5 Këshilla Përpara Se Të Pini Kanabis Për Herë Të Parë

• 1. Dije me kë do ta ndash këtë eksperiencë të parë
• 1. a. High për herë të parë me miqtë që janë stonerë
• 1. b. Ta provosh për herë të parë me miq po aq pa përvojë
• 2. Zgjidh vendin e duhur për t’u bërë high
• 3. "prisni... nuk po ndihem... asgjë"
• 4. Shko avash! mund të pish më shumë, por nuk e "Ç-pi" dot
• 5. Dije Çfarë të presësh dhe lëri ndjenjat të fluten
• 5. a. Prit thatësi gojë dhe urinë të madhe
• 6. Përfundim

Ne e dimë që ndonjëherë mund të jetë frikshme të provosh gjëra të reja, e panjohura e asaj që do të ndodhë mund të na bëjë të ndihemi të pasigurt. Për shembull, kështu ndodh edhe me tatuazhet apo piercing-un e parë; s’kemi asnjë ide se çfarë do të përballemi dhe kjo na vë në siklet. Ose ndoshta të njëjtat ndjesi ndodhin kur fillojmë një punë të re, takimin e parë, etj. Por, çfarë kemi mësuar nga të gjitha këto herë të para veçse fakti që duhet të përballemi me frikërat tona? 

Për sa i përket stonerave, të gjithë kemi qenë në pikën e fillimit dhe kemi pasur nevojë të ngjitemi drejt botës së stonerëve. Të gjithë kemi lënë frikërat mënjanë, kemi pirë kanabis për herë të parë dhe kemi përjetuar të gjitha ndjesitë e reja të të qenit high. 

Dhe çfarë zbuluam? Botën e mrekullueshme të Mary Jane! Pra, nëse po kërkon të provosh kanabis për herë të parë, këtu ke disa këshilla të dobishme që do të të ndihmojnë të ndihesh më i sigurt në eksperiencat e para me kanabisin.

1. Dije Me Kë Do Ta Ndash Këtë Eksperiencë Të Parë

Nëse do të pish marihuanë për herë të parë në jetën tënde, e vështirë ta besojmë që do ta kalosh vetëm dhe, nëse po e mendon këtë, mos e bëj. Kjo është një eksperiencë që duhet ndarë me persona të dashur, me të cilët do kujtosh gjithmonë këto kujtime të bukura (dhe qesharake). 

Për këtë aspekt kemi dy sugjerime:

• Pije për herë të parë me miqtë e tu që tashmë janë stonerë; 
• Ose provoje bashkë me ata miq që nuk e kanë provuar asnjëherë më parë. 

Zgjedhja e njerëzve të duhur për të ndarë këtë eksperiencë është thelbësore për të kaluar mirë kur provon marihuanën për herë të parë. Le të të shpjegojmë më me detaje të dy variantet që të ndihmojmë të ndihesh rehat me zgjedhjen tënde. 

High Për Herë Të Parë Me Miqtë Që Janë Stonerë

Kjo është veçanërisht e përshtatshme për ata që kanë nevojë për një ndjesi sigurie dhe rehatie kur provojnë diçka të re. Është si të hysh në botën e stonerëve me një sensei stoner mik. 

Të provosh kanabis për herë të parë me miqtë që tashmë janë stonerë mund të të japë atë besim që të heqësh frikën, pasi ata e kanë kaluar atë që kalon ti tani, dhe shikoji, përveçse pak të çmendur, duken mirë.

Këta shokë do të të bëjnë të ndihesh mirë gjatë gjithë eksperiencës dhe do kujdesen për çdo nevojë stoneri që ke. Madje, ndoshta do ndihen si prindërit që shohin fëmijën e tyre të fluturojë për herë të parë nga foleja, ndaj do jenë shumë të entuziazmuar për ty, ndoshta edhe më shumë se ti vetë. 

Miqtë me siguri do të vijnë me gjërat që u pëlqen të bëjnë kur janë high, si ushqimet e preferuara ose aktivitetet. Për më tepër, pasi kanë kaluar shumë situata si stonerë, ata dinë saktësisht ç’të thonë dhe si të sillen në çdo rast.

Ta Provosh Për Herë Të Parë Me Miq Po Aq Pa Përvojë

Një alternativë tjetër shumë e mirë është ta provosh kanabisin për herë të parë me miq që s’e kanë konsumuar asnjëherë. Kështu do ndihesh rehat sepse të gjithë jeni në të njëjtën situatë si njëri-tjetri. 

Përgatituni për mbrëmjen, pasditen apo kurdoherë që do të bëni qejf dhe për të qeshur! Besoni, kjo është një eksperiencë që s’do ta harroni.

Të gjitha ato kujtime të para high akoma na sjellin buzëqeshje kur i kujtojmë, ndaj shijojeni sa më shumë sepse një ditë do t’i kujtoni me nostalgji këto ditë të arta, ah, çfarë high-i kemi marrë atëherë. 

2. Zgjidh Vendin e DuHur Për T’u Bërë High 

Duke folur për rehati dhe ndjenjën e sigurisë, duhet ta mendosh paraprakisht vendin ku dëshiron të bëhesh high për herë të parë. 

Ky vend duhet të jetë idealisht një vend që e njeh, për të krijuar një ndjesi familjariteti, si shtëpinë tënde, të ndonjë miku, ndonjë park ku shkon gjithmonë ose çdo vend tjetër ku shkon për të pushuar. Përndryshe, thjesht shmang vendet që janë të mbipopulluara ose tepër stimuluese.

Pse? Sepse do ta njohësh veten tënde stoner për herë të parë, dhe s’do të doje që ndonjë burim i jashtëm të të prishte këtë eksperiencë. Shumë ndjesi do të jenë më të forta, ndaj çdo shqetësim i jashtëm mund ta kthejë eksperiencën në të pakëndshme. 

Së fundmi, zgjidhe me kujdes edhe ditën kur humbet virgjërinë si stoner. Kjo do të thotë të mos kesh asnjë detyrim më vonë, ose do të pendohemi. Kur je high për herë të parë, relaksohu dhe shijo!

3. "Prisni... Nuk Po Ndihem... Asgjë"

Një gjë e zakonshme kur provon kanabis për herë të parë është të presësh të bëhesh shumë high, vetëm për të zbuluar që, në fakt, nuk ndjeve asgjë, zhgënjyese, apo jo? Jo, nuk është se marihuana nuk bën efekt, thjesht është diçka që ndodh shpesh.

Kjo nuk do të thotë që s’mund të bëhesh high që herën e parë që pi, varet gjithçka, nga çfarë? Nuk jemi të sigurt, ndoshta nuk ke thithur mirë, ose kush e di pse, është thjesht një gjë që ndodh.

Pyet këdo dhe do gjesh versione të ndryshme, disa që s’ndjenë asgjë fare dhe të tjerë që u bënë shumë high. Gjithsesi merr disa minuta para se të pish sërish për të lënë kohë që efektet të ndodhin dhe të mos e teprosh, që na çon te pika tjetër. 

4. Shko Avash! Mund të Pish Më Shumë, Por Nuk e "Ç-Pi" Dot 

Duke mbajtur parasysh që trupi yt është “i paprovuar” në cannabis, duhet të lëvizësh ngadalë dhe të arrish nivelin e high-it ku ndihesh rehat. Kjo do të thotë, mos u hidhe direkt në thellësi por ec hap pas hapi. 

Merr ca thithje dhe lëri vetes pak minuta të ndjesh efektet. Ndihesh se duron akoma? Atëherë vazhdo, vetëm mos e tepro me shumë njëherësh sepse efektet mund të bëhen të shumta dhe të të marrin për keq, duke ta prishur eksperiencën që mund të ishte shumë e bukur. 

Është më mirë të lëvizësh ngadalë, hap pas hapi shokë, hap pas hapi, dhe ta shtosh gradualisht sasinë sesa të pendohet më pas. Gjithashtu, pyet për sugjerime mbi çfarë te konsumosh, sepse disa strain-e janë shumë më të fortë se të tjerë, që ndoshta duhet t’i shmangësh tani për tani. 

5. Dije Çfarë Të Presësh Dhe Lëri Ndjenjat Të Fluten

Një problem që shoh shpesh tek ata që provojnë weed për herë të parë është se fillojnë të analizojnë dhe të mbingarkohen me efektet aq sa i prishin të gjitha ndjesitë e mira që sjell high-i. Në vend që të mendosh shumë, pyet shokët e tu si ndihen kur janë high.

Kështu do marrësh një ide përpara. Të jesh i high do të thotë të lësh mendimet të rrjedhin dhe të mos mbingarkohesh me ndonjë mendim negativ që mund të të bëjë të ndihesh keq. Për shembull, unë gjithmonë jap si shembull që mund të qaj shumë lehtë nëse jam i trishtuar dhe high, nëse i lejoj ndjenjat të më mbulojnë, sigurisht.

Unë zakonisht e anashkaloj këtë "kurth" dhe mendoj për gjëra të tjera që më interesojnë, ose shpërqendrohem duke folur me miqtë ose duke parë çfarë ndodh rreth meje. Pra, kur je high, mbaj mend që ti je në kontroll të gjithçkaje që ndjen, ndaj udhëhiq ndjenjat drejt vendeve të bukura. Dhe nëse s’je mirë mendërisht atë ditë, më mirë mos provo fare.

Dhe nëse ndjen se po të del nga kontrolli, thirr menjëherë një shok të ndihmojë të heqësh ndjenjat e këqija; në shumicën e rasteve funksionon. Dhe nëse edhe kjo s’funksionon, një sy gjumë i mirë i rregullon të gjitha.

Prit Thatësi Gojë dhe Urinë Të Madhe

Së fundmi, ki parasysh disa efekte anësore të zakonshme që sjell kanabisi, siç janë goja e thatë (cottonmouth), pra ndjesia e thatësisë së fortë në gojë, dhe uri e madhe, dëshira për të ngrënë shumë sapo të të zërë high-i. 

Kur themi “prit këto efekte anësore” është që të kesh gati ujë dhe ushqime, me siguri 100% do të të duhen. Mbaje mend që mund të dalesh dukshëm high nga sytë e kuq nga fryrja e enëve të gjakut, ndaj shmang ata persona që mund të të paragjykojnë për këtë.

6. Përfundim

Nëse do të provosh marihuanën, ka vetëm një gjë për të bërë: provoje! Mos u bëj nga ata që e paragjykojnë pa e provuar kurrë. Pasi ta provosh, pastaj shprehu si të duash. Jeta është për t’u jetuar kështu, jemi kuriozë, përballemi me frikën, provojmë, mësojmë, pastaj provojmë prapë. Përndryshe, çfarë mëson ai që rri rehati me frikërat e tij? Nuk ka rëndësi nëse rezultatet janë ashtu siç prisje, sepse po të mos gabonim kurrë, si do të përparonim ndonjëherë?

Unë do preferoja shumë më tepër të vrapoj dhe të përplasem, sesa të rri vetëm të ëndërroj. Herën tjetër do të di si ta shmang atë mur. Pra, provoje, bëhu high për herë të parë dhe shijoje! Dhe të lutem, na dërgo komentet për eksperiencat e tua të para!