Pajisjet e Nevojshme Për Çdo Konsumues Kanabisi

• 1. Grinder-a
• 1. a. Madhësia ka rëndësi
• 1. b. Numri i ndarjeve
• 1. c. Pesha
• 1. d. Materiali
• 2. Letrat dhe filtërat për dredhje
• 3. Pipa
• 4. Tabaka për dredhje
• 5. Peshore
• 6. Mbajtëse roach-esh
• 7. Bong
• 8. Kuti fshehjeje
• 9. Kit-i
• 10. Një vape ose dy
• 10. a. Vaporizuesit për bar të thatë
• 10. b. Vape-t për wax/koncentrate
• 10. c. Vape-t “table top”
• 11. Tabaka hiri
• 12. Përfundim

Sapo je bashkuar me botën e 'stoner'-ave? Urime dhe mirësevini në një mënyrë të re jetese! Është koha të fillosh të mbledhësh disa pajisje tymosjeje që çdo konsumues kanabisi duhet të ketë në shtëpi për ta bërë këtë rrugëtim dyfish më argëtues. Aksesorët më të zakonshëm që do të gjesh në çdo shtëpi të një konsumuesi janë:

• Grinder-a
• Letrat për dredhje
• Pipa
• Bong
• Kuti të fshehta
• Tabaka hiri

Kokrrat nuk shfaqen thjesht rastësisht. Tasat e bongut nuk mbushen vetë. Bari rrallë herë vjen i bluar paraprakisht. Kur futesh në botën e kanabisit, ekzistojnë shumë mjete dhe pajisje që mund të blesh për ta bërë procesin e tymosjes sa më të lehtë të jetë e mundur. Siç e sheh, përdoruesit e kanabisit rrallë e shohin dredhjen e kokrrave ose mbushjen e pipave si punë të lodhshme. Në fakt, shumë adhurues barishtesh e konsiderojnë këtë proces si një ritual—një rast që ka pothuajse po aq rëndësi sa edhe akti i tymosjes në vetvete. Teksa mësohesh me kanabisin, gjithçka do të marrë kuptim. Qëndrimi rreth një tavoline kafeje, në shoqërinë e miqve të mirë, e bën procedurën e përgatitjes për tymosje thuajse po aq të këndshme sa edhe ajo çfarë vjen pas ndezjes së çakmakut. 

Teksa fillon udhëtimin tënd të tymosjes, me shumë gjasa do të pranosh çdo lloj aksesor që kryen punën. Por shumë shpejt do të fillosh të dallosh paisjet që të përshtaten më mirë. Do të kesh çakmakun tënd të preferuar, letrat që kanë shijen më të mirë dhe e bëjnë dredhjen më të lehtë, dhe tabaka për dredhje që ndihmojnë që gjithçka të jetë e rregullt. Le të të udhëzojmë në drejtimin e duhur. Më poshtë do të zbulojmë pjesët kryesore të pajisjeve që të duhen për një seancë të suksesshme tymosjeje. Mblidh të gjitha këto, dhe shumë shpejt do të shndërrohesh në tymosësin më efikas—ndoshta edhe më të preferuarin—rreth tavolinës së kafesë. 

1. Grinder-a

Gjëja e parë që duhet të bësh për pjesën më të madhe të mënyrave të tymosjes është të bluash barin. Mendo për grinder-in që nxjerr kur do të dredhësh një joint me dikë si makina me të cilën do të merrje një vajzë në takim. Nëse ke një grinder cilësor, njerëzit do të kuptojnë që je një adhurues i vërtetë i barit. Disa thonë që mund ta bluajnë barin me duar, kriminelë! Absolutisht mos e bëj, sepse kur bluhet me dorë i dëmton sythat duke shtypur trikomat, ku ndodhet pjesa më e madhe e THC-së.  

Disa përdorues të kanabisit pretendojnë që dhe gërshërët bëjnë të njëjtën punë si grinder-i. Kjo nuk është e vërtetë. Po, mund të kalosh kohë duke i imtësuar sythat me gërshërë, por nuk mund të arrish kurrë njëtrajtshmërinë që të jep një grinder në shumë më pak kohë. Në tërësi, grinder-at e shkrijnë sythat e dendur e rrëshirorë të kanabisit në një pluhur të lehtë për punë që e bën dredhjen e joint-eve dhe blunt-ave shumë më të thjeshtë. Nëse ndonjëherë e ke bluar kanabisin me dorë, kujtohu sa ngjitëse u bënë duart? Ja pse. 

Pra, çfarë e bën një grinder të mirë? Ka disa aspekte për t’u marrë parasysh.

• Madhësia 
• Numri i ndarjeve
• Pesha
• Konstruksioni/Materiali

Ja pse këto aspekte janë kaq të rëndësishme. 

Madhësia Ka Rëndësi

Madhësia e grinder-it tënd vërtet ka rëndësi, edhe pse më i madh nuk është gjithmonë më i mirë. Mendo për përdorimet që do t’i bësh kur zgjedh madhësinë. Madhësitë e grinder-ave variojnë nga mini deri tek ekstra-të mëdhenjtë. Nëse e blen për ta përdorur në shtëpi, çdo madhësi shkon, dhe më të mëdhenjtë janë shumë më komodë për përdorim. Por këta të mëdhenjë nuk janë shumë praktikë për t’u marrë me vete pasi janë të rëndë. 

Nëse kërkon një grinder që ta marrësh kudo në çantë, zgjidh patjetër një të vogël ose mesatar përveç nëse do t’i japësh vetes sfidë të bësh çdo ditë ditë krahu duke mbajtur gjysmë kg grindër me vete. Gjithsesi, pesha e grinder-it varet edhe nga materiali prej të cilit është bërë.

Për rezultate optimale, mund të mendosh të marrësh disa grinder-a për funksione të ndryshme. Për shembull, një të vogël dhe të fortë (idealisht metalik) për t’u bluar në lëvizje. Përshtatet lehtësisht në një xhep të vogël dhe mund të shërbejë edhe si kuti ruajtjeje. Ky aparat mund të bluajë mjaftueshëm për të mbushur një joint në çdo sesion. Më pas, bli një të madh e të qëndrueshëm për përdorim në shtëpi e të mos lodhësh kyçet para çdo dredhjeje—vetivola për të bluar do të bjerë me aq sa të dehesh! 

Numri i ndarjeve

Sa më shumë ndarje, aq më shumë veçori ka grinder-i (dhe aq më i rëndë do të jetë). Nëse parapëlqen thjeshtësinë, zgjedh një grinder klasik me dy pjesë, vetëm për bluarje. Nëse je entuziast, 3-të ose 4-katëshat janë opsioni më i mirë. Tre-katëshet kanë një ndarje shtesë për të mbledhur barin e bluar apo kief dhe polen. 

Grinder-ët me katër pjesë kanë një ndarje ekstra-ekstra që bashkon të gjitha funksionet e mësipërme. Marrja e një grinder-i me grumbullues poleni të ndryshon lojën, të paktën për ata që dinë të presin e nuk dorëzohen pas çdo impulse. Me kalimin e javëve, trikomët që bien nga procesi i bluarjes mblidhen në ndarjen poshtë, duke formuar një masë të bardhë, plot të mira për mendjen. Përdor një kruese për të formuar një grumbull kristalesh dhe hidh një pjesë në joint, blunt ose në bong për një eksperiencë që e tejkalon atë të luleve të papërpunuara. 

Pesha

Siç përmendëm, duhet të mendosh për përdorimet e grinder-it tënd, nëse do të rrijë në shtëpi apo do ta marrësh me vete. Kështu ngushton kërkimin dhe gjen atë që të përshtatet më mirë. Gjithashtu, është e rëndësishme të marrësh parasysh materialin e grinder-it. 

Materiali

Materiali është një aspekt thelbësor, për peshën dhe cilësinë. Edhe pse plastikët, akriliket apo druri janë më të lira, nuk janë aq të qëndrueshme. Ne rekomandojmë një grinder prej alumini me cilësi të lartë ose ABS plastic i cili do të zgjasë përjetë. Nëse do ta marrësh kudo me vete, shko me një të vogël apo mesatar dhe ndoshta ABS plastic. Po qe se pesha s’është problem, alumini është më i miri. 

2. Letrat dhe Filtërat për Dredhje

Para se të mendosh të blesh pajisje të çmendura, duhet të kalosh përvojën bazë të dredhjes së joint-eve. Çdo konsumues do të dredhë qindra herë në jetë, prandaj sigurohu që ke të gjitha themeloret për dredhje. Për të dredhur, gjëja e parë që duhet të blesh janë letrat për dredhje. Sa e çuditshme duket, cilësia e tyre ndikon shumë në shijen e joint-it. Letrat e këqija prishin shijen, ndaj mos kurse në këtë pikë. 

Me pak fjalë, sa më e hollë letra për dredhje, aq më mirë. Por, sa më e hollë, aq më e vështirë të dredhësh, ndaj përvetëso teknikën para se të blesh letrat më të holla. Ne rekomandojmë edhe letrat e dredhjes organike, të padjershura, pra ato që duken kafe.

Kjo sepse letrat e bardha, të zbardhura janë ato që dihen se ndikojnë shijen dhe janë plot substanca kimike që s’janë të preferuara. Letrat e posaçme për kanabis janë zgjedhja më e sigurtë. Nëse kërkon një strain me shije të fortë, Gorilla Cookies është soulmate strain-i yt—ky hybrid i fuqishëm, përzierje e disa prej strain-eve autoflowering më të mira, kap deri 27% THC.

Për sa i përket madhësisë, rëndësi ka vetëm sa do të tymosësh. Eksperimentoni për raste të veçanta—provo të bësh një joint 30 cm për sfidë me miqtë. Mund të blesh dhe rrotulla letrash që i pret vetë në çdo madhësi. Ka edhe letra për dredhje me shije, si për joint ashtu edhe për blunt, që janë gjithmonë argëtuese për t'u provuar.

Më në fund, blerja e një bloku filters për dredhje është e dobishme edhe pse jo domosdoshmëri. Po, vijnë në ndihmë, por çdo letër e trashë apo karton do bëjë punë. Mund të këputësh edhe një pjesë të kutisë së letrave për dredhje.

3. Pipa

Këto janë ndihmësit më të mirë kur të mbarojnë letrat apo je me nxitim. Pjesa më e mirë: Mund të jenë të vogla dhe shumë të lehta për t'u marrë me vete. Pipa ka çdo madhësi, formë dhe ngjyrë. Fillimisht, pipa metalike është më e zakonshme dhe efikase. Nëse je njeri rustik, pipa prej druri mund të jenë për ty.

Megjithatë, askush nuk mund ta mohojë që pipa qelqi janë më të bukurat, por edhe shumë të brishta, prandaj mos ia jep miqve të ngathtë.

"Frymën time të fundit le të e nxjerr nëpër pipë dhe ta nxjerr me humor." -Charles Lamb

Është ide e mirë të blesh edhe një pastrues për pipën, se këto pajisje me kalimin e kohës bëhen të pista e të erëta. Gjithashtu, merr edhe rreta për pipa që të mos përfundosh duke thithur grimca bari gjatë tymosjes.

4. Tabaka për Dredhje

Nuk është objekt i domosdoshëm, por ia shton shumë stilin procesit të dredhjes. Ulur, me tabakanë në tavolinë, vendos pajisjet si të ishe biznesmen që hap valixhen për punë. 

Gjithashtu, tabaka ndihmon të mbledhësh të gjitha copëzat e vogla që shpërndahen gjatë proçesit të dredhjes.

5. Peshore

Peshoret janë mjete të dobishme për të matur sasinë e barit që ke korrur në shtëpi apo për të kontrolluar që shitësi nuk të ka mashtruar. Sigurohu që peshorja që blen është në njësi matjeje që përdor zakonisht dhe ka funksionalitet të lartë precizioni.

6. Mbajtëse Roach-esh

Nëse je nga ata që nuk përdorin filter, duhet pa dyshim të blesh një mbajtëse roach-esh. Me këto do sigurohesh që tymos çdo pjesë të fundit të joint-it derisa të zhduket pothuajse. Plus, mbajtëset janë miqtë më të mirë të qerpikëve dhe gishtave—s’ka më fërkime apo djegie pasi të nisësh përdorimin e tyre.

7. Bong

Që në provën e parë me një bong do kuptosh pse duhet ta kesh. Ose ndoshta mund ta ndërtosh vetë edhe një bong shtëpie. Ndjen si të ishe astronaut.

"Ndonjëherë do doja të isha një gllënjkë bongu, do të më lije brenda dhe do të më doje çdo minutë." -John Mayer
 

Ashtu si tek pipat, kriteri i vetëm për blerje është shija personale. Këto pajisje epike gjenden në forma dhe ngjyra të çmendura dhe të krijojnë kujtime të bukura—zgjidh bongun që të ngroh zemrën.

8. Kuti fshehjeje

Blerja e kutive të fshehta mund të kthehet në varësi të rrezikshme. Thelbësisht, kutia është aty ku do të ruash barin për ta mbrojtur nga kushtet e këqija të ruajtjes apo të tjera etj. Tipoja jonë e preferuar janë kutitë metalike të ëmbëlsirave, si kutitë Altoids. Por këto nuk janë hermetike dhe nuk mbajnë aromë, kështu që ndoshta do të marrësh me vete erën e barit, megjithatë edhe kjo nuk është aq keq!

Nëse do diçka më profesionale, merr një kuti të posaçme për kanabis. Që vijnë në materiale të ndryshme, nga druri në metal, hermetike dhe mbajnë aromë—të përsosura për ata që ende e kanë të nevojshme ta fshehin faktin që tymosin kanabis, jeta është e vështirë, shok. Ose, përdor thjesht ndonjë kavanoz qelqi bosh—perfekt për ruajtjen e barit.

9. Kit-i

Të mbash të gjitha pajisjet esenciale të dredhjes në një kit është mënyra më e lehtë për të mos i humbur aksesorët e preferuar (jo se po themi që konsumuesit humbasin gjëra). Rekomandojmë një kuti të madhe për shtëpi dhe një të vogël portative për të mbajtur një pipë të lehtë, letra, filtre dhe grinder.

Sipas rëndësisë, një kit nuk duhet të mungojë kurrë:

1. Çakmak
2. Letrat për dredhje
3. Grinder
4. Objekt shpuese
5. Filtra

Pasi të mësohesh me kit-in, do të të ngjitet. Shpesh, kit-i bëhet aq i rëndësishëm sa edhe portofoli për shumë stoner-a dhe humbja e tij do të ishte makthi më i madh. Zgjidh një kuti të bukur që të përshtatet dhe ruaj pajisjet e tua të preferuara brenda!

10. Një Vape ose Dy

Vaporizuesit. Një nga risitë më të fundit në botën e mrekullueshme të kanabisit, dhe shumë më tepër se një vërejtje anësore për këtë postim. Si shumë aspekte të kulturës stoner, vape-t kanë kaluar një periudhë të vërtetë rilindjeje në dekadën e fundit. Dhe me pafundësisht opsione të reja çdo vit, duket se ky trend sapo ka filluar.

Tregu i koncentrateve dhe ekstrakteve është faktori kryesor pas revolucionit të vape-ve. Vetëm pak vite më parë, ekstraktet përbënin një pjesë të vogël të industrisë së “stoner”-ave. Por sot, me ardhjen e teknologjisë së avancuar dhe dëshirën për përvoja unike me kanabisin, koncentratet janë në kërkesë të lartë. Disa studime parashikojnë që tregu i wax, dab dhe shatter mund të arrijë deri 16 miliardë dollarë vetëm në SHBA deri në 2030.

Qofsh fillestar apo përdorues me përvojë, të paktën një vape cilësor është pjesë thelbësore e çdo koleksioni modern stoner-i. Duke parë gamën e gjerë, mund të gjesh diçka për të gjithë—nga baziket te produktet hi-tech. Le t’i kalojmë shpejt llojet më të zakonshme të vaporizuesve për bar, dhe t’i shpjegojmë shkurt.

Vaporizuesit për Bar të Thatë

Dikur më të zakonshmit në botë, vaporizuesit për bar të thatë, tani janë lënë disi pas nga të tjerët më të ndritshëm. Por kjo s'do të thotë që s’janë opsion i mirë për çdo konsumues të ndërgjegjshëm. Ka çdo formë dhe madhësi, por ka dallim të madh mes atyre të vlefshmëve dhe atyre pa vlerë. Pra, çfarë duhet të kërkosh tek një vape i mirë për bar të thatë?

Kontrolli i Temperaturës

Sigurohu që vaporizuesi ka rregullues temperature, pasi kjo të ndihmon të përfitosh maksimumin nga bima. Pjesë të ndryshme të trikomës (kristalet ku ndodhen të mirat!) avullohen në temperatura të ndryshme, kështu që kontrolli i temperaturës është nga gjërat e para që duhet të marrësh parasysh.

Jetëgjatësia e Baterisë

Varet nga përdorimi dhe ku tymos, bateria e mirë është jetike. Shumica e vape-ve cilësorë kanë minimalisht 1 orë jetë, por gjithmonë më mirë të mos riskosh. Bateritë litium-jon janë më të mirat për ndonjë vape që do të zgjasë një ditë ose më shumë.

Konstruksioni dhe materialet

Elementi ngrohës brenda vapes arrin mbi 200°C (392°F). Prandaj, është e domosdoshme që pajisja të jetë prej materialesh rezistente ndaj nxehtësisë—çeliku inoks, qeramika janë më të mirat, por ka edhe të tjera. Trupi duhet të jetë nga material i qëndrueshëm, p.sh. alumini, idealisht edhe rezistent ndaj goditjeve.

Vape-t për Wax/Koncentrate

Kjo lloj vape ka qenë në treg prej kohësh, por vetëm së fundmi është bërë vërtet popullore. Sot ka stilolapsa dhe vegla të krijuara posaçërisht për koncetratet, dhe ashtu si për barin, vijnë në forma dhe madhësi të ndryshme. Më populloret janë pikat vape për ekstrakte. Ato vijnë ose si kapsula të mbushshme me bateri të ndara ose si njësi njëpërdorimshe të pandryshueshme. Shiko për cilësi ndërtimi e jetë të mirë baterie, por te këta vape, sigurohu që atomizatori (pjesa që ngroh koncentratin) është prej kuarci ose qeramike.

Këto pajisje të vogla mund të jenë shumë të fuqishme, me nivel THC-je mbi 95%. Është tre herë më shumë se mesatarja e një strain-i bari, ndaj përdor me kujdes. Fillo me një të thithur të vogël dhe shiko si të merr. Nëse nuk ke provuar kurrë ekstrakt, fuqia e tyre mund të të befasojë. Plus, vape-ve iu duhet pak më shumë kohë të ndiehen në trup në krahasim me një joint a spliff. Fillo ngadalë dhe prit rreth 10-15 minuta për efektet.

Por, pasi të mësohesh, janë vërtet të mrekullueshme. Super diskretë, plot shije, dhe të japin kontroll të saktë mbi tripin tënd. Kur përdor një vape ekstrakti të një marke të caktuar, merr dozën që dëshiron çdo herë. Kjo është shumë e rëndësishme tani që kanabisi mjekësor dhe mikrodozimi po bëhen më të përhapur.

Vape-t “Table Top”

Tani, këta përbindësha më të mëdhenj mbulojnë kategoritë e mësipërme por në mënyrë të zgjeruar. Njëri nga vape-t më të famshëm të tregut është ‘Volcano’, i cili është akoma legjendë. Ka formë pothuajse si ufosh, ku fut barin e bluar (deri 2 gr për mbushje), dhe vendos një balonë lart për të kapur avullin. Sapo ndizet, ajri kalon nëpër dhomë dhe mbush balonën me avull të lëmuar dhe të shijshëm për t’u thithur. Kujto çfarë thamë për kujdesin te vape-t ekstrakti? Ja dhe këtu duhet kujdes!

Pason nga markat e tjera si Plenty apo DaVinci IQ, të dyja me kontroll të plotë temperature dhe mund të përdoren edhe si dab rig. Ka gjithashtu opsione që mund të përdoren për wax dhe për bar të thatë, si Linx Blaze apo Arizer Air; por këto zakonisht janë më të dobët në performancë dhe kushtojnë aq sa të tjerët (nëse jo më shumë).

11. Tabaka Hiri

Së fundmi, por jo më pak e rëndësishmja, merr një tabaka hiri të hijshme. Askush nuk do aromë hiri dhe njolla hiri andej këtej, ndaj bli një ose më shumë tabaka dhe vendosi në çdo vend të tymosjes. Përveç kësaj, mbetjet e joint-eve nuk janë aspak miqësore me mjedisin. Koha për të ndërruar disa zakone.

12. Përfundim

Kush do ta mendonte që blerja e paisjeve për kanabis mund të ishte kaq argëtuese? Pjesa më e bukur është që ka pafund opsione për çdo shije personale. Sa më thellë të futesh, aq më shumë përvoja të këndshme do të mbledhësh. Çfarë pret? Ji kurioz!

Hidhi një sy opsioneve më të çmendura që shikon, pse të mos frymëzohesh nga filmat, koll-koll, çdo gjë me James Franco dhe Seth Rogen.