Разбирање на терпените: Што е лимонен?

• 1. Што е лимонен?
• 2. Каде може да се најде лимонен?
• 3. Кои се употребите на лимоненот?
• 4. Кои се својствата на лимоненот?
• 4. a. Лимоненот како средство за воспаление и болка
• 4. b. Лимоненот како антиоксидант
• 4. c. Антиканцерогени својства на лимоненот
• 4. d. Лимоненот за подобрување на расположение и намалување на стресот
• 4. e. Лимоненот како антифунгал
• 5. Сорти богати со лимонен
• 6. Заклучок

Дали некогаш сте забележале цитрусни, овошни вкусови додека вдишувате од вашите омилени сорти на марихуана? Сите сме слушнале имиња на сорти како Purple Lemonade или Orange Sherbet кои, како што навестува името, имаат токму тој цитрус вкус за кој зборуваме. 

Зад овој лимонест или портокалов вкус стои виновникот: лимонен терпени. Што се терпени, се прашувате? Па, терпените се миризливи масла кои се создаваат во трихомите на цветовите од канабис, истото место каде што се создаваат и другите канабиноиди како THC и CBD.

Терпените се компоненти во марихуаната, но и во повеќето други растенија и овошја во природата, кои се одговорни секоја сорта и растение да има свој специфичен арома и вкус. Најважно, терпените на секое растение му даваат различни својства.

Ако сте луди по киселите цитрусни, лимонести вкусови и ароми тогаш прочитајте сè за лимонен терпените и нивните придобивки.

1. Што е лимонен?

Како што споменавме, исто како и останатите терпени, лимоненот (лајм-нин) се наоѓа во трихомите на цветовите на канабисот. Трихомите, за оние кои не се запознаени со терминот, се сјајните, проѕирни, печуркоподобни жлезди каде што ќе ги најдете THC, CBD и други канабиноиди.

И како и другите чести терпени, како што е на пример пиненот, целта на лимоненот во природата првобитно била да го заштити растението од заканувачки отвратители, или едноставно кажано, инсекти.

Сепак, кога лимоненот се консумира во комбинација со други канабиноиди, овие терпени имаат неколку здравствени придобивки за луѓето. 

2. Каде може да се најде лимонен?

Лимоненот, посебно, е терпен препознатлив по тие вкусни нијанси на лимон, портокал или друг цитрус.

Покрај тоа што е еден од најчестите терпени во канабисот, заедно со мирценот и пиненот, лимоненот во големи количини може да се најде во портокали, лимони, лајм и грејпфрути.

Лимонен терпените природно се наоѓаат и во растенија како нане, коријандер, бор, смрека, рузмарин и анасон. Ајде да ги разгледаме различните употреби на овој познат терпен.

3. Кои се употребите на лимоненот?

Освен што на цветовите од канабис им дава вкусен, освежителен вкус, лимоненот се користи индустриски за состав на многу секојдневни производи. 

На пример, се прашувате од каде доаѓаат тие лимонски, портокалови или други цитрус ароми во вашите средства за чистење или освежувачи на воздух? Точно така, лимоненот е дел од нивниот хемиски состав. Овој терпен се користел и како антимикроб дури од страна на домородните популации. 

Дополнително, лимоненот често се применува како органски хербицид, како средство за вадење боја или како растворувач за отстранување масло од машини. Медицински гледано, овој цитрус терпен се користи како состојка за третмани на состојби како бронхитис, камења во жолчка и гасреница. 

Лимонен терпените кои се наоѓаат во растенија како рузмарин се користат и за терапевтски цели во форма на етерични масла. Често се употребуваат во масти за мускули и при масажа на скалпот, на пример. 

Козметиката, кремите за тело и парфемите може исто така да содржат лимонен, иако концентриран во големи количини, лимоненот е иритант за кожата, што може да предизвика контактна дерматитис, особено кај луѓето алергични на овој терпен. 

Кога велиме лимонен, нормално, најпрво помислуваме на лимон и лајм. Но, го вкусуваш терпенот и кога јадеш чоколадирана кора од портокал, кога пиеш лимонада или кога уживаш во свеж цитрус сладолед.

3. Кои се својствата на лимоненот?

Како и другите терпени, лимоненот не само што ги штити растенијата од инсекти во екосистемот, туку е и изобилен со здравствени бенефити за луѓето. Некои од својствата на лимонен терпените се:

• Намалување на воспаление;
• Ослободување од анксиозност; 
• Подобрување на расположението;
• Делува антибактериски и антиоксидантно;
• И превенира појава на рак, меѓу другото.

Ајде подетално да ги разгледаме својствата на лимонен терпените.

Лимоненот како средство за воспаление и болка

Два од најдокажаните ефекти при консумација лимонен е неговата антиинфламаторна и аналгетска моќ. Неколку студии направени на животни, не ги одобруваме овие тестирања, ја потврдуваат неговата ефикасност за лекување воспаление и менаџирање болка. 

Во студиите, резултатите покажале дека лимоненот може да ги намали воспалителните маркери поврзани со остеоартритис, состојба која предизвикува хронично воспаление.¹

Друго истражување во лабораториски услови, овојпат на човечки клетки од 'рскавица, открива дека овој терпен ефикасно ја намалува продукцијата на азот-оксид, кој е сигнална молекула силно поврзана со воспаление во човековото тело.²

Лимоненот како антиоксидант

За оние кои не се запознаени со поимот 'антиоксидант', антиоксидантите се компоненти кои го забавуваат стареењето на човечкото тело, одржувајќи нè здрави, млади и без брчки. 

Потехнички кажано, антиоксиданс соединенијата помагаат во намалување на оштетувањето на клетките предизвикано од нестабилни молекули наречени слободни радикали. Кога акумулираме многу слободни радикали, доаѓа до оксидативен стрес, па затоа антиоксиданс ефектот, што со зголемено ниво може да поттикне воспаление или болест.

Истражувања покажуваат дека лимоненот ефикасно инхибира создавање слободни радикали во некои човечки клетки, намалувајќи воспаление и оштетување кое обично води до болест.³

Антиканцерогени својства на лимоненот 

Неколку студии кои ги анализираат бенефитите на лимоненот за превенција од рак даваат позитивни резултати. На пример, истражување од Нов Зеланд покажува дека лимоненот го инхибира растот на клетки од рак на бели дробови кај глувци.⁴

Понатаму, лимоненот може да биде и соодветен третман за одредени типови на рак на простата и може да убива клетки од рак на дебелото црево кога се користи како дел од емулзија од масло од крв-портокал. Истата емулзија може да биде ветувачка и за превенција од рак.⁵ 

Сепак, потребни се повеќе истражувања за потврдување на антиканцерогените својства на лимоненот. 

Лимоненот за подобрување на расположение и намалување на стресот

Одлично својство на лимонен терпените е нивната способност за подобрување на расположението. Дали сте се запрашале зошто после џоинт одеднаш се чувствувате среќни и разиграни? Тоа е поради комбинацијата на соединенијата во цветовите од вашиот канабис. 

"Постојат само ограничени истражувања за ефектот на одделни терпеноиди. Терпеноидот D-лимонен, особено, најверојатно има антидепресивно дејство кај луѓето"⁶

Ова значи дека консумирањето сорти богати со лимонен би можело да помогне за стрес, анксиозност, депресија или едноставно кога имате лош ден. 

Лимоненот како антифунгал

Студиите покажуваат дека како и другите терпени, лимоненот е ефикасен за превенција од бактерии. Овие цитрусни мирисни масла помагаат да се држат бактериите настрана, не само од нашиот организам, туку и дома, во средствата за чистење. 

4. Сорти богати со лимонен

Сега кога ги разгледавме придобивките и својствата на лимонен терпените, веројатно се прашувате кои се сортите со највисоки концентрации на лимонен. 

Нашата оригинална Fast Buds сорта OG Kush Auto е пример за сорта богата со лимонен, која не мора да доминира со лимон вкус. Ова е хибрид што комбинира арома на бор, цитрус и силна земјена нота. 

Друга сорта со висока содржина на лимонен терпени е нашата оригинална сорта Jack Herer Auto. Оваа сатива-доминантна сорта спојува нијанси на земјено-сладок, благо зачинет, пипер и цитрус вкус. 

5. Заклучок

Разбирањето на својствата на секое соединение во канабисот може да го подобри вашето искуство со марихуаната на следно ниво.

Кога станува збор за вкусови на марихуана, можете да бидете како гурман дегустатор. Прочитајте ги детално техничките карактеристики на секоја сорта и откријте ги различните бенефити што може да ги добиете од секој поединечен терпен и нивните комбинации пред да си го изберете омилената сорта за консумација, одгледување и делење. 

Не заборавајте да ни пишете кои ви се омилени лимонен-доминантни сорти и кои најдобри комбинации на терпени сте ги пробале. 

НАДВОРЕШНИ РЕФЕРЕНЦИ

1. "Citrus oil and MgCl2 as antibacterial and anti-inflammatory agents" Boaz Mizrahi, Lior Shapira, Abraham J. Domb, and Yael Houri-Haddad. Јуни 2006.
2. "Limonene suppresses lipopolysaccharide-induced production of nitric oxide, prostaglandin E2, and pro-inflammatory cytokines in RAW 264.7 macrophages" Weon-Jong Yoon, Nam Ho Lee, and Chang-Gu Hyun. 2010. 
3. "Anti-Oxidant and Anti-Melanogenic Properties of Essential Oil from Peel of Pomelo cv. Guan Xi" Wanying He, Xiaoyan Li, Ying Peng, Xiaoyan He, and Siyi Pan. Molecules, Јануари 2019. 
4. "d-limonene exhibits antitumor activity by inducing autophagy and apoptosis in lung cancer" Xiao Yu, Hongyan Lin, Yu Wang, Wenwen Lv, Shuo Zhang, Ying Qian, Xiaobei Deng, Nannan Feng, Herbert Yu, and Biyun Qian. Onco Targets Ther, Април 2018.
5. "d -Limonene sensitizes docetaxel-induced cytotoxicity in human prostate cancer cells: Generation of reactive oxygen species and induction of apoptosis" Thangaiyan Rabi and Anupam Bishayee. Journal of Carcinogenesis, 2009.
6. "The Effectiveness of Cannabis Flower for Immediate Relief from Symptoms of Depression" Xiaoxue Li, Jegason P. Diviant, Sarah S. Stith, Franco Brockelman, Keenan Keeling, Branden Hall, and Jacob M. Vigil. Јуни 2020.