• 1. Што е Банг и Од Каде Потекнува?
• 1. a. Банг и Хинду Културата
• 2. За Што се Користи Банг?
• 3. Како да Направите Банг
• 3. a. Состојки и Алатки
• 3. b. Инструкции за Приготвување Банг Тандаи
• 3. c. Чекор 1
• 3. d. Чекор 2
• 3. e. Чекор 3
• 3. f. Чекор 4
• 3. g. Чекор 5
• 4. Заклучок

Кога станува збор за марихуаната и нејзините начини на консумација, постојат безброј начини на кои што една личност може да ја внесе оваа билка, било да е тоа преку пушење во џоинт или бонг, јадење, или користење во концентрирани форми како лосиони или трансдермални фластери. 

И постоjано ќе се појавуваат нови начини за консумирање канабис — сите сме слушнале за вапоризатори и друга модерна стоуер опрема. Сепак, тоа не значи дека постарите методи се помалку важни од новите. 

Всушност, најтрадиционалните начини на консумација на марихуана обично се оние што најдолго траат низ историјата на човештвото. Џоинти, лулиња и бонгови, како и различни видови едулибили, биле вообичаени начини на консумирање марихуана уште пред илјадници години. 

Банг, на пример, е уште една античка форма на консумирање марихуана која се користи и денес, иако во многу помала мера. Ајде да дознаеме што е банг и како се прави. 

1. Што е Банг и Од Каде Потекнува? 

Банг е форма на консумирање канабис која потекнува од Индискиот Потконтинент (Бангладеш, Бутан, Индија, Малдиви, Непал, Пакистан, Шри Ланка), која се употребува илјадници години, уште од 1000 година п.н.е. во Древна Индија. 

Иако рецептите може малку да варираат, банг обично е пијалок направен од млеко или јогурт, мешавина од зачини и паста од канабис — составена од листови и цветови, земени од женските растенија на марихуана, т.е. оние што ги произведуваат цветовите (buds). 

Традиционално, банг се дистрибуира во пролетниот период за време на фестивалите Маха Шиваратри, Џанмаштами и Холи. Обично, банг се продава на улица или во специјализирани продавници, каде што се нудат индиски пијалоци со марихуана, како што се банг ласи, банг тандаи и банг голи. 

Иако производството и продажбата на марихуана се забранети во Индија, банг е сѐ уште дозволен во одредени области, културолошки и верски гледано. Сепак, Индиската национална политика за наркотични и психотропни супстанции дозволува во рецептите да се користат само листовите од растението канабис, а не и другите делови од билката. ¹

Банг и Хинду Културата

Банг е голем дел од индиската култура, особено на хиндуизмот, поради врската со богот на уништувањето и трансформацијата – Шива. Иако ова можеби звучи „остро“, во хиндуизмот уништувањето не се гледа како негативна особина, бидејќи со уништување доаѓа нова креација и нов живот. 

Легендата за Шива и банг во хинду религијата раскажува дека тој некогаш слегол од планинскиот венец Хиндукуш (кул име, нели) и со себе донел банг како дар за човештвото, изјавувајќи дека тој самиот, Шива, секојдневно ја користи оваа мешавина за да си ги засили моќите. 

Шива ја користел за да ги засили своите божествени моќи и да му помогне да се фокусира внатрешно, поради што канабисот бил сметан за едно од петте најсвети растенија на планетата според светото хинду писмо Атхарваведа. Ведите, пак, ја нарекувале марихуаната „давач на радост“ или „извор на среќа“. Во своите ритуали, тие гореле стебла од канабис во ведската огнена церемонија наречена јагна за да ги победат злите сили и непријателите. 

Употребата на банг денес е целосно нормална во Индија, бидејќи е прифатена во општеството веќе илјадници години. Всушност, кога во 19 век британците пристигнале како колонизатори и се соочиле со толкава распространост, одлучиле дека би имало преголем хаос ако ја забранат употребата на банг. 

2. За Што се Користи Банг?

Марихуаната, во различни форми на консумација, е позната по своите бројни намени во медицината, терапијата и духовноста. Во индиската култура, банг е веќе добро интегриран како средство не само за медицинска, туку и за духовна употреба.

Во руралните делови на Индија, на пример, сметаат дека банг може да лекува температура, топлотен удар и дизентерија. Исто така, се користи за помош во дигестија, отстранување шлајм, па дури и за лекување пречки во говорот. Древната индиска медицина – Тиби и Ајурведа – исто така користела канабис орално како третман за заболувања како маларија и ревматизам. 

Исто така, војниците го консумирале банг за да им помогне да донесат одлуки и да ги смират нервите, а новобрачните парови го користеле како природен афродизијак за подобра сексуалност. ²

Сега, кога ги знаеме дел од бројните придобивки од банг, време е да научиме како се прави!

3. Како да Направите Банг

Постојат три вообичаени вида на банг: банг голи – свежо сомелена марихуана со вода; банг ласи – мешавина од трева со јогурт и сурутук (цврсти и течни делови од млекото при коагулација); и банг тандаи – микс од зачини. 

Совет!

Ако самите одгледувате, обавезно користете ги големите листови и тримот. Свежо сечената марихуана има подобар ефект од веќе сушените цветови и листови. 

Доколку сакате да пробате да подготвите свој банг пијалок дома, еве еден едноставен рецепт за банг кој може да го направите. 

Состојки и Алатки

• 2 чаши вода;
• 14 грама свежи листови и цветови од канабис;
• 3 чаши топло млеко;
• 1/2 чаша мед или шеќер;
• 1/4 лажичка ѓумбир во прав;
• 1/4 лажичка гарам масала;
• 1/2 лажичка анасон во прав;
• 1/2 лажичка кардамон во прав;
• 1/4 лажичка коморач во прав;
• 1/2 лажичка розова вода;
• Листови нане, листови од роза, сечкани бадеми или ф'стаци за декорација;
• 1 голем сад со капак;
• 1 сад за собирање течност;
• Толчник и сад за толчење; 
• Фина цедалка или газа.

Кога ќе ги соберете сите алатки и состојки, сте спремни да почнете со подготовка на својот банг. 

Инструкции за Приготвување Банг Тандаи

Правењето банг е едноставно и среќа – има само 5 чекори. Одете во кујна, ставете заштитна престилка и подгответе се за пикантен пијалок.

Чекор 1

Земете ги чашите вода, ставете ги во тенџере и загрејте на висока температура додека не зоврие. Исклучете ја ринглата и ставете го растителниот материјал од трева, и оставете да се кисне 7 минути. 

Чекор 2

Со газа или фина цедалка процедете ги листовите и цветовите од водата, задржувајќи ја водата во сад на страна. Добро исцедете го растителниот материјал додека не излезе целата течност. 

Чекор 3

Растителниот материјал ставете го во толчник со 2 лажици топло млеко. Толчете полека но цврсто, и кога ќе завршите, повторно исцедете ги листовите и цветовите за да извлечете максимум и да ја соберете млекото кое потоа ќе го додадете во садот со водата што ја чувате за подоцна.

Повторете додека не потрошите 1/2 чаша млеко. 

Чекор 4 

Земете ја декорацијата по избор – нане, бадеми, ф'стаци или друго – и додадете ги во толчникот со уште малку топло млеко. Продолжете со толчење додека не добиете фина паста. Земете го екстрактот, додадете го во другите течности и отстранете ги сите остатоци од јатки. 

Чекор 5

Сите преостанати состојки измешајте ги заедно – додајте ѓумбир, анасон, гарам масала, коморач, кардамон и розова вода, па потоа медот и преостанатото топло млеко. 

Осигурете се дека сѐ е добро измешано, истурете во чаша и уживајте! 

4. Заклучок

Кога станува збор за унапредување на вашите стоунер искуства, се што ви треба е љубопитност и истражување! 

Додека пребарувате низ непознатото – било преку гуглање, читање или барање совет – ќе можете да научите многу повеќе за работите што ги сакате, како што е марихуаната во овој случај. 

Не се задоволувајте со комфорт зоната, комфорт зоната е за мрзливи! Излезете, пробајте нови работи и откријте го големиот свет што ве опкружува во канабис индустријата. Има уште толку многу што треба да се дознае освен обичниот џоинт, бонг или прочуените брауни колачи – што ве спречува?

НАДВОРЕШНИ РЕФЕРЕНЦИ

1. "Банг - надвор од рамките на законот за наркотични дроги и психотропни супстанции" Yatan Pal Singh Balhara и Shachi Mathur. Октомври 2014. 
2. "Разлики помеѓу половите во употребата и ефектите од канабисот: крос-секциска анкета на корисници на канабис" Carrie Cuttler, Laurie K. Mischley и Michelle Sexton. Јули 2016.
3. "Здравствените ефекти на канабис и канабиноиди: Состојба на докази и препораки за истражување." National Academies of Sciences, Engineering, and Medicine; Health and Medicine Division; Board on Population Health and Public Health Practice; Committee on the Health Effects of Marijuana: An Evidence Review and Research Agenda.