Il-Marokk Jaħdem fuq Il-Legalizzazzjoni tal-Kultivazzjoni tal-Kannabis

Il-Marokk huwa fost l-akbar produtturi tal-kannabis fid-dinja, minkejja li jopera f’sitwazzjonijiet legali mhux ċari, il-pajjiż jesporta l-maġġoranza tal-produzzjoni tiegħu lejn l-Ewropa. Abbozz riċenti approvat mill-kungress, iżda li għadu mhux approvat kompletament, jista’ jippermetti l-legalizzazzjoni tal-kultivazzjoni tal-kannabis għal skopijiet industrijali u mediċi f’ċerti zoni tal-pajjiż.

Abbozz Approvata iżda għadu Mhux Validat

Għalkemm għadu mhux approvat mir-re, il-Kungress approva abbozz li jista’ jillegalizza l-kultivazzjoni, l-użu, u l-esportazzjoni tal-kannabis għal skopijiet mediċi u industrijali (bħal hemp għall-fibri tagħha) iżda ma jlegalizzax il-kannabis għal skopijiet rikreattivi u jkun jippermetti l-kultivazzjoni biss f'partijiet speċifiċi tal-pajjiż.

In-nies tal-lokal jaqblu li dan l-abbozz jista’ jippermetti lil ċerti zoni tal-pajjiż jiżviluppaw, peress li m’hemm l-ebda infrastruttura, skejjel, jew sptarijiet fil-biċċa l-kbira taż-żoni fejn tkun ikkultivata l-kannabis u l-iktar importanti, itemm ir-ribelljonijiet u l-vjolenza relatata mal-kannabis. F’dawn l-aħħar snin kien hemm protesti vjolenti minħabba li diversi reġjuni jiddependu fuq il-produzzjoni tal-kannabis u l-gvern kien dejjem kontra dan minħabba li n-NU kienet elenkat il-kannabis bħala sustanza perikoluża. Iżda riċentement, in-Nazzjonijiet Uniti neħħew il-kannabis mediċinali mil-lista msemmija u issa l-gvern Marokkin jista' jinnegozja mal-produtturi tal-kannabis.

Vantaġġi u Żvantaġġi tal-Legalizzazzjoni

Il-Ministru tal-Intern Marokkin jgħid li, billi jirregolaw il-produzzjoni tal-kannabis, il-gvern ikun jista’ jindirizza d-deforestazzjoni u d-deterjorazzjoni tal-ħamrija filwaqt li jippermetti lil dawk li jiddependu mill-kannabis jgħixu mingħajr biża' mill-liġi. Minkejja diversi benefiċċji, il-gvern jinsab imħasseb għax ħafna bdiewa mhumiex imħarrġa biex jikkultivaw il-kannabis skont l-istandards internazzjonali u jistgħu ma jipproduċux biżżejjed biex in-negozju jibqa’ miexi.

Esperti jgħidu li l-Marokkin jipproduċu kwantità iżda mhux kwalità ta' kannabis, u bosta drabi jikkultivaw fil-muntanji jew fiż-żoni remoti li jistgħu ma jkunux ideali, u għalhekk ikun hemm bżonn ħafna ippjanar u preparazzjoni qabel kollox jibda jaħdem kif suppost. In-nies tal-lokal huma wkoll inkietati għaliex din il-proposta ma tindirizzax il-problema kbira li kważi 50,000 bidwi ġew arrestati għall-kultivazzjoni u l-użu tal-kannabis.