Пополибералните закони за канабис доведуваат до помалку предозирања со Spice/K2

Гледајќи што се случува кога една земја или држава го легализира медицинскиот или рекреативниот канабис, тим научници откри дека двете овие мерки водат до значително намалување на консумацијата на опасни синтетички дроги познати во светот како Spice, K2 или Mamba.

Истражувањето, објавено во Journal of Clinical Toxicology, покажува дека воведувањето на закони за возрасни води до особено драстичен пад – со годишен број изложености на синтетички канабиноиди намален за 37%. Медицинските закони за канабис имаат поумерен ефект од 13%. За да дојдат до овие заклучоци, авторите ги анализирале податоците за 7600 изложености на синтетички канабиноиди во периодот од 2016 до 2019.

Пополнување на празнината оставена од криминализацијата на канабисот

Синтетичките канабиноиди се вид на синтетички дроги кои некогаш беа насекаде присутни како легална алтернатива на демонизираниот ‘опасен дрога’ – канабисот. Производителите и продавачите користеа добро познат трик – ако ја менувате формулата само малку, законот нема да стигне да ги забрани новите варијанти секојпат.

Несаканиот ефект беше појава на супстанции што беа се повеќе оддалечени од првичниот канабис и стануваа се поопасни во процесот. Сепак, тие сè уште имаат афинитет кон канабиноидните рецептори во нашето тело и предизвикуваат ефекти слични на марихуана.

Епидемија која тешко се контролира

Иако синтетичките канабиноиди денес се нелегални, како и што наложуваат нивните штетни ефекти, нивната употреба доби размери на епидемија. Spice често е во форма на спреј што се нанесува на безбедна растителна маса (за подоцна да се пуши во луле или бонг), но наместо на пример оригано, може да се напрска и хартија. Ова го прави совршен медиум за шверцување секаде, па и во затвори. Во Обединетото Кралство, пред да се воведе редовно тестирање за синтетички канабиноиди, имаше пораст на сериозни, понекогаш и смртоносни предозирања меѓу затворениците.

САД видоа сличен проблем со K2, а помеѓу 2014 и 2015 бројот на смртни случаи од предозирање со синтетички канабиноиди се зголеми трипати, според CDC.

Во последно време, употребата и популарноста на синтетичките роднини на марихуаната се намалува. Поголем дел од корисниците се освестени за опасностите, а сменетиот став кон природниот канабис има уште поголема улога. Сега, постојат цврсти научни докази дека легализацијата на канабисот одлично помага во извлекувањето на поопасните супстанции од улиците – било да станува збор за синтетички канабис или за опиоиди.