Raġel ta’ 71 Sena Jinħeles Wara Li Serva 31 Sena Ħabs għal Akkużi Mhux Vjolenti Marbuta mal-Kannabis

Richard DeLisi, raġel ta’ 71 sena minn Florida ġie liberat mill-Faċilità Korrettiva u ta’ Riabilitazzjoni ta’ South Bay fil-Kontea ta’ Palm Beach dan it-Tlieta, wara li qatta’ 31 sena wara l-bars għal reati relatati mal-kannabis. 

F’intervista wara l-ħelsien tiegħu, meta ġie mistoqsi x’plani kellu għall-futur, qal li kien se jmur jiċċelebra f’ristorant lokali, ir-Rustic Inn, fejn kien se jiekol ftit granċijiet wara nofs in-nhar. Snacks fancy, hux hekk. 

Ir-raġuni għaliex DeLisi ngħata sentenza ta’ 90 sena ħabs kienet minħabba reati ta’ racketeering, traffikar tal-kannabis, u konfoffa, meta fl-1988, hu u ħuh il-kbir Ted ġew miżmuma f’reverse-sting operation, jiġifieri meta l-pulizija tidħol bħala tajra f’negozju tad-droga, waqt li kienu qed jittraffikaw weed mill-Kolombja lejn Florida. 

Bi ftit xorti, bl-għajnuna ta’ sforz konġunt mill-Last Prisoner Project u avukati pro bono (li jipprovdu servizzi legali b’xejn) Juster, Michael Minardi u Elizabeth Buchanan, Richard DeLisi rnexxielu jinħeles kważi 60 sena qabel id-data oriġinali tal-ħelsien tiegħu. 

Il-Last Prisoner Project hija organizzazzjoni mhux governattiva li tiġbor fiha avukati, attivisti, u esperti tal-politika li jaħdmu biex jgħinu jeħilsu priġunieri arrestati għal akkużi relatati mal-weed li mhumiex vjolenti. 

Madankollu, skont id-Dipartiment tal-Korrezzjonijiet ta’ Florida, il-ħelsien ta’ DeLisi ma kienx relatat ma’ partijiet terzi, iżda għaliex irrekordja tiegħu ġie rivedut u lhuma ndunaw li ma kienx ingħata kreditu għall-ħin servut, u wassal għal ħelsien aktar kmieni. 

"Inħossni fantastikament kuntent li se nkun id-dar mal-familja u l-għeżież tiegħi dalwaqt," qal Richard lit-tim legali tiegħu x-xahar li għadda meta ġiet imħabbra d-data l-ġdida tal-ħelsien.

Qabel il-ħelsien tagħhom, kemm Richard kif ukoll Ted DeLisi kienu deskritti bħala l-ikbar żewġ priġunieri bi servizz twil għal reati mhux vjolenti relatati mal-marijuana fl-Istati Uniti.

Madankollu, ħuħ Ted kien diġà nħeles mill-istess ħabs fl-2013 wara li rnexxielu jappella b’suċċess il-kundanna ta’ konfoffa tiegħu. F’dak iż-żmien, però, l-appell ta’ Richard kien għadu ġie miċħud.

Għandna nenfasizzaw li sentenza ta’ 90 sena għal tali akkużi, mogħtija mill-Imħallef Dennis Maloney, hija meqjusa 'il bogħod wisq mill-rakkomandazzjonijiet tal-linji gwida ġudizzjarji.

“Kien inġust ħafna dak li għamlu lili. Nispera li nkun nista’ ngħin lil nies oħra li jinsabu fl-istess sitwazzjoni,” qal Richard. 

Hija diqa li nindunaw kemm ħin ġie spizzat mill-ħajja ta’ persuna mingħajr ġustifikazzjoni vera, mhux li setgħu serva għal xi ħaġa s’issa, billi diġà tilef dak il-ħin kollu. 

Madankollu, mhux ta’ b surprise li r-reazzjoni ta’ DeLisi qatt ma kienet vjolenti, mhux qabel u lanqas wara li nħeles. Fil-fatt, ir-raġel jidher li hu sempliċement ferħan li jista’ jqatta’ ħin mal-familja tiegħu mill-ġdid u jiċċelebra l-festi flimkien wara 31 sena. 

Issa DeLisi ser jiltaqa’ għall-ewwel darba ma’ ħamest it-tfal tan-neputijiet tiegħu neputijiet u jerġa’ jingħaqad ma’ żewġ uliedu.