Studim i Fundit Tregon: Rritje 150% në Shitjen e Kanabisit Ligjor Tek Gratë e Reja

Dikur, kanabisi dhe produktet prej tij shiteshin në qese ziploc pa shumë informacion për produktin, por me legalizimin, tregu i kanabisit është zgjeruar dhe produktet e kanabisit shiten me paketim krejtësisht të ndryshëm në dyqane të licencuara. Legalizimi e bëri të mundur që gratë të blinin kanabis në mënyrë të sigurt në vend që ta blinin nga ndonjë njeri i dyshimtë në rrugica të errëta, duke çuar në një rritje të shitjeve të kanabisit tek gratë.

Ndryshimet Janë Gjigante

Falë legalizimit, tregu i kanabisit tani ofron paketim profesional me shumë informacione, si testet laboratorike dhe doza të rekomanduara. Kompanitë e mëdha të kanabisit po përdorin produkte tradicionale jo-kanabis si inspirim për të sjellë për konsumatorët produkte cilësore të kanabisit me paketime të sigurta për fëmijët, me etiketa të ngjyrosura dhe moderne që nuk do të dukeshin jashtë vendit në një dyqan kozmetike.

Gratë shprehen se e vlerësojnë këtë evolucion pasi tani mund të përfitojnë nga produkte të lehta për t’u përdorur, më të sigurta dhe të rregulluara, duke qenë të lira të hyjnë në dyqan dhe të blejnë kanabis të cilësisë së lartë pa pasur nevojë të takohen me persona të dyshimtë, duke deklaruar se ndryshimet janë të jashtëzakonshme.

Ekspertët thonë se gjatë pandemisë së Covid-19 shitjet ligjore të kanabisit u rritën mbi 45%, duke arritur në 17.5 miliardë dollarë, duke u dyfishuar ose gati trefishuar nga 2020 në 2021. Kjo lidhet me të lindurit në vitet ’90 dhe ’00 që tani mbushin 21 dhe mund të blejnë ligjërisht kanabis. Gjithashtu, shumica e këtyre të rinjve janë rritur në vende ku kanabisi për përdorim rekreativ është i legalizuar, ndaj janë më të rehatuar jo vetëm ta provojnë por edhe ta konsumojnë hapur kanabisin.

E Ardhmja e Kanabisit është Femërore

Ekspertët pohojnë se shitjet legale të kanabisit tek gratë e lindura nga 1997 e më pas u rritën më shpejt, duke kaluar 150%, të ndjekura nga meshkujt e lindur gjithashtu nga 1997 e më pas me 118% dhe, në vend të tretë, një rritje prej 50% tek të lindurit nga 1981 deri 1997. Një agjenci kërkimi tregu të kanabisit përmendi se gratë janë duke konsumuar gjithnjë e më shumë kanabis ligjor për shkak të ndryshimit të mendimit publik por edhe, më e rëndësishmja, për paketimin modern dhe të sofistikuar që është më i pranueshëm dhe femëror, duke i inkurajuar gratë t’i provojnë.

Të dhënat e mbledhura konkluduan se lule e kanabisit vazhdon të dominojë shitjet për të dyja gjinitë por gratë priren më shumë të provojnë cigarët e gatshme, pijet dhe ushqimoret, dhe për këtë arsye, në përpjekje për të tërhequr më shumë konsumatorët femra, markat po marrin frymëzim nga kozmetika, duke thënë se gratë preferojnë diçka më të fshehtë dhe me efekt më të balancuar.

Kompanitë tashmë vënë cilësinë, komoditetin, lehtësinë e transportit dhe përdorimin përpara fuqisë, për të tërhequr grave konsumatore që nuk duan të dehen shumë, por thjesht një produkt cilësor për të shijuar një pasdite me miqtë dhe të relaksohen. Shumica e grave konsumatorë përmendën gjithashtu se përdorin kanabis për të trajtuar ankthin, anoreksinë dhe dhimbjet menstruale përveç çrregullimeve të tjera si alternativë ndaj barnave me recetë ose terapisë.

Ndërkohë, mjekët thonë se nevojitet më shumë kërkim për të mbështetur këto pretendime sepse vetë-mjekimi me kanabis mund të ketë pasoja negative në afat të gjatë, si rritje të ankthit nga zbehja e ndjeshmërisë së receptorëve të kanabinoideve.

Pavarësisht pretendimeve se duhet më shumë kërkim, tregu i kanabisit vijon të rritet dhe marketingu në industrinë e kanabisit shpresohet të bëhet gjithnjë e më profesional në mënyrë që të mirëpresë gratë, duke shmangur markat fyese dhe me përmbajtje seksuale nënkuptuese.