Нова дигитална NFT платформа го проширува канабис уметничкиот свет

• 1. Што се невзаемнозаменливи токени?
• 2. Добро, а кој или што е califari?
• 3. А што со оваа нова дигитална платформа?
• 4. Место за колаборативен маркетинг
• 4. a. Кои се merida capital holdings?
• 5. Кога ќе се пушти оваа платформа?
• 6. Долниот заклучок

Кога станува збор за уметноста, денес сме многу поеволуирани од порано, во старите времиња. Според научниците и историчарите, сè започнало пред повеќе од 65 илјади години, кога првиот уметник се појавил меѓу неандерталците со цртежи на ѕидовите во нивните пештери. Како што рековме, уметноста навистина многу се сменила од тоа што некогаш беше.  ¹

Додека од една страна сè уште ја имаме класичната музејска уметност, во исто време уметноста стана нешто, ајде да речеме, подостапно. На пример, фотографите и дизајнерите повеќе не мора да достигнат тој висок степен на признание кој некогаш беше потребен за да бидат видени и да почнат да ги продаваат своите креации.

Денес, уметниците сѐ ова можат да го прават онлајн преку различни дигитални платформи и социјални медиуми. Уште повеќе, овие фотографии и дизајни можат дури да се претворат во различни форми и да се најдат на маици, перници, футроли за телефони, шолји за кафе и уште многу, откако ќе бидат продадени преку интернет.

Сега, Califari, компанија фокусирана на канабис уметноста, најави пуштање на нова дигитална платформа која користи NFT, познати и како невзаемнозаменливи токени, со цел да создадат и дистрибуираат уникатни уметнички дела поврзани со уметноста на канабис генетики.

1. Што се невзаемнозаменливи токени?

Пред да си речеш 'ој, NF- што?', дозволи да објасниме што значи овој поим. Невзаемнозаменливите токени или NFT се вид на криптовалута, односно дигитални валути кои имаат вредност во многу различни дигитални добра достапни онлајн, вклучувајќи дигитална уметност. 

NFT се слични со биткоини, всушност, и двете се дел од Ethereum блокчејн. Но наместо „браќа“, тие се повеќе како, да речеме, „братучеди“. Од една страна, биткоинот е „заменлив“, што значи дека можеш да го замениш за друг биткоин и ќе добиеш точно истата работа. 

Од друга страна, NFT бидејќи се незаменливи, претставуваат уникатни производи кои не можат да се заменат со иста работа, значи со нивна размена секогаш добиваш нешто различно. Овие дигитални токени служат како доказ за автентичноста и сопственоста на дигиталните уметнички дела, на пример. 

2. Добро, а кој или што е Califari?

Договоривме за NFT, но што или кој е Califari? Според описот на компанијата, Califari е фирма која има за цел да ја прошири приказната за стоунер светот преку уметност, како физичка така и виртуелна. 

Но, Califari е повеќе како ода на марихуаната, ако ги погледнете нивните изјави, ќе го препознаете поетскиот тон во нивните зборови што укажува на вистинската љубов кон растението. Погледнете ја оваа нивна изјава:

"[...] Меѓу бројните лековити својства што ги дава канабисот на луѓето, едно од нив е и потенцираниот пристап до магичниот момент на духовност, кој често е поттикнат и со атмосфера што вклучува музика, уметност и добри пријатели.  

Местото каде што почнуваат епифаниите и каде стресот исчезнува во стратосферата - тоа посебно место каде ништо не е поважно од твојата љубопитност тука и сега. Califari сака да те однесе таму." ²

Амин! Не би можеле подобро да го кажеме. 

Оваа калифорниска компанија е основана во 2015-та, и со целта да ја шири приказната и уникатноста позади различните видови треви (weed strains), Califari почнал да ја дистрибуира својата стоунер уметност низ цела САД. Нивните постери веќе се наоѓаат во диспенсерии, поп-арт галерии, домови, па дури и адвокатски фирми, целосно менувајќи го светскиот пристап кон канабис културата. 

3. А што со оваа нова дигитална платформа?

Така, Califari веќе продава стоунер уметност, па тогаш што има специјално во оваа нова дигитална уметничка платформа? Можеби си мислиш дека ионака веќе има безброј дигитални платформи кои продаваат уметност и фотографии онлајн, што ја прави оваа поразлична?

Епа, да почнеме од ова — како некој што работи во полето, можеме да ти потврдиме дека да се најде графички дизајн и уметност на тема канабис не е толку лесно колку што изгледа. Најчесто затоа што најголем дел од овие веб страници за фотографии имаат многу мало портфолио или фотографии кои, да речеме, не се баш автентични за стоунер културата, доста крути се.  

Стоунер уметноста е шарена, креативна и надвор од шемата, не се тоа обичните едиторијални, со бело осветление фотографии што ги има по сток фотографии.

Понудата на Califari изгледа вистински, како што треба да изгледа вистинска канабис уметност, а бидејќи е дигитална платформа каде стоунер уметници од цел свет може да ги продаваат своите креации, меѓусебното поврзување и пристапот стануваат многу полесни. 

Освен тоа, не се работи само за продажба на фотографии, туку новиот пазар на Califari ќе нуди развој на брендови за марихуана и гејминг искуство, каде играчите ќе можат да одгледуваат свои дигитални канабис растенија, само да можевме да ги пушиме, еех. 

4. Место за колаборативен маркетинг

Како што објасни компанијата во соопштението за медиуми каде објавија партнерство со Merida Capital Holdings (ќе ја споменеме понатаму), идејата е да создадат свој свет на колекционерски картички, базиран само на уметност од канабис генетики. ³

Тука секој бренд поврзан со марихуана ќе има простор за промоција, поткрепен од моќта на колаборативниот маркетинг. Овој начин овозможува независните уметници полесно да пристапат до купувачи отколку ако самостојно се обидуваат да градат свој бренд. 

Главната цел да се продава оваа стоунер уметност е дигиталното присуство да прерасне во физички производи, кои потоа би се нуделе во диспенсерии или гров шопови.

Кои се Merida Capital Holdings?

Merida Capital Holdings е приватна инвестициска компанија која главно е насочена кон финансирање на индустрии за коноп и марихуана. Но, тие не се ограничуваат само на финансиска поддршка, туку им помагаат на своите вложеници и да се поврзат на пошироко ниво во екосистемот на канабис индустријата. 

Јасно е дека индустријата на канабис станува се поветувачка, а Merida го препознава тоа. Нивниот фокус се иновативни можности во ова поле, а Califari совршено се вклопува во тие параметри. 

5. Кога ќе се пушти оваа платформа?

Гледајќи го потенцијалот на оваа стоунер дигитална платформа, ако си дизајнер, или уште подобро стоунер дизајнер, сигурно се прашуваш кога ќе можеш да се придружиш на овој пазар и да почнеш да аукционираш свои креации. 

За жал, ќе треба да имаш трпение бидејќи оваа платформа ќе биде пуштена дури за околу 6 месеци.

Но, на минатиот 4/20 Califari заедно со Merida Capital го пуштија „The Genesis Series“, пет NFT како анимациски картички во едиција од по еден примерок, со дизајни за следните генетики:

• Grand Daddy Purple, дизајн на Ron English;
• OG Kush, на Jesse Hernandez;
• Sour Diesel, на Matt Leuning;
• Northern Lights, дизајн од Simon Haiduk;
• и Pineapple Express, од KAM.

И бидејќи платформата уште не е достапна, објавата ја направија на OpenSea, најголемиот NFT маркет во светот. Минимална понуда не беше поставена за овие парчиња, бидејќи како што објасни директорот на компанијата Jason McHugh: "Сакаме овие да бидат отворени. Ќе направиме да бидат достапни за секој [...]".

6. Долниот заклучок

Без разлика дали си инвеститор, уметник, или едноставно стоунер што сака стоунер уметност, ова е одличен начин да се покаже колку е ветувачка индустријата за канабис и можеби твоја шанса да напредуваш во полето што го љубиш. Да не спомнеме и каква добра порака е ова за светот конечно да ги отвори очите и да ја види оваа можност. Време е луѓето да почнат посериозно да ја сфаќаат марихуаната, но не премногу за да не уживаат во едно жарење и опуштање, туку да се прекинат бесмислените предрасуди кои се само застарени. Што мислиш за оваа платформа што наскоро се пушта? Испрати ни ги своите мисли или дури и свои стоунер креации! 

НАДВОРЕШНИ РЕФЕРЕНЦИ

1. "U-Th dating of carbonate crusts reveals Neandertal origin of Iberian cave art" D. L. Hoffmann, C. D. Standish, M. García-Diez, P. B. Pettitt, J. A. Milton, J. Zilhão, J. J. Alcolea-González, P. Cantalejo-Duarte, H. Collado, R. de Balbín, M. Lorblanchet, J. Ramos-Muñoz, G-Ch Weniger, and A. W. G. Pike. February 2018
2. Апстракт од информации за Califari. 
3. "Califari and Merida Capital Holdings Announce Partnership to Create Branded Cannabis Platform Through NFT Issuance" Официјално соопштение, април 2021.