Çfarë është Kanabisi Hermafrodit?

• 1. Çfarë është hermafroditi?
• 2. Kur mund të filloj të dallohem shenjat e para të gjinisë së bimës?
• 3. Si të njohim bimët mashkullore të kanabisit
• 4. Si të njohim bimët femra të kanabisit
• 5. Si duken hermafroditët dhe Çfarë i shkakton?
• 6. Si të parandalojmë shndërrimin e bimëve në hermafrodit?
• 6. a. Drita
• 6. b. Ujitja
• 6. c. Dëmtimi i rrënjëve
• 6. d. Temperatura e ambientit
• 6. e. Koha e saktë për krasitje
• 6. f. Plehra dhe pesticide
• 6. g. Substrat i shëndetshëm
• 6. h. Pushtimet
• 6. i. Pajisje me cilësi të ulët
• 7. Si mund ta shpëtoj rendimentin në këto rrethana?
• 7. a. Hiqni qeset e polenit
• 7. b. Korr bimën më herët
• 7. c. Elimino bimën
• 8. Në përfundim

Kultivimi i farave të kanabisit mund të jetë sfidues, ndonjëherë klima nuk është e favorshme dhe bima jote fillon të prodhojë sytha dhe qese poleni. Çfarë do të thotë në të vërtetë kjo dhe si t'i njohësh ato saktë?

1. Çfarë është Hermafroditi?

Bimët e kanabisit hermafrodit zhvillojnë qese poleni mashkullor dhe lule femra. Edhe pse është një tipar natyral i bimës së kanabisit, është tipar i padëshiruar kur kanabisi kultivohet për konsum.

Ekziston një mundësi e madhe që të marrësh një bimë plot fara, që ul ndjeshëm sasinë dhe cilësinë e produktit final. Për të kuptuar pse ndodhin hermafroditët (ose hermiet), duhet të jemi në gjendje të dallojmë bimët femra dhe mashkullore fillimisht.

2. Kur Mund të Filloj të Dallohem Shenjat e Para të Gjinisë së Bimës?

Seksi i bimëve të kanabisit mund të përcaktohet duke kërkuar shenjat e para të lulëzimit në bimë. Këto janë të dukshme disa ditë deri në një javë pasi ndërroni dritën në 12/12 tek bimët fotoperiodike dhe i jepni bimës sinjalin për të filluar lulëzimin (ose kur natyra i bën netët më të gjata se 12 orë). Tek autoflowerat kjo ndodh 3-4 javë në fazën vegjetative, auto tënd do të tregojë shenja të gjinisë kur të arrijë maturinë dhe të jetë gati për të filluar fazën e lulëzimit.

3. Si të Njohim Bimët Mashkullore të Kanabisit

Bimët mashkullore të kanabisit njihen nga formimi i qeseve të polenit në nyjet e bimës (nyja është pjesa e trungut nga ku dalin degët). Kjo ndodh pothuajse në të njëjtën kohë si tek bimët mashkullore ashtu edhe femra, edhe pse bimët mashkullore tentojnë të zhvillojnë organet e tyre riprodhuese pak më shpejt. Këto qese poleni mashkullore mund të dallohen lehtë. Duken si topa të vegjël që varen anash bimës, ndryshe nga fijet e bardha që nxjerr bima femër.

Kur lihen të rriten, këta topa hapen si lule dhe lëshojnë polen në ajër. Polen duhet vetëm nëse dëshironi të krijoni varietetet apo farat tuaja. Nëse nuk jeni duke krijuar kryqëzime të reja, bimët mashkullore në kopshtin tuaj mund të çojnë në polenizimin e të gjitha bimëve femra. Sythet do të prodhojnë fara dhe kjo do të ulë ndjeshëm nivelet e THC dhe rendimentin.

4. Si të Njohim Bimët Femra të Kanabisit

Bimët femra të kanabisit dallohen nga zhvillimi i fijes së bardhë të vogla (të njohura si stigma ose pistile) në nyjet e tyre. Pas pak kohe, bima fillon të nxjerrë gjithnjë e më shumë prej këtyre fijesh derisa të fryhen nga poshtë lart.

Kjo do të thotë që bima po formon kalikse të cilat shndërrohen gradualisht në lule siç i njohim. Këto kalikse mbeten bosh për sa kohë që bima nuk polenizohet. Kur polenizohet, ato mbushen për të mbajtur dhe mbrojtur farat.

5. Si Duken Hermafroditët dhe Çfarë i Shkakton?

Edhe nëse farat janë feminizuara, gjithmonë ekziston mundësia që të shndërrohen në bimë hermafrodit. Kjo zakonisht ndodh kur bimët përjetojnë stres të tepruar. Kur kjo ndodh, bimët e kanabisit përpiqen të garantojnë mbijetesën e tyre, duke u kthyer në hermafrodit, mund të polenizojnë veten dhe të prodhojnë fara për gjeneratën tjetër.

Kjo është një rrezik që e merr kur kultivon varietete me gjenezë të dobët, kur kultivon në një ambient të keq ose kur varietetet janë të ndjeshme. Mbani mend që këtë e përdorin disa kultivues për të zhvilluar varietete të reja. Vëreni që ndonjëherë kjo mund të bëjë që varieteti juaj të jetë i ndjeshëm ndaj stresit, duke rezultuar në një genetikë të vështirë për kultivim.

6. Si të Parandalojmë Shndërrimin e Bimëve në Hermafrodit?

Mënyra e vetme për ta shmangur këtë është të shmangni stresimin (që përfundimisht i shndërron bimët në hermie) dhe të kushtoni vëmendje të madhe ambientit të rritjes. Faktorët e mëposhtëm duhen kontrolluar:

Drita

Ndryshimet e papritura të ciklit të dritës ose të intensitetit mund të stresojnë seriozisht bimën tuaj. Gjithmonë përpiquni të përshtatni ngadalë bimën përpara se të ndryshoni dritat ose nëse e transferoni nga jashtë brenda ose anasjelltas.

Ujitja

Teprica ose mungesa e ujit mund të stresojë bimën; nëse ujitni shumë ose pak për një kohë të gjatë, bima do të stresohet dhe përfundimisht mund të shndërrohet në hermafrodit.

Dëmtimi i rrënjëve

Dëmtimi i rrënjëve gjatë transplantimit mund të shkaktojë stres, dëmtimi i rrënjëve mund të shkaktojë instinktin e mbijetesës dhe bima do të fillojë të prodhojë qese poleni për të mbijetuar.

Temperatura e ambientit

Temperatura ideale është rreth 27 gradë celsius, kultivimi në një klimë shumë të ftohtë ose të nxehtë do t'i bëjë bimët tuaja të kanabisit të shndërrohen në hermie.

Koha e saktë për krasitje

Krasitja e tepërt veçanërisht gjatë fazës së lulëzimit do të stresojë seriozisht bimën tuaj. Mënyra më e mirë për të kryer krasitjen është gjatë fazës vegjetative dhe edhe atëherë ta bëni ngadalë dhe pa ngutje.

Plehra dhe pesticide

Teprica e lëndëve ushqyese kur bima nuk arrin t'i përvetësojë mund ta stresojë atë, ka varietete që reagojnë (dhe madje kanë nevojë) për ushqyerje të fortë si Tangie’matic i joni.

Përdorimi i pesticideve shumë të forta dhe kimike mund të stresojë lehtë bimën tuaj, mënyra më e mirë është të parandaloni insektet, dhe nëse është nevoja përdorni zgjidhje natyrale.

Substrat i Shëndetshëm

Substrati ku rritet bima juaj është strehë për të gjitha rrënjët jetike. Meqë janë të varrosura në tokë (përveç nëse kultivoni me metodë hidroponike), janë të lehta për t’u lënë pas dore. Substrati i cilësisë së dobët mund të shkaktojë një mori problemesh për bimën, prandaj merrni gjithmonë kohë për të zgjedhur një substrat cilësor. Përndryshe, bima stresohen dhe ja ku u shfaq hermia tek ju. 

Pushtimet

Çdo lloj pushtimi, si insekte apo dëmtues, mund të shndërrojë bimën tuaj në hermie. Ato ngadalë e shkatërrojnë bimën tuaj derisa të arrijë një pikë pa kthim. Kur arrin këtë pikë, do të fillojë të prodhojë qese poleni për të parandaluar zhdukjen.

Pajisje me cilësi të ulët

Sot interneti është plot me pajisje të lira të reklamuar për kultivuesit e rinj të kanabisit. Pyet çdo kultivues me pak përvojë dhe me siguri do të të thotë të mos kursesh për pajisjet e rritjes. Sigurisht, mund të blesh gjëra të lira dhe të shpresosh për më të mirën. Ndoshta ke fat dhe nuk shfaqen probleme të mëdha. Por pse të marrësh rrezikun që të shkosh dëm gjithë ajo dashuri, kohë dhe përpjekje që ke hedhur për rritjen? Një problem i vetëm me ndonjë nga pjesët e pajisjeve mund të shkaktojë fiks atë stres që gjithmonë përpiqemi ta shmangim, ndaj mos kurse këtu. Bli vetëm nga furnizues të njohur dhe lexo komentet para se të shpenzosh paranë e fituar me mund.

7. Si Mund ta Shpëtoj Rendimentin në Këto Rrethana?

Hiqni Qeset e Polenit 

Për të shmangur që bimët e kanabisit hermafrodit të polenizohen vetë, hiqni me kujdes organet mashkullore riprodhuese që formohen në nyje. Mund t’i hiqni me gisht duke i shtrënguar lehtë mes dy gishtave dhe tërhiqini. Kjo është e vetmja mënyrë për të shpëtuar rendimentin. Nganjëherë bima do të vazhdojë të krijojë qese poleni e nganjëherë do të ndalojë, në varësi të shkakut të stresit.

Gjithsesi, duhet të zgjidhni atë që po shkakton stresin. Nëse jo, të gjitha bimët në hapësirën tuaj të kultivimit mund të stresohen e të shndërrohen në hermie. Duhet të dini që edhe pse mund të shpëtoni rendimentin, lulet nuk do të jenë aq të forta dhe prodhimi nuk do të jetë sa zakonisht.

Korr Bimën Më Herët 

Nëse lulëzimet mashkullore vazhdojnë të shfaqen, bima duhet të pritet dhe të korrni. Mund të tymosni lulet, por ato nuk do jenë aq të forta apo kompakte sa duhet. Nëse ka më shumë se një bimë në rritje, hermia duhet të largohet.

Elimino Bimën 

Gjithësesi më e vështira si kultivues është të vrasësh një bimë, por ndonjëherë është opsioni i vetëm real. Një hermie ka mundësinë reale të polenizojë të gjithë të korrat, duke qenë një katastrofë. Pyet veten ç’është më mirë, të vrasësh një bimë të vetme apo të polenizohen të gjitha bimët? Nëse bima ka vetëm ndonjë qese poleni atëherë mund ta izolosh dhe të përpiqesh t'i heqësh me kujdes. Por, nëse mbulohet nga qese poleni më mirë është ta eliminoni. Nëse është afër pjekurisë së luleve, mos i humb. Edhe pse nuk do të kenë të njëjtën fuqi sa bimët femra, nuk ka arsye të hidhni gjithçka. Nëse i keni rritur siç duhet, kanë ende vlerë për përdorim. Përveçse t’i tymosni, mund ti përdorni për të bërë cannabutter apo vaj kanabisi me kokos. Mund t'i përdorni edhe për hash rosin, hash me flluska ose çdo formë tjetër ekstrakti. 

8. Në Përfundim

Hermafroditizmi është ajo që i lejon bimës së kanabisit të rritet në kushte të vështira apo klimat të pafavorshme. Edhe pse është diçka e mirë në natyrë për kanabisin, shumica e kultivuesve nuk përfitojnë nga kjo. Për ne, kërcënon rendimentin tonë ndaj duhet të ofrojmë ambientin optimal për bimët. Nuk mund të ankohemi, sepse pa hermiet mund të kishim humbur shumë varietete. Nëse po përballeni shpesh me hermie, duhet të kuptoni çfarë po i streson bimët. Faktori më i zakonshëm është temperatura.