Американската Антидопинг Агенција не може сама да ги смени правилата за канабис

Водачите на Американската Антидопинг Агенција испратија писмо до членовите на американскиот Конгрес во врска со забраната на Ша’Кари за учество на Олимписките игри, тврдејќи дека се залагаат да се олеснат строгите последици за консумација на канабис ако не се користи за подобрување на перформансите, но не можат самите да ги сменат правилата.

Писмо до Конгресот

Американската Антидопинг Агенција (USADA) испрати писмо до претставниците во кое се разгледува случајот на Ша’Кари Ричардсон. 21-годишната атлетичарка нема да може да се натпреварува на претстојните Олимписки игри поради позитивен тест на канабис по нејзината победа на олимписките квалификации. Атлетичарката добила 30-дневна забрана и позитивниот тест ѝ го поништил првото место на квалификациите, што предизвика Атлетската федерација на САД да ја исклучи од штафетата 4x100, за што претставниците изразија критики.

Во писмото испратено минатиот петок беше споменат и UFC, каде што не се казнува за користење канабис ако не е за подобрување на перформансите. Но, според USADA, Олимписките игри се потпишани од страна на Американскиот олимписки и параолимписки комитет, па затоа не можат да го следат истиот пат. Во писмото, USADA тврди дека повеќето влади се многу воздржани во отстранување на канабисот од листата на забранети супстанции и наведуваат дека, уште во 2004 година кога канабисот бил воведен на листата, американската влада била еден од најсилните поддржувачи за негово вклучување.

Ричардсон доброволно ја прифати санкцијата

Експертите велат дека писмото ја споменало забранетата листа за да се покаже дека американската влада сè уште не сака да го отстрани канабисот од неа, па секој обид за поништување на санкцијата ќе доведел до уште подолга суспензија. Светската антидопинг агенција (WADA) тврди дека забраната за канабис создава непотребен стрес во животите на спортистите, правилото е застарено и треба да се промени бидејќи канабисот е легален во повеќе од 19 држави во САД и барем декриминализиран во повеќе од 35 земји низ светот. 

Како одговор, USADA спомена дека повеќето влади се многу воздржани да го отстранат канабисот од забранетата листа поради причини поврзани со јавното здравје и ќе биде потребно повеќе време додека не заврши потребното истражување и додека не можат да проценат како тоа да се направи на најбезбеден можен начин.