Што се терпени и нивните ефекти во канабисот

• 1. Што се терпени?
• 2. Терпени и канабиноиди
• 3. Медицински придобивки од терпениите
• 4. Најчести терпени и најдобра температура за вапоризација
• 4. a. Мирцен
• 4. b. Лимонен
• 4. c. Кариофилен
• 4. d. Терпинолен
• 4. e. Пинен
• 4. f. Хумулен
• 4. g. Оцимен
• 4. h. Линалол
• 5. Како да ги искористите максимално придобивките од терпениите
• 6. Заклучок

Дури и ако не знаете точно што се терпени, несвесно веќе ги познавате. Терпените се тие што му даваат на канабисот сите ароми што ги сакаме. Тие се наоѓаат и во други растенија во природата. Терпените се тие што му даваат на портокалот или лимонот цитрусен мирис, или на борот неговиот препознатлив ароматичен шмек. Многу љубители на канабис ги препознаваат овие ароматични молекули како фитохемикалии што стојат зад единствените вкусови и мириси на секоја уникатна сорта на канабис. Иако ова е точно, овие хемикалии имаат далеку покомплексна и важна улога.

Тие директно влијаат на психоактивните ефекти на секоја сорта. Тоа го прават со заедничко дејствување со различни канабиноиди, вклучувајќи THC, CBD и други. Тие исто така комуницираат со истиот сигнален систем што го активираат канабиноидите за да ги предизвикаат посакуваните ефекти. Меѓутоа, терпениите дури сега почнуваат да привлекуваат внимание поради оваа способност. Досега, многу корисници на канабис избираа сорти само според канабиноидите. Новите научни откритија во оваа област ја открија клучната улога на терпениите, што доведе до зголемена побарувачка на овие хемикалии во индустријата. Сега, корисниците избираат семиња од канабис и канабис производи според профилот на терпени.

1. Што се терпени? 

Терпените се ароматични масла произведени во истите жлезди (трихоми) што ги создаваат канабиноидите (како THC и CBD). Тие ѝ даваат на секоја генетска разновидност на канабис посебен мирис и вкус и можат да се најдат во речиси сите други растенија и цвеќиња. Канабисот почнал да ги развива терпениите од еволутивни причини, за одвраќање на предатори и привлекување на опрашувачи. И како физичките карактеристики на сортата, терпениите се под влијание на условите за одгледување (како што се клима, време, возраст, зреење, вид на почва, итн.). Постојат повеќе од 100 различни видови терпени, секоја сорта има уникатен микс од овие терпени кои играат улога во нејзиниот посебен мирис и ефект.

Додека истражувате за терпениите, ќе наидете на два различни термини: “терпени“ и “терпеноиди“. Едноставно кажано, сите терпеноиди се терпени, но не сите терпени се терпеноиди. Зошто? Затоа што терпениите се само јаглеводороди; молекули составени само од јаглерод и водород. За разлика, терпеноидите имаат дополнителни функционални групи, како што е кислородот, во нивната молекуларна структура. Сите терпени се составени од помали подединици наречени изопренски единици. Секоја од овие единици содржи 5 атоми на јаглерод. Терпените се именуваат според бројот на изопренски единици што ги содржат.

Наједноставните, а така и најиспарливите терпени се наречени монотерпени. Во канабис, оваа група ги вклучува ароматичните молекули лимонен и алфа-пинен. Тие содржат две изопренски единици, па вкупно имаат 10 јаглеродни атоми. Потоа, тука се сесквитерпените, како што е бета-кариофилен. Бидејќи се составени од три изопренски единици, имаат вкупно 15 јаглеродни атоми. Дитерпените, кои имаат четири изопренски единици, го вклучуваат фитол – продукт на разградување на хлорофилот. Конечно, тука се тритерпените (шест изопренски единици) кои често се наоѓаат во коренот на канабисот и покажуваат некои ветувачки терапевтски својства.

2. Терпени и канабиноиди 

Последниве години се шпекулира дека профилот на терпени значително го одредува видот на хај што го дава една сорта, многу повеќе од вообичаените индикатори како што се Сатива или Индика. Запознавањето со уникатната комбинација на терпени и канабиноиди што ги создаваат вашите омилени сорти, ќе ви помогне да ги препознаете оние цветови и концентрати на канабис кои најмногу ќе ви одговараат. Освен нивните ароми, кога се консумираат терпени и канабиноиди заедно, тие директно влијаат врз човечкото тело. На пример, кога алфа- и бета-пинен се консумираат заедно со THC и CBD, покажуваат антиканцерогени својства. Кога Хумулен се употребува заедно со Кариофилен, може да има антиинфламаторни својства. Ова не наведува да веруваме дека консумирањето на цел спектар на канабиноиди и терпени е подобро од земање изолирани соединенија извадени од растението.

Иако терпениите очигледно играат важна улога во создавањето и засилувањето на многу од корисните ефекти што ги добивате при консумирање канабис, самите сепак нема да ве “замаат“, односно, ако ги изолирате терпениите од растението на канабис, ќе можете да ги почувствувате мирисите и вкусовите, но тие нема да дадат никакви забележливи психоактивни ефекти. Поради смешната забрана за канабис што само сега почнува да се укинува во одредени земји и држави, истражувањето на канабисот сè уште е во зачеток. Во многу земји канабисот (или барем до скоро) беше класифициран како “контролирана супстанција“ и толку опасна дрога, што истражувачите тешко можеа дури и да добијат примероци за истражување.

За среќа, ова полека но сигурно се менува, и сега сме во ера на нов бум на истражувања, што донесе многу интересни откритија последниве години. Но, како што тоа често се случува во науката, колку повеќе истражуваме, толку повеќе сфаќаме дека не знаеме сè што мислевме. Интересно, новите истражувања покажуваат дека канабиноидите и терпениите не функционираат во изолација. Теоријата за ефектот на “свита“, сугерира дека овие молекули работат синергетски и меѓусебно си ги засилуваат ефектите. Исто така, терпените интерактираат и со ендоканабиноидниот систем – сигналниот систем што стои зад многу ефекти на канабиноидите. Овој систем, составен од рецептори, сигнални молекули и ензими, го регулира секој друг систем во телото, вклучувајќи го и нервниот, дигестивниот, па дури и скелетниот систем. Во иднина, истражувањата ќе откријат точно како овие молекули заедно влијаат на овој витален систем.

3. Медицински придобивки од терпениите

Преклинички студии покажале дека терпениите не се само одлични за мирисот и вкусот на растенијата кои ги создаваат, туку имаат и јасни медицински придобивки поврзани со одредени терпени. Овие студии се дел од нова научна област, па не можеме со сигурност да кажеме дека се конечни резултати. Терпениите се користат во традиционалната медицина со векови, а можеби и повеќе. Ова ја поддржува сегашната научна работа. Сепак, од новите истражувања има солидни докази дека терпениите можат да понудат:

• Антидепресивни својства - Линалол и бета-пинен посебно се користат во антидепресивни лекови. Дури 25% од сите SSRI (антидепресиви) имаат додаден билен екстракт што ги содржи овие терпени.
• Антиракови својства - Лимонен се користи во одредени лекови за рак, за инхибиција на растот на нови канцерогени клетки, и одамна е познат како силен анти-тумор агент. Терпените имаат предност над класичните лекови за рак (како хемотерапијата) затоа што не ги уништуваат здравите клетки, ниту предизвикуваат несакани ефекти.
• Антивирусни својства - Кариофилен, камфор и карвон сите имаат докажано силни антивирусни својства, како и алфа- и бета-пинен.
• Аналгетски својства - Канабисот е одамна познат по способноста за ублажување на болки, но со повеќе истражувања се доаѓа до нови сознанија. Терпените хумулен, гераниол, линалол и β-пинен ја зголемуваат аналгетската моќ на канабиноидите.
• Антимикробни својства - Речиси сите терпени покажуваат некаков облик на антимикробна активност.

4. Најчести терпени и најдобра температура за вапоризација 

Високите температури ги уништуваат многу од терпениите, како и канабиноидите. Затоа користењето вапорајзер со контрола на температура е веројатно најдобар начин да се искористи максимумот од терпениите во канабисот. Како и кај канабиноидите, секој терпен има своја оптимална температура, и тие варираат. Истражување на температурата на испарување за специфичните терпени што сакате да ги ослободите е клучно за добивање на посакуваниот ефект.

Мирцен

Мирценот, кој се среќава и во манго, тајм и лимуна трева, е главниот терпен во канабисот. Некои растенија можат да имаат и до 65% од нивниот терпенски профил составен токму од мирцен. Овој терпен има седативно и релаксирачко дејство и испарува на 167ºC (332ºF). Сорти богати со мирцен се Blue Dream, Original Auto OG Kush и Cherry Pie.

Лимонен

Втор најзастапен терпен во канабисот, лимоненот се среќава и во лимон, портокал и други цитрусни плодови и е одговорен за цитрусниот мирис. Лимоненот има силни антифунгални и антибактериски својства и помага во намалување на стресот и подобрување на расположението. Испарува на 176ºC (348ºF). Сорти богати со лимонен се Sour Diesel, Super Lemon Haze и Wedding Cheese Cake.

Кариофилен

Овој терпен се среќава во црн бибер и цимет и има зачинет, дрвенест и биберлив мирис. Кариофиленот се користи за третман на анксиозност, депресија и воспаление. Испарува на 130C (266F) и може да се најде во Purple Punch и Gorilla Glue Auto.

Терпинолен

Се смета дека терпиноленот се среќава во околу една од десет сорти и има борова, цветна и тревна арома. Овој терпен има енергетски ефект и антиоксидантни, антибактериски својства. Испарува на 186C (366F) и го има во сорти како Ghost Train Haze, Chernobyl и Orange Sherbet Auto.

Пинен

Овој терпен се среќава во борови иглички и рузмарин, и најзастапен е во природата; има арома како чист бор. Пиненот се користи за третман на анксиозност, астма, болка и воспаленија. Испарува на 155C (311F) и може да се најде во сорти како Original Auto Critical и Original Auto Jack Herer.

Хумулен

Хумуленот има дрвенест, тревен мирис и се смета дека има антиинфламаторно дејство, а се наоѓа и во каранфил и босилек. Испарува на 106C (222F) и може да се најде во Ghost Train Haze, Chernobyl и Girl Scout Cookies.

Оцимен

Овој терпен има сладок, тревен и дрвенест мирис и се смета дека има антивирални, антибактериски, деконгестивни и антифунгални својства. Оцименот може да се најде и во нане и орхидеи. Испарува на 50C (122F) и се среќава во сорти како Original Auto Amnesia Haze и Strawberry Cough.

Линалол

Линалолот има цветен мирис и се смета дека има седативно и унапредувачко дејство на располагањето, се користи за третирање на анксиозност, несоница, депресија и болка. Овој терпен има антивирални, антибактериски, деконгестивни и антифунгални својства, а се наоѓа и во лаванда. Испарува на 198C (388F) и се среќава во Do-Si-Dos, Kosher Kush, Lavender Kush и Z Auto.

5. Како да ги искористите максимално придобивките од терпениите

Со експанзијата на легализацијата дојдоа и сериозни придобивки освен тоа што полесно може да се набави цвет од канабис без грижа за законот. Многу реномирани компании за канабис сега ги доставуваат своите производи со целосна листа на терпени и процентите што ги содржат. Вообичаен процент на кој било од четирите главни терпени (Пинен, Хумулен, Лимонен, Мирцен) во канабисот е околу 1.5 до 2.5%. 

Терпените се распаѓаат со тек на време, па секогаш проверувајте го датумот на пакување ако купувате од диспенсер. Ако немате таа можност таму каде што живеете, едноставно мирисајте ги цветните врвови. Ако мирисаат како што треба, веројатно се доволно свежи. Како што зборувавме, различните терпени имаат различни температури за испарување. Најдобар начин да ги изолирате овие терпени е да користите вапорајзер со подесива температура и да тестирате повеќе температури додека не најдете што ви одговара. Маслата од канабис често имаат додадени синтетички терпени по екстракција. Иако нема цврсти докази дека синтетичките терпени се штетни за луѓето, бидете внимателни дека етикетите можат да бидат погрешни.

6. Заклучок

Иако пушењето на случајна сорта нема да ве “оштети“, може да ве закочи на каучот, да ви ја “заврти“ главата или дури да произведе параноја. Најдобар начин да уживате во канабисот е да ја најдете вистинската комбинација на канабиноиди и терпени за вас. Ова ќе има потполно различен ефект од она што сте го доживеале, ќе ја подобри атмосферата, а може и директно да ги третира вашите симптоми и да го олесни секојдневниот живот. Обидете се да користите различни сорти со различни терпенски профили и обидете се да ги препознаете индивидуалните вкусови и мириси - со време ќе научите кои терпени се добри за вас, правејќи ја консумацијата на канабис многу попријатно искуство.