• 1. Фаза на младо растение
• 2. Вегетативна фаза
• 3. А што со автоцветачите?
• 4. Заклучок

Канабисот има неколку различни фази. Вегетативната фаза е периодот кога канабисот развива листови и гранки за да биде подготвен да ги поддржи и развива цветовите. Како и сите други растенија, има неколку различни фази. Канабисот поминува низ вегетативната и фазата на цветање пред да биде подготвен за берба. Овој напис ќе биде посветен на разбирањето на вегетативната фаза на семиња од канабис. Можеме да го сметаме почетокот на вегетативната фаза веднаш штом првите вистински листови се појават на нашето младо растение. Количината на хранливи материи, светлина и вода што ѝ се потребни на вашата билка канабис треба да се прилагодува речиси секоја недела, од моментот кога ќе ги видите првите вистински листови, па сѐ до крајот на животниот циклус на растението. Сигурно сте ја слушнале фразата „знаењето е моќ“. Тоа можеме да го примениме и при одгледувањето канабис. Наместо да одите наслепо низ различните фази на раст, корисно е да се изградат цврсти познавања за тоа што прават растенијата во секоја од фазите, и што им е потребно во секој период за да се обезбеди оптимален раст.

Како што кажува и самото име, растенијата од канабис развиваат многу вегетативен раст во тек на оваа фаза. Сета енергија, исхрана и вода што ќе ги добијат во овој период служи за создавање на големи „fan“ листови. Овие листови функционираат како биолошки соларни панели со специјализирани органели кои им овозможуваат на растенијата да ја претвораат светлината во енергија. Колку повеќе светлина прима растението, толку повеќе расте и прави повеќе листови. Во соодветни услови, растенијата од канабис ќе развијат силна зеленило кое потоа почнува да цвета со ароматични цветови. Освен листовите, во вегетативната фаза, растенијата развиваат и многу јазли (nodes). Овие области се појавуваат каде гранките се спојуваат со главното стебло, и се важни затоа што тука ќе се формираат цветовите во иднина. Така што, вегетативната фаза е поставување на темелите за цветање. За да го постигнат ова, мора да добијат доволно светлина, вода и точна количина на хранливи материи. Посебно, растенијата имаат потреба од доволно азот за да го поддржат растот на лисјата во веге. Тие го користат овој елемент за градење на протеини што им се потребни за создавање на нови ткива и клучни ензими за растението. Сега кога знаете колку е важна вегетативната фаза во циклусот на раст, време е подетално да ја истражите темата за да одгледувате цврсти, здрави и продуктивни растенија.

1. Фаза на младо растение

Иако фазата на младо растение не се смета како дел од вегетативната, вегетативната фаза започнува кога нашето младо растение ќе почне да ги развива првите вистински листови. По ’герминација и садење на семката од канабис, ќе ги видите првите две мали тркалезни листови - котиледони, кои ја хранат младата билка се додека таа не влезе во вегетативната фаза.

Младото растение ќе му треба неколку дена целосно да излезе од земјата, а по две до три недели ќе ги забележите првите вистински листови. Вистинските листови се оние „со прсти“, типичните листови за канабис. Штом ќе ги видите овие листови, вашата билка е веќе во вегетативната фаза. Многу одгледувачи често ја потценуваат фазата на младо растение, и јасно е зошто - овој период не трае долго. Дополнително, растенијата се премногу мали и не изгледа како нешто посебно да се случува.

Сепак, лесно може да тргне наопаку тука доколку не се грижите за младото растение. Мора да обезбедите доволно светлина за да спречите издолжување (leggy) на растението; долго и слабо стебло може да предизвика структурни проблеми кога ќе порасне. Треба и внимателно да ја дозирање водата. Полевајте само кога горниот дел од почвата ќе биде сув. Претерано полевање во оваа фаза може да предизвика болести на коренот и загнивање, со што растението може да престане да расте уште на самиот почеток. 

2. Вегетативна фаза

По појавата на првите вистински листови, вашата билка официјално влегува во вегетативната фаза. Иако нам ова може да не изгледа нешто посебно, за канабисот ова е огромен чекор.

Ова значи дека растението успешно ја преживеало фазата на младо растение и сега ги користи своите листови и сончева светлина за фотосинтеза, и тука растот реално почнува да се забрзува. Во оваа фаза, вашата билка ќе има потреба од малку повеќе хранливи материи (особено азот) и сѐ повеќе вода секоја недела. Ова, заедно со циклус на светло 18/6, ќе ѝ овозможи да создава шеќери и да поттикне растење.

{post: 1132}

И околината во вашиот простор за одгледување треба да се прилагоди за оваа фаза. Почнувајте со околу 60-70% влажност кога ќе ги видите првите вистински листови, а до фазата пред цветање намалете на околу 50%. Температурата треба, исто така, да се прилагоди и да биде помеѓу 20-25 Целзиусови степени за оптимални услови за растење.

Ако можете да ги обезбедите овие услови, секој ден ќе гледате нов пар листови како растат, и тогаш ќе ги забележите карактеристиките на генетиката на сортата. Индика-сортите обично се ниски и густи, додека Сатива-сортите растат повисоко и имаат листови расфрлани низ целата билка. Кога ќе пораснат малку и имаат околу 4 или 5 јазли, растенијата се веќе прилично цврсти и тогаш можете да почнете со LST техники. Ова е затоа што веќе имале време да развијат гранки и стебло и не се толку кревки како во почетокот.

Секогаш внимавајте да не предозирате со вода или хранливи материи во текот на целиот животен циклус, а посебно во првите недели од вегетативната фаза. Иако структурата им е посилна, сеуште се осетливи. Претерано полевање или прекумерно ѓубрење во рана фаза може да доведе до „burn“ на хранливи материи и забавен развој поради вишок вода.

Со добра комбинација од светлина, хранливи материи, влага и температура, ќе ги исполите потребите на вашето растение и ќе обезбедите развој на здрава билка од канабис. Ова значи дека ќе расте здрава, со добра количина зеленила и силен коренов систем. Тоа се клучни елементи што ќе ја направат силна и подготвена да ја издржи тежината на цветовите при цветање.

3. А што со автоцветачите?

Автоцветачите не зависат од светлосниот циклус за да растат или да цветаат. За разлика од фотопериодни, кои растат со циклус 18/6, автоцветачки канабисни сорти растат од семе до жетва на ист циклус на светлина, било да е тоа 18/6, 20/4 или 24/0. Ова се случува бидејќи автоцветачите содржат генетика од Руфералис, што им ја дава автоцветачката особина. Но дали тоа значи дека автоцветачите немаат вегетативна фаза? Одговорот е: Не. 

Иако не зависат од одреден однос светлина/темнина, автоцветачките растенија од канабис минуваат низ истите фази како и сите други: младо растение, вегетативна и цветна фаза, единствената разлика е што наместо премин од веге во цветање според светлината, автоцветачите го прават тоа според возраста, односно ќе почнат да цветаат веднаш штом ќе постигнат доволна зрелост. Затоа не можете да ја продолжите вегетативната или фазата на цветање кај автоцветачите како што можете кај фотопериодните сорти на канабис.

4. Заклучок

Кога е во фазата на младо растение, нашето бебе-растение има уште малку резерви на исхрана во котиледоните. Но, штом ги потроши тие резерви и почне да развива вистински листови, ќе ѝ требаат нови извори на храна - тука е вашата улога. Треба да обезбедите соодветна количина исхрана и да бидете навистина внимателни што им давате и колку. Иако нивната структура станува постабилна, тие и понатаму се осетливи на преполнување со вода и прехранување. Сé што ќе му се случи на вашето растение ќе влијае на крајниот резултат, особено на тоа како ќе се развива во следната фаза, а тоа е цветната фаза. Запомнете, ако обезбедиме оптимални услови, растението ќе порасне големо и здраво, но ако се појават проблеми, растението ќе треба да се опорави од стресот, што може да одземе неколку дена. Времето за опоравка понекогаш резултира со помало растение, со што се намалува и количината и квалитетот на жетвата. Затоа внимавајте вашите билки да бидат секогаш здрави и среќни!