Малта: Две Недиљи До Легализација на Канабис

Парламентот на малата островска држава во Медитеранот ја има закажано третото и последно читање на законот кој ќе го направи канабисот легален. Тоа значи дека за две недели, оние од половина милион жители постари од 18 години ќе имаат право да одгледуваат свои цветови, да ги консумираат во приватноста на својот дом, па дури и да поседуваат мала количина во јавност.

Продажбата на супстанцијата ќе остане забранета, но оние што не се талентирани за одгледување, сепак легално ќе можат да ја добијат својата „дрога по избор“ од некој друг. За таа цел, властите ќе дозволат канабис асоцијации од типот што моментално функционираат во Шпанија.

Дискретноста Е Клучот

Според законот, возрасните во Малта ќе можат да одгледуваат до четири растенија канабис во своето живеалиште и да ја чуваат жетвата, но не повеќе од 50 грама (1.76 унции) суви цветови. Кога станува збор за изнесување надвор, законот е многу построг — само 7 грама одеднаш.

А пушењето на било што од ова во јавност и понатаму ќе се смета за казниво дело, со висока казна од 300 евра. Исклучок од ова правило ќе бидат медицинските пациенти, но само ако користат канабис во јавност кога е терапевтска неопходност.

Строго Регулирано И Без Профит

Она што го издвојува предложениот закон од слични мерки во други земји е моделот за легално добивање канабис од надворешни извори. Тој ќе биде сличен на канабис социјалните клубови кои работат — иако во сива зона — во Шпанија и некои други европски држави.

Идејата позади моделот на социјални клубови е пушачите да се здружат во асоцијации каде дел од членовите ќе одгледуваат канабис за доброто на сите други. Членовите ќе можат да добијат до 7 грама цвет дневно, но ќе има месечен лимит од 50 г.

Ако примерот на Шпанија не учи нешто, тоа е дека социјалните клубови брзо се претвораат во профитни канабис кафулиња, често услужувајќи илјадници „членови“. Но, малтешките власти изгледа се решени строго да ги регулираат овие клубови. Специјално формирано регулаторно тело ќе го надгледува нивното регистрирање и ќе собира извештаи кои клубовите ќе треба да ги поднесуваат на секои три месеци. Исто така, полицијата и судовите ќе ја обезбедат легалноста на нивните секојдневни активности.