинскиот и рекреативен канабис не е закана, туку нормален дел од животот.

Јасна промена во трендовите

Луѓето анкетирани од Dutchie можеби не се целосно репрезентативен примерок за општата популација на корисници на марихуана во САД или другаде. Поголем дел од нив веројатно се технолошки вешти, сакаат мобилни апликации и навикнати се да добиваат сè по нарачка на дом. Затоа, примерокот е насочен кон млади луѓе од градовите кои се движат нагоре во општеството.

Според браќата Рос и Зак Липсон, ко-основачи на Dutchie, речиси половина од луѓето што купуваат тревка преку нивната платформа се на возраст од 21 до 34 години. Дополнително, 54% од нив имаат универзитетска диплома, а повеќе од половина се жени. Меѓу нив има и професионални, па дури и олимписки спортисти.

Секако, ако се бара доволно, особено меѓу оние што сè уште купуваат травка на улица, ќе се најдат и типични стонери — луѓе со ниско платени работи и матни кариерни перспективи. Но, очигледно е дека канабисот станува дел од животот и на поуспешни и продуктивни луѓе.

Младите во Велика Британија може да помогнат во промоцијата на медицинскиот канабис

Шегите на сметка на стонерите престануваат да бидат смешни кога стереотипите што ги наметнуваат го попречуваат напредокот на медицинскиот канабис. Во Велика Британија, медицинската употреба на супстанцата е легализирана во 2018 година, но стигмата постои и пациентите ја чувствуваат кога бараат пристап до својата терапија. Многу од нив сè уште ја добиваат од црниот пазар.

Поради тоа DrugScience, независна советодавна организација, неодамна лансираше кампања за да ја едуцира британската младина за медицинските придобивки од канабисот.

Оваа возрасна група најмалку се противи на целосна легализација на дрогата. Две третини од лицата на возраст 18–24 години сметаат дека употребата на канабис од возрасни треба да биде легална, а повеќе од една третина не гледаат никаква поголема штета од супстанцата. Ова ги прави младите особено погодна цел за едукативни напори — тие може да ја прошируваат информацијата до своите врсници и семејства и да помогнат да се дознае повеќе за придобивките од медицинскиот канабис и најновите истражувања на темата.