Canna Terapia: Produktet CBD Topikale VS Transdermale

• 1. Çfarë janë topikalet e kanabisit?
• 2. Çfarë janë transdermalet e kanabisit?
• 3. Si funksionojnë topikalet vs transdermalet
• 4. Testet e drogës: topikalet vs transdermalet
• 5. Çfarë është bio-disponueshmëria dhe dallimi midis të dyjave
• 6. Çmime dhe të tjera rreth topikaleve vs transdermaleve
• 7. Si të dalloni topikalet nga transdermalet në dyqan
• 8. Topikalet vs transdermalet: cila të provoni?
• 9. Përfundimi

Ndërsa kanabisi po avancon përpara në shoqërinë njerëzore, duke thyer barrierat që dikur ishin ngritur rreth përdorimit të tij, përdorime dhe produkte të reja po dalin në pah. 

Jo çdo metodë e përdorimit të marihuanës jep të njëjtat përfitime, prandaj është e rëndësishme të kuptojmë, së pari, cilat efekte dhe përfitime kërkojmë dhe, së dyti, si mund të përfitojmë nga çdo formë e konsumit. 

Për shembull, efektet do të ndryshojnë nëse avulloni, pini apo konsumoni ushqime të përpunuara. Në të njëjtën mënyrë, kur bëhet fjalë për losione, topikalet dhe produktet CBD transdermale ndryshojnë gjithashtu në veprimin e tyre mbi trupin. Por, cila është saktësisht diferenca midis topikaleve dhe transdermaleve?

1. Çfarë janë Topikalet e Kanabisit?

Pjesa më e madhe e tregut sot për produktet e kanabisit përbëhet nga topikalet. Produktet që futen në kategorinë CBD topikale janë losione, kremra, vajra dhe balsame. 

Këto topikale të bazuara në kanabis aplikohen mbi lëkurë dhe veprimi i tyre ndodh aty, zakonisht vetëm në shtresën e sipërme të lëkurës – epidermën – dhe zonën përreth. Kjo do të thotë që produktet topikale të kanabisit nuk absorbohen nëpërmjet qarkullimit të gjakut, pasi ato nuk i tejkalojnë shtresat e lëkurës. 

Nëse do flisnim për produkte kanabisi që penetrojnë lëkurën, atëherë do të referoheshim te transdermalet.

2. Çfarë janë Transdermalet e Kanabisit?

Ndryshe nga topikalet CBD, transdermalet e kanabisit aplikohen gjithashtu mbi lëkurë, por ato absorbohen më thellë në trup, duke penetruar lëkurën përmes epidermës dhe duke arritur deri në dermë (shtresa e dytë e lëkurës) ku gjenden enët e gjakut, kështu që një pjesë e CBD-së në të vërtetë hyn në qarkullimin e gjakut. 

Meqenëse transdermalet hyjnë në qarkullimin e gjakut, efektet e tyre ndikojnë trupin në një shkallë më të gjerë, madje edhe në indet muskulore. Ndryshe nga topikalet CBD, të cilat ofrojnë vetëm efekte lokale, transdermalet CBD përhapen në gjithë organizmin. 

3. Si Funksionojnë Topikalet Vs Transdermalet

Ashtu si me çdo metodë të konsumit të kanabisit, përgjegjës për përpunimin e përbërësve të tij është sistemi endokanabinoid dhe receptorët CB1 dhe CB2. 

Tek topikalet, nga njëra anë, ato absorbohen përmes receptorëve CB1 dhe CB2 të pranishëm në lëkurën tonë. Por gjithmonë kujtoni që topikalet CBD, sipas emrit, funksionojnë në vendin specifik ku janë aplikuar. Nëse keni dhimbje gjuri, atëherë aty duhet të aplikoni CBD topikalin tuaj.

Transdermalet, nga ana tjetër, hyjnë në qarkullimin e gjakut, duke dhënë një efekt të përgjithshëm. Edhe pse transdermalet CBD mund të vijnë si krem ose balsam, ekzistojnë edhe në formë patch-esh, njësoj si patchet e nikotinës, të cilat mund të vendosen kudo në trup por japin përfitime për gjithë trupin për periudha të zgjatura kohe.

Për patch-et CBD transdermale këshillohet t'i vendosni në zona venoze, siç janë kyçet e dorës, për thithjen më të mirë. 

4. Testet e Drogës: Topikalet Vs Transdermalet

Kur bëhet fjalë për testet e drogës, pasi topikalet CBD nuk absorbohen në qarkullimin e gjakut, zakonisht rezultatet do të jenë negative kur përdorni topikale. Prandaj, mund të përdorni edhe topikale me përmbajtje të lartë THC dhe sërish të mos përjetoni efekte psikoaktive.

Siç pritet, meqë transdermalet me bazë marihuane kalojnë nëpër lëkurë në qarkullimin e gjakut, shanset për të marrë rezultate pozitive në testin e drogës janë reale.

Dhe nëse do të shmangni ndjesinë e lartë pasi të keni aplikuar një transdermal, sigurohuni që produkti që po blini ka nivele të ulëta THC dhe të larta CBD.

5. Çfarë është Bio-disponueshmëria dhe Dallimi midis të Dyjave

Në farmakologji, termi bio-disponueshmëri i referohet një nënkategori të thithjes. Bio-disponueshmëria është përqindja totale e një substance që arrin në qarkullimin sistemik të trupit.  Niveli më i lartë i bio-disponueshmërisë, 100%, arrihet zakonisht me administrim intravenoz. ¹

Kurse në rastin e topikaleve dhe transdermaleve CBD, transdermalet kanë në thelb bio-disponueshmëri më të lartë. Duke qenë se transdermalet CBD hyjnë nën lëkurë, bio-disponueshmëria e tyre është më lartë. Edhe pse kërkohen ende hulumtime për të përcaktuar saktësisht përqindjen, mendohet se arrijnë deri në 70%.²

Le të shohim bio-disponueshmërinë e secilës metodë administrimi të kanabisit. 

Si përfundim, mënyra e konsumi të kanabisit me bio-disponueshmëri më të lartë është thithja me avullim apo pirje. 

6. Çmime dhe të tjera Rreth Topikaleve Vs Transdermaleve

Kur bëhet fjalë për çmimet e këtyre produkteve me bazë CBD, është logjike të nxirrni përfundimin se topikalet CBD janë më të lira krahasuar me transdermalet.

Kjo vjen sepse procesi i prodhimit për transdermalet është më i komplikuar se sa për topikalet, duke kërkuar emulsifikues dhe komponime kimike të veçanta për prodhimin e një CBD transdermale. 

Topikalet, nga ana tjetër, mund t'i përgatisni fare lehtë në shtëpi duke kombinuar përbërës të lehtë për t'u gjetur nga supermarket më i afërt. Për më tepër mund t'u shtoni barishte të preferuara dhe të krijoni recetën tuaj të personalizuar.

7. Si të dalloni Topikalet nga Transdermalet në Dyqan

Duke filluar nga fakti që shumica e produkteve në treg janë zakonisht topikale, sigurohuni të kushtoni vëmendje të veçantë asaj që po blini para se të kryeni pagesën. 

Për të zbuluar diferencën midis topikaleve dhe transdermaleve CBD, lexoni etiketën me kujdes; nëse është një produkt transdermal, do të shkruhet diku në paketim. Meqë transdermalet janë më luksoze, kompania prodhuese ndoshta është e zgjuar ta reklamojë këtë në etiketë. 

Kjo do të thotë që nëse nuk jeni të sigurt nëse losioni CBD që po kontrolloni është transdermal apo jo, përgjigja është shumë mundësi jo, është thjesht një topikal tjetër. Gjithsesi, kërkoni ndihmë nga shitësi në dyqan ose kontaktoni kompaninë për më shumë informacion nëse po blini online.

Mund të kuptoni gjithashtu nëse keni marrë një produkt topikal apo transdermal duke kontrolluar etiketat e pasme. Shikoni udhëzimet: nëse kërkohet aplikimi në zona venoze, alarm transdermal! Ose nëse gjeni në përbërje përmirësues të penetrimit ose emulsifikues, ka shumë mundësi që përbëhet nga CBD transdermal. 

Më në fund, çmimi është treguesi më i mirë. Duke qenë se transdermalet janë më të vështira për t'u prodhuar, siç e përmendëm më sipër, çmimet e tyre do të jenë më të larta. 

8. Topikalet Vs Transdermalet: Cila të Provoni?

Tani që u njohëm me diferencat mes CBD-ve është koha të analizojmë cila ju përshtatet më shumë. 

Për ata që kërkojnë efeketin më të fortë të mundshëm pa dyshim duhet të zgjedhin transdermalet CBD. Duke qenë se këto hyjnë në qarkullim të gjakut, konsideroni edhe testin e drogës. 

Je pa merak për testin e drogës? Pra, askush nuk të kërkon test të rastësishëm? Atëherë lirisht provo transdermal ose topikal. Nëse jo, atëherë evitoni transdermalet sepse ndryshe do ju duhet të shpjegoni për kremrat CBD të përdorur. 

Gjithashtu, kini parasysh se transdermalet hyjnë në gjak, kështu që nëse përmbajnë sasi të konsiderueshme THC, mund të ndjeni efektet psikoaktive të kanabisit.

Këshillë shtesë

Kujdes të kontrolloni përqindjen e THC në produktet që blini, për të mos e gjetur veten në situata pak të këndshme. 

Tani, është koha të shikoni gjendjen tuaj financiare. Sa jeni të gatshëm të shpenzoni? Nëse mund t'i lejoni vetes shpenzime më të mëdha, provoni transdermalet. Por edhe nëse kurseni, topikalet CBD mund t'ju ndihmojnë me efektet e tyre lokale. 

9. Përfundimi

Kur bëhet fjalë për llojet e ndryshme të kanabisit dhe mënyrat e konsumit, çelësi është të informoheni. 

Çfarë po kërkoni saktësisht? Çdo produkt me bazë marihuane do të japë efekte të ndryshme, dhe pasi çdo varietet i kanabisit (strain) ka përbërës unik, është gjithashtu e rëndësishme të merret parasysh vetë varieteti i përdorur.

Nëse e gjeni të vështirë të vendosni se cili është produkti më i mirë për ju, mos hezitoni të pyesni ata që kanë përvojë të thelluar. Të eksperimentoni deri sa të gjeni zgjidhjen tuaj është gjithashtu një ide e mirë.

REFERENCA EKSTERNE

1. "Drug Bioavailability" Gary Price and Deven A. Patel. October 2020.
2. "Cannabinoid Delivery Systems for Pain and Inflammation Treatment" Natascia Bruni, Carlo Della Pepa, Simonetta Oliaro-Bosso, Enrica Pessione, Daniela Gastaldi, and Franco Dosio. Molecules, September 2018.