Bejjiegħ Leġġendarju tal-Weed Arrestat il-Ġimgħa

Il-leġġendarju mexxej tad-droga Messikan Caro Quintero li kien arrestat il-Ġimgħa li għaddiet beda jbigħ il-weed lura fis-snin sebgħin u malajr laħaq fl-ogħla livelli tal-ktajjen lokali tal-kriminalità organizżata. Mhux persuna mqarba jew kwieta, Quintero ħalla warajh traċċi ta’ demm biżżejjed biex il-DEA poġġietu fuq il-lista tagħhom tal-aktar mfittxija, u sar miljunier sa’ meta kellu 30 sena.

Illum għandu 69 sena, u din hija kisba mill-aqwa f’dan ix-xogħol u f’dak il-pożizzjoni fil-ġerarkija kriminali li jilħaq dan l-età avvanzata. Quintero seta’ ilu rtirat, imma għażel li jibqa’ jagħmel dak li jaf l-aħjar – imexxi imperu illegali tal-weed.

L-Inventur tas-Sinsemilla Prodott bil-Massa

Imwieled fl-1952 f’familja ta’ bdiewa fin-Nofsinhar tal-Messiku, Caro Quintero kellu disa’ aħwa u l-unika edukazzjoni tiegħu kienet dik elementari. Imma kellu biżżejjed intelliġenza tat-triq u għarfien tan-negozju bħalma kellu wkoll xejn skrupli għall-vjolenza, u dan kollu ħadu biex jibni organizzazzjoni kriminali li aktar tard saret il-kartell ta’ Sinaloa, l-aktar qawwi fil-pajjiż għal għexieren ta’ snin.

L-infami El Chapo Guzmán kien biss hitman dak iż-żmien jaħdem għal Quintero u bosses oħra. Sa’ l-1985, meta Quintero nżamm il-ħabs għall-ewwel darba, kien miljunier u l-akbar traffikant tal-marijuana fid-dinja, b’pulizija, uffiċjali, politiċi u imħallfin f’butu. L-għelieqi tal-kannabis tiegħu kienu mifruxa fuq 1482 ettaru u kellu 4,000 ħaddiem jieħdu ħsieb il-ħsad u jħejju l-prodott. Dak li għamel il-marijuana ta’ Quintero differenti kien li kien l-ewwel wieħed li ħoloq kwantitajiet industrijali ta’ sinsemilla – fjuri femminili mingħajr żerriegħa.

Drawwiet Qodma Jmutu Bil-Mod

Meta l-Istati Uniti ppressat lill-gvern Messikan biex jipprova jwaqqaf l-akbar operazzjoni tal-marijuana fid-dinja, kellhom jibgħatu mijiet ta’ suldati u spiċċaw jaħarqu 8,000 tunnellata ta’ weed. Bħala vendetta, Quintero kien ittortura żewġt irġiel għal ġimgħat u mbagħad qatlhom. Wieħed minnhom kien il-bdot li ta ritratt mill-ajru tal-għalqa tal-kannabis tiegħu u l-ieħor kien aġent taħt kopertura tal-DEA, Kiki Camarena Salazar.

Quintero fl-aħħar inqabed mal-ħabiba tiegħu fil-Kosta Rika fl-1985. Apparentement jifraħ mill-attenzjoni tal-midja, ma kienx jaf li l-arrest tiegħu kien se jdum 28 sena u jintemm biss fl-2013 minħabba difett tekniku. Inħeles u mill-ewwel mar “taħt l-art”, bena armata żgħira u pprova jerġa’ jirbaħ lura l-ogħla post fit-traffikar tal-droga illegali tal-Messiku. Kienet il-DEA, li ma nsew qatt l-qtil ta’ wieħed mill-aġenti tagħhom, li baqgħu jippresjonaw lill-awtoritajiet Messikani sakemm saret ir-rejd il-Ġimgħa li għaddiet u arrestaw lil Caro Quintero għat-tieni darba.