Фармерите од Њујорк Можат да Прејдат Од Коноп на Канабис Оваа Сезона

Гувернерката на Њујорк, Кети Хочул, потпиша закон што ќе помогне рекреативните продавници во иднина да бидат снабдени со канабис одгледан во државата. Сегашните носители на лиценци за одгледување коноп сега можат да аплицираат за дозвола да култивираат психоактивен канабис, како и да го процесираат и продаваат.

Помина речиси една година откако државата Њујорк ја легализираше рекреативната употреба на канабис. Сепак, првите продавници за возрасни сѐ уште не се отворени бидејќи службениците ги договараат деталите за идниот легален пазар. Се очекува продажбата да започне следната година.

Приоритет за Локалните Фармери

Благодарение на новата регулатива, првите семки од канабис може да бидат засадени оваа пролет. Иако деталите за процесот на лиценцирање сѐ уште не се финализирани, законот дозволува аплицирање за привремени лиценци со рок од две години. Целта е сезоната на легална продажба да не почне со недостаток на понуда.

Според законот, привремената лиценца може да се додели само на бизниси кои се регистрирани како фармери на коноп од Одделот за земјоделство и навистина одгледувале коноп најмалку две сезони. Уште еден услов е фармерите да користат одржливи и еколошки практики.

Праведност и Инклузивност

Постојат неколку слични иницијативи за решавање на прашањето на одгледувањето канабис за идниот пазар за возрасни, но законодавците на Њујорк го прифатија овој предлог поради неговата силна социјална компонентa за еднаквост.

Законот има цел да помогне на заедниците кои беа најтешко погодени од „војната против дрогата“. Тоа главно се однесува на афроамериканците и други етнички малцинства кои се соочуваа со повисоки стапки на апсење, осуда и затворање иако употребата на марихуана беше еднаква со белците.

Според новиот закон, фармерите што ќе добијат лиценца ќе имаат обврска да менторираат идни претприемачи и вработени во канабис индустријата од ранливи групи.