Калифорнија доделува 100 милиони долари за помош на мали бизниси со марихуана

Во некои општини на Калифорнија, процесот за издавање лиценци на потенцијалните канабис претприемачи е целосно запрен поради недостиг на ресурси. Минатата недела, официјалните лица објавија дека се доделени 100 милиони долари за локалните самоуправи низ целата држава да можат да вработат повеќе персонал и да ги покријат другите трошоци за да го забрзаат процесот.

Средствата ќе бидат доделени на 17 градови и окрузи со надеж дека ќе ги расчистат заостанатите апликации за лиценци.

Пазарот до сега функционира со привремени лиценци

Како привремена мерка, државата им дозволи на новите бизниси со марихуана да работат со привремени лиценци. Овие лиценци требаше да истечат на 1 јануари, но Одделот за контрола на канабис (DCC) го продолжи рокот. Ова продолжување ќе им даде повеќе време на локалните власти да работат на издавање на комплетни дозволи.

Во октомври минатата година DCC објави дека државата прифаќа апликации од оние кои сакаат да преминат во легалниот пазар на канабис, а една општина се пожалило дека ќе ѝ бидат потребни четири години да ги обработи сите тековни апликанти.

Еколошките размислувања се голема пречка

Недостигот на работна сила и иновативни алатки за забрзување на издавањето дозволи дополнително се усложнува со фактот дека секој случај бара сериозна еколошка проценка.

Во 2012 година беше пресметано дека индор одгледувачниците — повеќето од нив нелегални — трошеле 1 процент од целата електрична енергија во САД. А Калифорнијците се сомневаат во новиот сектор дека неправилно троши и ја намалува еден од најдрагоцените ресурси на државата — водата.

Се надеваат дека новото финансирање од 100 милиони долари ќе обезбеди доволно ресурси за да се скрати бирократијата и да се издадат лиценци на сите квалификувани апликанти.