Í síðasta mánuði tilkynnti Amazon að fyrirtækið styðji afglæpavæðingu og lögleiðingu kannabis, og varð þar með stærsta fyrirtækið í Bandaríkjunum sem styður lögleiðingu kannabis. Nú, þegar frumvarp á alríkisstigi leitast við að knýja fram lögleiðingu, vona aktívistar að risinn í iðnaðinum noti áhrif sín til að hjálpa frumvarpinu að komast áfram.

Amazon gæti hjálpað til við lögleiðingu á kannabis

Vegna þessarar yfirlýsingar eru stuðningsmenn lögleiðingar kannabis að vona að Amazon geti nýtt teymi sitt og mikinn fjárhagslegan styrk til að styðja við lögleiðingu á kannabis, í þeirri von að auglýsingaherferðir gætu sannfært þá sem eru á móti lögleiðingu, sér í lagi hjá ríkisfulltrúum.

Talsmenn kannabis hafa átt viðræður við Amazon og fyrirtækið staðfesti að þeir séu nú þegar að ræða um lögleiðingu kannabis í Washington D.C; Talsmenn segja að þeir séu svekktir yfir því hve lengi alríkis lögleiðing tekur og staðfesta að ef Amazon styður virkt við umbætur á alríkissvísu eða fjármagni tiltekna hópa, muni kannabisumbætur njóta góðs af því.

Samkvæmt rannsókn árið 2020 búa ⅓ Bandaríkjamanna í ríkjum þar sem kannabis er löglegt (eða verður það bráðlega), og 68% kjósenda styðja alríkis lögleiðingu en ríkisstjórnin og mörg fyrirtæki eru samt sem áður að gera kannabispróf á starfsfólki sínu, jafnvel þar sem kannabis er löglegt.

Fyrirtækið kann að hafa aðrar ástæður

Þrátt fyrir að strangar reglur séu víða í Bandaríkjunum hefur Amazon ein mildustu viðmið um kannabis meðal stórra vinnuveitenda, og þrátt fyrir að styðja lögleiðingu og taka þá ákvörðun að hætta að prófa starfsfólk fyrir kannabis, hefur fyrirtækið ekki gefið til kynna að það ætli að selja kannabis ef alríkis lögleiðing verður að veruleika.

Hins vegar eru vísbendingar um að fyrirtækið hafi áhuga á að sannfæra önnur fyrirtæki um að styðja lögleiðingu, og sumir aktívistar hafa staðfest að þeir hafi hist fulltrúa Amazon til að ræða stefnu um kannabis á alríkisstigi og átt samtöl um CBD en ekki staðfest hvort þeir hygðust selja þessi efni eða ekki.

Þrátt fyrir að tjá sig ekki um hvort þeir ætli að markaðssetja THC eða CBD, segja sérfræðingar að Amazon sé stórt fyrirtæki og fólk geti fengið þá tilfinningu að ef þeir hjálpa til við að ýta undir lögleiðingu, sé það ekki bara til að styðja kannabis samfélagið heldur einnig af öðrum ástæðum.