Si e Shton Kreativitetin Kanabisi?

• 1. Çfarë është kreativiteti dhe të menduarit divergjent?
• 1. a. Të menduarit divergjent
• 2. Kanabisi, kreativiteti dhe si vepron në tru
• 3. Cila është doza ideale e kanabisit për të nxitur kreativitetin?
• 4. Përfundimi

Që kur kemi kujtesë, kanabisi dhe arti kanë qenë gjithmonë të lidhur bashkë, aq sa ngjajnë si gjalpi i kikirikut e reçeli në sanduiçin tonë. Dhe ndonëse është e vështirë të marrësh pajtimin e të gjithëve për diçka, kur bëhet fjalë për aftësinë e marihuanës për të shtuar kreativitetin do të marrësh sigurisht një 'absolutisht po' si përgjigje. 

Sa herë ke pirë një dhe je ndjerë tepër i/e frymëzuar për të bërë një vizatim ose pikturë, ose ndoshta të luash pak muzikë në kitarë, bas apo ndonjë instrument tjetër, të shkruash diçka, dhe më shumë? Po për filmat, serialet apo muzetë? Kur tymos një cigare dhe shikon art, a nuk ndihesh më i/e lidhur me të?

Kemi dëgjuar madje edhe ata që pinë marihuanë dhe marrin hovin për të rregulluar shtëpinë e tyre teksa dëgjojnë muzikë të fortë, që edhe kjo është një lloj kreativiteti. Pra, në përfundim, mund të rikonfirmojmë se marihuana me të vërtetë shton kreativitetin. Por si ndodh pikërisht kjo? Këtë do të zbulojmë në këtë artikull. 

1. Çfarë është Kreativiteti dhe të Menduarit Divergjent?

Për të filluar, le të shohim se çfarë mund të konsiderojmë si kreativitet. Në fjalor, kreativiteti përkufizohet si tendenca për të prodhuar apo njohur ide, alternativa, apo mundësi të cilat mund të ndihmojnë në zgjidhjen e problemeve, të ofrojnë argëtim për veten dhe/apo të tjerët, dhe të komunikojnë. ¹ 

Për më tepër, sipas përkufizimit të Cambridge, kreativiteti është aftësia për të prodhuar ose përdorur ide origjinale dhe të pazakonta. Megjithatë, psikologu amerikan Dr. Ellis Paul Torrance dha një përkufizim më kompleks, që mund të jetë më i saktë. 

"Kreativiteti është një proces i të bërit i ndjeshëm ndaj problemeve, mangësive, boshllëqeve në dije, elementeve mungesë, disharmonive, etj.; identifikimi i vështirësive; kërkimi i zgjidhjeve, nxjerrja e hipotezave ose formësimi i përgjigjeve lidhur me mangësitë: testimi dhe ritestimi i këtyre hipotezave dhe mundësisht modifikimi dhe ritestimi i tyre; dhe së fundmi komunikimi i rezultateve." ²

Megjithatë, kreativiteti është kaq subjektiv sa përkufizimi i tij ndryshon nga një person te tjetri, sepse çfarë dinë me të vërtetë shkenca ose përkufizimet librave për kreativitetin?

Të Menduarit Divergjent

Pra, për të përgjigjur pyetjes së mëparshme, shkenca i referohet të menduarit divergjent si një mënyrë për të matur kreativitetin. Konsiderohet si një lloj procesi mendimi që analizon të gjitha zgjidhjet e mundshme, ose aq sa mund të mendojë dikush, zakonisht në formën e një brainstorming-u, pra spontanisht, në mënyrë jo-lineare, duke lejuar që mendimet dhe idetë të rrjedhin lirisht. ⁴

Të menduarit divergjent lidhet me këto metoda të brainstorming-ut, pra prodhimin e ideve në një kohë të shkurtër, pa i gjykuar ato për çfarë janë, por duke lejuar që të lindin ide të reja. 

Disa nga metodat për të nxitur të menduarit divergjent përfshijnë: 

• Brainstorming: hedhja e ideve rastësisht, pa një radhë apo kuptim të saktë, por zakonisht duke synuar një qëllim të caktuar;
• Mbajtja e një ditari: ndihmon për të regjistruar ide të rastësishme që mund të të vijnë gjatë ditës, duke grumbulluar një koleksion mendimesh;
• Shkrimi i lirë: kur për një periudhë të caktuar kohe një person shkruan papushim rreth një teme të caktuar;
• Hartëzimi i mendjes ose subjektit: zakonisht bëhet pas brainstorm-it, është ndërtimi i një harte ku idetë e rastësishme lidhen në një farë mënyre. Fillon me një ide dhe shkon deri te degët e saj. 

Pra, si ndihmon kanabisi të shtohen këto procese kreativiteti dhe të menduari divergjent?

2. Kanabisi, Kreativiteti dhe Si Vepron Në Tru

Shkenca ka zbuluar se pjesa e trurit e lidhur me kreativitetin është korteksi frontal sepse është pikërisht kjo pjesë e trurit që merret me proceset thelbësore njohëse të lidhura me kreativitetin: ⁵

• Memoria e punës: është një sistem kujtese në trurin tonë me kapacitet të kufizuar, përgjegjëse për të mbajtur mend gjërat afatshkurtër, për të përpunuar dhe manipuluar informacion;
• Abstraksioni: është një proces mendimi i karakterizuar nga adaptueshmëria dhe fleksibiliteti. Abstraksioni lidhet me anën më të papërcaktueshme të jetës, është marrja në konsideratë e mendimeve që nuk janë konkretisht të qarta ose objekte specifike, mund të përfshijë koncepte ose ndjenja;
• Planifikimi: një grup funksionesh në tru që janë thelbësore për kontrollin e sjelljes. Kjo pjesë është ajo që duhet për t’i dhënë formë idesë dhe t’u afruar më shumë qëllimit përfundimtar.
• Dhe fleksibiliteti njohës: është kapaciteti për të kaluar lehtë nga të menduarit për dy koncepte krejt të ndryshme, për të menduar për disa koncepte në të njëjtën kohë, apo edhe për të gjetur një lidhje midis koncepteve krejt të palidhura mes tyre.

Duke qenë se marihuana ka treguar se rrit rrjedhjen e gjakut në lobin frontal, në këtë mënyrë bëhet më aktiv, që do të thotë, më kreativ në disa raste. Në fakt, një studim i kryer në 1993 në të vërtetë vërtetoi se rrjedhja cerebrale e gjakut (CBF) rritet kur një person konsumon marihuanë. 

Ky studim tregoi se, kur krahasohen dy persona me kreativitet të lartë dhe të ulët, edhe pse kjo është subjektive sipas nesh, i pari ka si aktivitet më të lartë bazë në lobin frontal, ashtu edhe një rritje më të madhe të aktivitetit frontal gjatë kryerjes së detyrave që përfshijnë kreativitetin. Ky aktivitet stimulon prodhimin krijues në dy instanca.

Në radhë të parë, aktivizohet zona rreth nucleus accumbens në tru, pjesa më e njohur për përfshirjen në qarkun e shpërblimit dhe si ndërmjetësues i ndjesisë së shpërblimit. Së dyti, në lobin frontal ndodh fenomeni i të menduarit divergjent kreativ, pra kreativiteti. ⁷

3. Cila është Doza Ideale e Kanabisit për të Nxitur Kreativitetin?

Ndërsa shumica prej nesh përdorues të kanabisit mund të konfirmojmë efektivitetin e marihuanës për të nxitur kreativitetin nga këndvështrimi ynë personal, mund të pranojmë gjithashtu që shpeshherë kanabisi na ka lënë të paaftë, sidomos kur kemi pirë një sasi të madhe. 

Në fakt, një studim i vitit 2014 zbuloi se dofarë doza të ndryshme të kanabisit prodhojnë efekte të ndryshme në njerëzit dhe proceset e tyre krijuese. Studimi përfshinte tre grupe të gjithë konsumues të rregullt, të cilët morën tre lloje dozash: një të ulët, një të lartë, dhe një placebo. ⁸

Si rezultat, grupi me dozë të ulët pati përmirësim në dy aspekte kryesore të të menduarit divergjent, rrjedhshmëria në numrin e përgjigjeve aktive të dhëna dhe fleksibiliteti në larminë e përgjigjeve. Megjithatë, edhe grupi placebo ishte afër rezultateve të këtij grupi në këtë aspekt. 

Kur bëhej fjalë për origjinalitetin, pra krijimin e diçkaje të re dhe unike, grupi me dozë të ulët doli shumë më mirë, i ndjekur nga grupi placebo. Ndërsa grupi me dozë të lartë pati rezultate të dobëta në të gjitha aspektet e përmendura më lart, përveç njërës. 

Në aspektin e elaborimit lidhur me shpjegimin dhe detajet e përgjigjeve, grupi që kishte pirë shumë kanabis kryesoi, ndërsa grupi me dozë të ulët dhe placebo mbetën baraz. Kështu mund të konkludojmë se marihuana ndikon te kreativiteti, por me doza të larta mund të përfundosh i/e shpërqendruar. 

4. Përfundimi

Pra, edhe pse të gjithë priremi të besojmë se marihuana shton kreativitetin, dhe këtë e bën, funksionon vetëm në doza të ulëta. Prandaj nëse dëshiron të përdorësh barin si mik për të krijuar, bëje patjetër, por ki parasysh që teprim mund të çojë në paaftësi për të prodhuar. 

Gjithsesi, sa do që na pëlqen t’u besojmë studimeve, jo çdo gjë është bardh e zi siç i ndan shkenca, dhe ndoshta je nga ata që janë në zonën gri, që mund të pish shumë marihuanë dhe të krijosh kryevepra të mrekullueshme. 

Me fjalë të tjera, asgjë nuk është shumë e qartë kur bëhet fjalë për kreativitetin, dhe për ndonjë arsye çdo artist i vërtetë është ndryshe nga të tjerët, sepse truri i tyre funksionon në mënyra tërësisht unike. Mos u përpiq të futesh në asnjë kornizë që nuk është e jotja, dhe shijo çfarëdo që funksionon për ty, shumë bar dhe krijimtari ose ndoshta doza më të ulëta. 

REFERENCA EKSTERN

1. "Çfarë është kreativiteti?" Human Motivation, botimi 3, nga Robert E. Franken. 1994. 
2. "Kreativiteti" Cambridge Dictionary. 
3. "Mendime shkencore për kreativitetin dhe faktorët që ndikojnë rritjen e tij" Vëll. 94, Nr. 3, Kreativiteti dhe Mësimi. Dr. E. Paul Torrance. Vera 1965.
4. "Strategjitë e të menduarit divergjent" University of Washington. 
5. "Lidhja ndërmjet trurit dhe kreativitetit" Dita Cavdarbasha dhe Jake Kurczek. Maj 2017.
6. "Ndryshime akute në rrjedhjen cerebrale të gjakut pas pirjes së marihuanës" R. J. Mathew dhe W. H. Wilson. 1993. 
7. "Neurologjia e lobit frontal dhe mendja kreative" Leonardo Cruz de Souza, Henrique Guimarães, Antônio Lúcio Teixeira, Paulo Caramelli, Richard Levy, Bruno Dubois, dhe Emmanuelle Volle. Korrik 2014. 
8. "Kanabisi dhe kreativiteti: kanabisi shumë potent dobëson të menduarit divergjent tek përdoruesit e rregullt të kanabisit" Mikael A. Kowal, Arno Hazekamp, Lorenza S. Colzato, Henk van Steenbergen, Nic J. A. van der Wee, Jeffrey Durieux, Meriem Manai, dhe Bernhard Hommel. Tetor 2014.