Што е THC?

• 1. Што се канабиноиди?
• 2. Што е thc?
• 3. Како се користи thc?
• 4. Ефекти на thc врз нашето тело
• 5. Медицинска употреба
• 5. a. Четири главни придобивки од медицинската употреба на канабис
• 6. Како да се засилат ефектите на thc?
• 7. Како да се намалат ефектите на thc?
• 8. Колку долго thc останува во телото?
• 9. За крај

Тетрахидроканабинол е еден од повеќе од 100 канабиноиди кои се наоѓаат во канабис растенијата и семките од канабис. Повеќето луѓе го знаат THC како хемиското соединение во канабисот одговорно за еуфоријата, но што повеќе треба да се знае за овој познат канабиноид? THC не ве подига случајно. Тој дејствува на многу сложен начин во човечкото тело. Овој механизам не ја создава само карактеристичната канабис еуфорија, туку одредува и како THC функционира како медицинска молекула.

Интересно е што THC работи како клуч, а специфични рецептори во нашето тело се како брава за тој клуч. Имитирајќи соединенија кои нашето тело ги создава (повеќе за тие подолу на страницата), оваа молекула од канабис суштински „хакира“ еден од најсложените системи во нашето тело за да предизвика промени во различни типови клетки. Подолу ќе дознаете сѐ што треба да знаете за THC и како функционира во човечкото тело.

1. Што се канабиноиди? 

Канабиноидите се познати како секундарен продукт од метаболизмот на канабис растението, што значи дека овие хемикалии немаат примарна улога во развојот на растението. Меѓутоа, тие дејствуваат како имунолошки систем за растението, штитејќи го од предатори, паразити и штетници. Овие соединенија се создаваат од цветовите на канабисот и можат да обезбедат олеснување од различни симптоми како болка, мачнина, анксиозност и воспаление. Канабиноидите ги имитираат соединенијата кои нашето тело природно ги создава (наречени ендоканабиноиди) кога има внатрешен недостаток или проблем.

Овие ендоканабиноиди се дел од поголема сигнална мрежа наречена ендоканабиноиден систем. Позната како универзален регулатор на човечкото тело, оваа мрежа се појавува скоро насекаде. Истражувачите ги пронашле нејзините компоненти во нервниот систем, дигестивниот систем, скелетот, мускулите, кожата, сврзното ткиво и на други места. Но, што прави овој систем на сите овие места? Ендоканабиноидниот систем им помага на сите системи во телото да останат во биолошка рамнотежа, позната како хомеостаза. 

Да земеме како пример мозокот. Повеќето невротрансмитери патуваат од еден неврон до друг преку пренос од пресинаптичкиот до постсинаптичкиот неврон. Во овој модел, невроните што се зад другите произведуваат хемикалии за да праќаат порака и да го менуваат однесувањето на соседните неврони. Сепак, ендоканабиноидите можат да патуваат наназад низ синапсата и да ги менуваат дојдовните сигнали. Тие на крајот можат да ја диктираат хемијата на мозокот и со тоа и нашето расположение. 

Тие имаат клучна улога и на други места во телото, како што е преработката на коските и производството на клетки на кожата. Но, ендоканабиноидниот систем се состои од многу повеќе од нашите ендоканабиноиди. Во него има и рецептори на кои овие молекули се врзуваат, како и ензими што ги создаваат и ги разградуваат. Научниците утврдиле дека ендоканабиноидниот систем е само дел од многу поголема сигнална мрежа наречена ендоканабиноми. Некои канабиноиди, вклучувајќи го и THC, можат да взаимодействуваат со рецептори кои се дел од овој поголем систем. Кога се консумира канабис, канабиноидите стапуваат во интеракција со канабиноидните рецептори во нашиот мозок, и во зависност од канабиноидот, ќе имаат различен ефект врз телото. На пример, THC се врзува за рецепторите во мозокот (затоа има психоактивен ефект), додека CBN (варијација на CBD) се врзува за рецептори низ целото тело (затоа обезбедува олеснување на болка и има повеќе „couch-lock“ ефект).

2. Што е THC? 

Делта-9-тетрахидроканабинол (или THC) како и сите останати канабиноиди е хемиски продукт од метаболизмот на канабис растенијата. Се наоѓа во високи дози во цветовите на канабисот и во околните делови.

3. Како се користи THC? 

Без разлика како ќе консумирате THC, сѐ започнува со декарбоксилација. Во живите канабис растенија се наоѓа THCA, неактивната верзија на ова соединение. Кога канабисот ќе се декарбоксилира, киселинската молекула се одвојува и THC се активира, што резултира со ефектите кои ги знаеме. Ова значи дека THC во свежиот канабис не е уште активен. Може да се консумира со пушење во џоинт (најчест метод), со користење електрични испарувачи или преку јадење. Јадењето е начин на консумирање канабис без потреба од загревање (потребна е претходна декарбоксилација на канабисот). Откако ќе го декарбоксилирате, може да го инфузирате активниот канабис во било каква храна. За разлика од пушењето или испарувањето, при консумирање преку храна канабиноидите се ослободуваат побавно, а еуфоријата може да трае до 6 часа; оваа метода обично се препорачува за медицински корисници. 

4. Ефекти на THC врз нашето тело 

THC ги стимулира клетките во мозокот да ослободуваат допамин, создавајќи еуфорија. Исто така влијае како се процесираат информациите во делот од мозокот задолжен за формирање на нови сеќавања. THC може да предизвика халуцинации, да го промени размислувањето и да предизвика заблуди.

При пушење или испарување, ефектите траат околу два часа и можат да започнат по 2-10 минути, додека при консумирање преку јадење ефектот може да трае до 8 часа, а еуфоријата да започне по 1 час. THC ја предизвикува „канабис еуфоријата“ врзувајќи се за CB1 рецепторите во човечкиот мозок. Оваа акција резултира со нагло, краткотрајно зголемување на допаминот - невротрансмитер кој е заслужен за чувство на мотивација и награда. Интересно е што THC го имитира ендоканабиноидот кој нашето тело го произведува наречен анандамид. Ова соединение се ослободува за време на вежбање и најверојатно е причината за т.н. „runner’s high“. Ги забележувате ли хемиските паралели?

5. Медицинска употреба 

THC може да се извлече од канабисот или да се синтетизира. Кога се користи правилно, THC може да има многу медицински својства. Се користи за третман или превенција од мачнина и повраќање поврзани со лекови за рак, зголемување на апетитот кај лица со СИДА, и дури може да ја подобри меморијата кога се користи во мали дози.  

Четири главни придобивки од медицинската употреба на канабис

Поради забраната која го следи канабисот веќе 70 години, истражувањето всушност заостанува зад мислењето на многумина. Во многу земји канабисот беше класифициран како супстанца од прва категорија, што сериозно го ограничи пристапот за истражувачите. Но, сега со тековниот бран на легализација, пристапот се зголемува и клиничките студии стануваат сѐ почести. Иако многу од податоците се сѐ уште анегдотски, постои силен случај за некои нови придобивки.

Олеснување на болка

Во најголем дел од државите каде што медицинскиот канабис е дозволен, олеснувањето од хронична болка е причина број еден за препишување. Едно неодамнешно истражување покажа дека до 40% од пациентите со хронична болка пронашле некакво олеснување од употребата на канабис. Канабисот е исто така ефективна замена за многу посилни и многу зависни лекови против болка како опијати и бензодиазепини (валиум и ксанакс). Една диспанзер во Мичиген пријавила дека до 64% од нивните пациенти успеале да ги намалат или целосно да ги прекинат опијатските лекови со заменување со медицински канабис.

Намалување на мачнина и зголемување апетит за пациенти на хемотерапија

Еден од несаканите ефекти на хемотерапијата кои најтешко им паѓаат на пациентите со рак е големата мачнина и недостигот од апетит. Овие несакани ефекти имаат големо влијание врз квалитетот на животот на овие пациенти, но благодарение на медицинскиот канабис, може да се најде олеснување. Набилон и дронабинол се два чести лека кои содржат THC и се користат веќе повеќе од 30 години за да им помогнат на пациентите на хемотерапија да го зголемат апетитот и да ја намалат мачнината.

Подобрување на сон

Кај луѓе што страдаат од несоница и други пореметувања на сонот, медицинскиот канабис може значително да помогне. Не само што им помага на некои пациенти побрзо да заспијат, туку може да им помогне и да останат во сон подолго време. Има докази дека употребата на THC може негативно да влијае на REM-сонот, но позитивните ефекти може да ги надминат овие негативи во зависност од потребите на пациентот.

Намалување на мускулни грчеви кај параплегичари и пациенти со мултиплекс склероза

Пациентите кои страдаат од МС (Мултиплекс склероза) и параплегичарите често имаат проблеми со мускулни грчеви. Овие грчеви може да траат со часови и значително го отежнуваат животот. Одредени понови студии докажаа дека употребата на THC може драстично да ги намали овие грчеви, што носи големо олеснување на овие пациенти. 

6. Како да се засилат ефектите на THC? 

Ако сте навикнати на еуфорија и сакате посилен ефект, постојат различни начини за тоа. Може да пушите концентрати наместо цветови. Концентратите (како хашиш и росин) се произведени со екстракција на трихоми, што значи дека ќе консумирате само канабиноиди и терпени.

Концентратите може да содржат до 70% THC наспроти до 30% кај канабис цветовите. Друг начин е да барате сорти со терпени (како Лимонен и Терпинолен) кои обезбедуваат повеќе Сатива тип на еуфорија.

7. Како да се намалат ефектите на THC? 

Покрај THC, канабисот создава и друг канабиноид наречен CBD. Овој канабиноид ги неутрализира ефектите на THC и може да ги намали ефектите на параноја, анксиозност и нарушување на меморијата поврзани со THC. CBD исто така обезбедува повеќе медицински тип на еуфорија и може да се користи за лекување болка и воспаление меѓу другите придобивки. 

8. Колку долго THC останува во телото?

Ова навистина зависи од тоа колку често консумирате канабис или други THC производи, и каков тип на тестирање се прави. Кај не чести корисници, времето на откривање обично не е подолго од 3 дена (освен ако се тестира коса). Кај редовни корисници, овој број може да се продолжи и до 30 дена.

• Крвен тест: 1 до 3 дена за лесни корисници, 7 до 10 дена за хронични корисници
• Тест на урина:  1 до 3 дена за лесни корисници, 30 до 50 дена за хронични корисници
• Тест на плунка: 24 до 48 часа за лесни корисници, 48 до 72 часа за хронични корисници
• Тест на коса: 90 дена за двата типа корисници

9. За крај 

Доколку барате сорти богати со THC, имаме токму тоа што ви треба. Gelato Auto има луди 26% THC и е една од најсилните автоцветни сорти достапни. Дава поттикнувачка и енергична еуфорија, одлична за креативни умови. Ако не сте искусен пушач, ви препорачуваме Orange Sherbet Auto со 24% THC или Z Auto со 23% THC, исто така многу силни сорти што даваат енергична и возбудлива еуфорија, но постепено водат до релаксирачки телесен ефект.

Со овие сорти би требало да бидете умерени, овие сорти се многу моќни и не се за почетници, премногу THC може да предизвика анксиозност и паника ако не сте навикнати на нив.