• 1. Правила за употреба и поседување
• 1. a. Марихуана Лајт
• 1. b. Вozење под дејство
• 2. Поседување големи количини и продажба
• 3. Одгледување на канабис
• 3. a. Семки од канабис во Швајцарија
• 4. Медицински канабис
• 4. a. Дали cbd е легален во Швајцарија?
• 5. Обиди за легализација
• 6. Заклучок

Швајцарија е држава која е многу толерантна кон таканаречените „меки дроги“, вклучувајќи и канабис, и вистински проблеми со законот ќе имате само ако поседувате или тргувате со кила трева. Оваа земја постојано размислува за мерки за легализација и спроведува пилот програми за да провери како би функционирале помалку рестриктивни политики. Сепак, на посетителите им се препорачува точно да знаат што е дозволено, а што не, за да избегнат можни правни проблеми.

Правила за употреба и поседување

Во 2012 година, Швајцарија ја декриминализираше поседувањето мали количини марихуана. Оттогаш, ако ве фатат со 10 грама или помалку од супстанцијата, дрогата се конфискува и приказната завршува тука. Полицијата нема да ви изрече казна ниту пак писмено предупредување. Но, ако ве застанат и претресат затоа што ја консумирате дрогата, ќе треба да платите глоба од 100 CHF (102 EUR) и веројатно ќе бидете регистрирани како корисник на канабис.

Во 2023 година, властите отидоа чекор подалеку и направија поседувањето мали количини марихуана целосно легално. Сега, полицијата ни не ви ја одзема тревата, освен ако пушите на јавни места – тоа сѐ уште е незаконски.

Марихуана Лајт

Како и Италија, Швајцарија го легализираше користењето на т.н. „марихуана лајт“, вид канабис со помалку од 1% THC. Во сите други аспекти, тоа се обични цветови – истиот изглед, иста текстура, ист мирис – но мала е веројатноста да ве направат многу „надувани“. Oд 2017 година, марихуана лајт е легална во Швајцарија и во моментот на пишување достапна низ целата земја во продавници за тутун и други продавници.

Како што можете да претпоставите, присуството на легален производ кој е речиси неразличлив од оној што е незаконски, им ја отежнува работата на полицијата – едноставно не може да се разликуваат без лабораториско испитување. Сепак, не смеете да пушите марихуана лајт на улица, без разлика колку и да е легална.

Вozење под дејство

Уште еден аспект кој треба да се земе предвид кога купувате и користите легална трева е тоа дека не смеете да возите автомобил дури и по една цигара. Иако количината на THC најверојатно нема значајно да ве „надуе“, ќе биде доволна за да се детектира во ваши примероци на урина и крв уште долго време по последната употреба. Во случај на несреќа или ако полицијата посомнева дека возите под дејство алкохол и бара да ви се испита крвта, ќе бидете обвинети и казнети како да возите под дејство марихуана, и казната е иста како за обичната трева.

Поседување големи количини и продажба

Како што веќе спомнавме, швајцарскиот закон е многу великодушен во поглед на лимитите. Трeба да поседувате повеќе од 4 килограми (9 фунти) канабис за количината да се смета за закана за јавноста и дури тогаш можете да завршите во затвор. Табелата подолу ги покажува некои казни за продажба, употреба и поседување на големо. Забележете дека дневниот износ за казна го определува судот и е приближно еднаков со просечниот дневен приход на прекршителот.

Одгледување на канабис

Во 2012 година постоеше обид да се легализира лично одгледување до 4 растенија од разновидност што не опива (со помалку од 1% THC). Некое време тоа беше легално во неколку кантони, како Женева и Фрибург, но подоцна истата година федералниот суд пресуди дека тоа е против тогашните закони за дроги.

Семки од канабис во Швајцарија

Како и на речиси секое друго место во светот, жителите на Швајцарија лесно може да набават семки од канабис онлајн. Постојат доволно меѓународни платформи, како нашата Fast Buds продавница, кои ќе ви ја испратат нарачката во државата. Што се однесува до физички продавници, малку е веројатно дека ќе најдете таква што продава семки што даваат високо THC растенија. Дури и продавници со витрини полни со цветови што личат на американски диспенсери, продаваат само CBD и CBG семки.

Медицински канабис

Досега во Швајцарија е официјално одобрен само еден висок-THC производ од канабис – Sativex. Овој спреј е одобрен за спастичност кај пациенти со мултиплекс склероза и законски може да се добие на рецепт. Покрај тоа, од 2011 година лекарите имаат право да побараат одобрение од Федералната канцеларија за јавно здравје за да препишат други лекови базирани на канабис, но ова се прави од случај до случај и третманот најчесто се дозволува само за тешки случаи или терминални болни. Лековите може да бидат само во форма на тинктури или масла, не и цветови.

Засега, медицинската програма за марихуана во Швајцарија е многу ограничена и по бројот на достапни производи и по условите кои се опфатени, а пациентите и лекарите се соочуваат со многу бирократија ако сакаат да пробаат медицински канабис.

Дали CBD е легален во Швајцарија?

CBD практично е легален во земјата од 2019 година, кога единствениот лек одобрен од FDA – Epideolex, беше одобрен и од Европската агенција за лекови. Сега сите CBD производи се изземени од Законот за наркотици и се продаваат во аптеките како обични лекови.

Обиди за легализација

На федерално ниво имало доста обиди за усвојување полиберална политика за канабис. Во 2001 година пропадна закон за декриминализација, а во 2004 година беше предложен амандман на уставот за легализација на канабис, но и тој не помина. Не успеа ни референдумот од 2008 година, на кој 36,7% гласаа за легализација, иако се верува дека половина милион луѓе од вкупно 8 милиони жители користат канабис.

Понова иницијатива на Зелената партија за легализација на рекреативен канабис, вклучувајќи го одгледувањето, производството и продажбата, беше одбиена од Парламентот во 2018 година.

За разлика од некои други европски земји кои ги релаксираат политиките без да менуваат закони, Швајцарија пристапува методолошки кон реформите, сакајќи да воспостави јасна законска рамка заснована на наука.

Со оваа цел, беа покренати неколку пилот-проекти со кои марихуана и хашиш би станале достапни за група возрасни волонтери. Овие луѓе би можеле легално да купуваат канабис за рекреативна употреба во ограничен број аптеки, а научниците ќе го проучуваат влијанието врз поединците и општеството во целина. Повеќето пилот-програми пропаднаа, но во 2022 година градот Базел сепак го започна својот проект кој ќе трае 2 години.

Заклучок

Швајцарија јасно ја има избрано стратегијата на намалување на штетите, со цел да го ослаби црниот пазар, да ги заштити младите од изложеност на илегални супстанции преку креирање легални синџири на снабдување и да ја заштити здравствената состојба на корисниците преку контрола на квалитет. Од друга страна, земјата се движи кон оваа промена многу внимателно, и е мала веројатност дека ќе дојде до целосна легализација пред првите пилот програми да обезбедат доволно научни податоци.

И покрај тоа што легална продажба (на рекреативен канабис) сѐ уште не е достапна, Швајцарија се појавува како една од побезбедните земји за љубителите на канабис, бидејќи легално може да се купи производ со низок THC и нема казна ни за мала количина канабис со висок THC. Важно е само да бидете дискретни и да уживате во приватност.