Јужноафриканска компанија добива лиценца за канабис, размислува за магични печурки

Cilo Cybin Pharmaceutical Ltd. ја доби првата дозвола за одгледување, процесирање и пакување на марихуана и нејзините деривати во Јужна Африка. Компанијата смета дека нејзиниот стабилен бизнис модел и потенцијал за раст ја прават подготвена да излезе на берза во следните 12 месеци.

Габриел Терон, основач и извршен директор на компанијата, вели дека размислуваат за листирање во Јоханесбург и веројатно во Луксембург или на друга европска берза.

Парите ќе одат главно за производство на канабис

Компанијата планира средствата собрани со јавното понудување да ги инвестира во својата операција за одгледување канабис. Регулаторното тело на земјата, South African Health Products Regulatory Authority, досега има одобрено 28 лиценци за одгледување и ги олеснило условите, па се очекува силен раст на секторот. Климатските услови во Јужна Африка се идеални за одгледување врвен канабис по конкуретна цена.

Cilo Cybin ќе ги користи легендарните локални генетики, Durban Poison, со висока содржина на THC, компонента во марихуаната што предизвикува опијанетост. Компанијата веќе има изградено напредна фарма за одгледување која може да произведе до 100 кг суви цветови месечно. Тие очекуваат да ги продаваат по 2-4 долари за грам на големо.

Печурките ветуваат уште поголем пазар од канабисот

Истражувачкиот тим на Cilo Cybin планира и други насоки, како што е биохакинг – начин да се подобри благосостојбата со мали промени во животниот стил преку додатоци во исхраната и апликации за следење на здравјето.

Една од поамбициозните правци за раст е испитувањето на псилоцибе, или магични печурки. Не е случајно што Cilo Cybin Pharmaceutical е именувана според псилоцибин, психоактивната состојка во печурките. Компанијата веќе аплицираше за дозвола за истражување на ова соединение и очекува промени на пазарот за психоделици во иднина.

Некои истражувања укажуваат дека магичните печурки, ЛСД и слични супстанции може да бидат корисни за посттрауматско стресно нарушување, депресија и анксиозност. Терон смета дека психоделиците како лекови можат да бидат уште поголем пазар од самиот канабис.