Luksemburgu Planifikon të Jetë Shteti i Parë Evropian që Legalizon Kanabisin

Njoftimi i bërë në vitin 2017 hapi mundësinë që Luksemburgu të bëhet shteti i parë evropian që legalizon kanabisin për përdorim rekreativ deri në fund të vitit 2022. Në vitin 2017, Luksemburgu njoftoi se po planifikonte legalizimin e kanabisit rekreativ, por nuk u pa asnjë rezultat dhe askush nuk ishte i sigurt nëse qeveria kishte plane të vazhdonte me politikat e reja të shpallura.

Mund t’i Duhet Disa Vite që Rregullorja të Hyjë në Fuqi 

Gjatë vitit 2018 plani për ndryshimin e politikës së kanabisit në vend u rishpall dhe Ministri i Shëndetësisë i asaj kohe deklaroi se politika mbi drogat që kanë tani është që nga më shumë se 50 vite më parë dhe dukshëm nuk ka funksionuar sepse ishte e qartë se ndalimi i përdorimit të kanabisit e bënte atë më tërheqës, sidomos për të rinjtë dhe adoleshentët, dhe theksoi se ata po punojnë në mënyrë aktive për këtë.

Kaluan disa vite nga njoftimi i parë dhe askush nuk ishte i sigurt se çfarë do të ndodhte, sidomos me fillimin e pandemisë, por, edhe një herë, Ministri i Shëndetësisë njoftoi se plani po vazhdon, duke raportuar se është bërë shumë punë që prej 2018 dhe ka shumë profesionistë që po punojnë për rregulloret dhe ligjet, të cilat pritet të prezantohen brenda disa viteve të ardhshme.

Këto njoftime sollën lehtësim për konsumatorët që mezi prisnin një treg legal të kanabisit në Luksemburg, i cili do të bëhej shteti i parë evropian që ligjëron plotësisht kanabisin për përdorim rekreativ, megjithatë, kjo nuk është një surprizë e madhe. 

Vendi ka dekriminalizuar posedimin dhe përdorimin që prej vitit 2001, dhe raportet tregojnë se përdorimi mjekësor i kanabisit është trefishuar, me një mesatare prej 40 gramë për pacient; më shumë se 140 kg kanabis është përshkruar për përdorim mjekësor në vitin 2020.

Kufizime për Turizmin e Kanabisit 

Por, jo gjithçka është ashtu siç duket; Pavarësisht legalizimit të përdorimit rekreativ të kanabisit, Luksemburgu nuk do të ndjekë të njëjtin rrugëtim si shtetet e tjera. Kjo mund të ndryshojë teksa vendi vazhdon të hartojë ligjet dhe rregulloret, por, sipas raporteve të vitit 2019, legalizimi në Luksemburg do të ketë kufizime për turistët që dëshirojnë të blejnë kanabis në vend.

Beson se kufizime të tilla po mendohet të vendosen për të shmangur turizmin e kanabisit siç ndodh në qytete si Amsterdami në Holandë; vlerësohet se më shumë se 200,000 persona që udhëtojnë çdo ditë për të punuar nga shtetet fqinje nuk do të lejohen të blejnë kanabis legal, jo vetëm për të shmangur turizmin e kanabisit, por edhe për të ulur shqetësimet e këtyre vendeve.

Nëse jetoni në Luksemburg dhe keni më shumë informacion, mos hezitoni ta ndani në hapësirën e komenteve më poshtë!