Легална трева пристигнува во Мисури овој четврток

Амандманот што ја легализира рекреативната канабис во Мисури, САД, кој беше усвоен во ноември стапува на сила во четврток. Според новиот закон, сите лица на возраст од 21 година и постари ќе можат легално да купуваат, поседуваат, транспортираат и, секако, консумираат марихуана за рекреативни цели. Лимитот на поседување е прилично дарежлив – дозволено е до 85 грама (3 унци) сув цвет.

Сѐ уште нема каде легално да се купи

Новите регулативи исто така им дозволуваат на медицинските диспензери да аплицираат за лиценца со која ќе можат да ја продаваат својата марихуана и на возрасни кои не се пациенти. Сепак, процесот за аплицирање за лиценци, а уште помалку за нивно доделување, започнува сега и ќе трае до 6 февруари наредната година.

Така, рекреативните корисници кои до сега поминуваа покрај локалните диспензери за да се најдат со својот „човек“, за кратко време ќе можат слободно да влезат и да си ја купат тревата легално. Пациентите можеби ќе треба да бидат подготвени на гужва од нови купувачи во нивните омилени продавници за медицинска марихуана.

Сега е легално и одгледувањето

Ќе има уште еден начин да се снабдите со трева во Мисури – да одгледувате сопствена. Законот бара да платите 150 долари за карта за одгледувач, по што може да си направите домашна градина. Сепак, се применуваат неколку ограничувања – целото одгледување мора да биде строго во затворен простор, со максимум 6 растенија во фаза на цветање, уште шест во вегетативна фаза и уште шест семенки или клони кои не смеат да бидат повисоки од 36 сантиметри (14 инчи).

Во моментов, 24 држави и територии во САД ја легализирале употребата на марихуана за возрасни. Во светски рамки, слични закони беа донесени од Уругвај и Канада. Во Германија, владата вети дека ќе го направи истото пред крајот на актуелниот мандат.