Ruajtja e Kanabisit: Si ta Ruani Barin Po Aq të Freskët për Kohë të Gjatë

• 1. Çfarë duhet bërë
• 1. a. Mbaje barin të thatë
• 1. b. Mbaje barin në errësirë
• 1. c. Mbaje barin të ftohtë
• 1. d. Mbaje barin të mbyllur hermetikisht
• 2. Çfarë nuk duhet bërë
• 2. a. Mos i vendos sytat në frigorifer ose ngrirës
• 2. b. Mos i ruaj sytat në qese plastike
• 3. Si të ruani barin për kohë të gjatë
• 3. a. Sigurohuni që bari të jetë kuruar siç duhet
• 3. b. Përdorni kontenier qelqi hermetik
• 3. c. Mbaheni në kushte të duhura
• 3. d. Përdorni kavanoza të pastër
• 4. Sa zgjat bari?
• 4. a. Si e kupton që bari është i vjetër
• 5. A prishet bari?
• 6. Përfundim

Keni kaluar dy muaj duke kultivuar fara kanabisi perfekte. Keni prerë bimën dhe lulet janë në tharje. Teksa shikoni rezultatin, dy pyetje ju mundojnë: “A ka ndonjë mënyrë për të ruajtur barin që të qëndrojë sa më i freskët?” dhe "Si do t’i pi të gjitha para se të prishet.” Fatkeqësisht, kanabisi ka jetëgjatësi të kufizuar. Nëse e lini shumë gjatë, do të thahet, do të bëhet i vështirë për t’u pirë, humbet fuqinë ose, edhe më keq, shfaq myk toksik. Ne jemi këtu t’ju tregojmë si të ruani kanabisin tuaj në mënyrë cilësore.

Ndryshe nga ç’mendojnë shumë fillestarë, puna e vështirë nuk mbaron te korrja. S’mund të fusni sythat e freskët në një kavanoz apo qese dhe të shpresoni për më të mirën. Kjo do të çonte drejt katastrofës totale dhe humbjes së gjithë mundit tuaj. Sytat e freskët kanë përmbajtje të lartë lagështie, duke i kthyer në vend ideal për mykun. Para se të bëni diçka tjetër (përfshirë pirjen), duhet t’i thani deri sa bishtat të këputen dhe të mos përkulen. Hapi i radhës është procesi i kuruarjes. Duke i vendosur në kavanoza për të paktën gjashtë javë dhe duke i ajrosur rregullisht, i ndihmoni të reduktojnë kimikatet e ashpra si klorofili dhe të shfaqin vërtet shijen e tyre. Po çfarë duhet bërë më tej? Nëse keni rritur një sasi të madhe, ndoshta do ju duhen javë apo edhe më shumë për t’i konsumuar. Lënia e sythave jashtë nxjerr në pah përbërësit e vlefshëm si kanabinoidet dhe terpenet, të cilat fillojnë e degradohen. Kjo ul cilësinë e gjithë lules, përfshirë shijen, aromën dhe efektin. Fatmirësisht, ka mënyra të thjeshta për t’i mbajtur lulet e barit në gjendje të shkëlqyer për një kohë të gjatë.

1. Çfarë Duhet Bërë

Mbaje Barin të Thatë

Myku dhe kërpudhat janë armiqtë tuaj. Kërpudhat mund të fillojnë të zhvillohen në kanabis para se të korret. Sipërfaqja ngjitëse dhe e parregullt e një sythi është vendi perfekt për sporet të presin kushtet e duhura përpara se të mbulojnë barin tuaj me rrjetë të ndotur myku. Mos ua jepni këtë shans – ruajeni barin siç duhet, mundësisht në kavanoza qelqi që janë një mënyrë shumë e mirë për të ruajtur lulet. Kudo që ta ruani barin tuaj, sigurohuni që lagështia të jetë poshtë 65%. Megjithatë, ajri i thatë i bën trikomet të brishta, ndaj mbajeni lagështinë mbi 59% për ruajtje optimale.

Mbaje Barin në Errësirë

Kanabinoidet nuk e duan dritën, dhe vendosja e luleve në diell do të çojë në degradimin e THC në CBN, që të bën të përgjumur. Mund të jetë në rregull të lini barin në një raft të errët, por duhet siguruar që në asnjë moment të mos ekspozohet në diell direkt. Rrezet e diellit përmbajnë rrezatim ultraviolet, po ai që u shkakton djegie dhe kancer lëkure njerëzve, duke shkatërruar THC, vajra eterikë etj. Çdo gjë që e bën barin të vlefshëm shkatërrohet nga drita direkte, ndaj një vend ruajtjeje i freskët dhe i errët është shumë i rëndësishëm.

Mbaje Barin të Ftohtë

Kërpudhat e duan lagështinë, por edhe ngrohtësinë. Një vende i ngrohtë është terren ideal për kërpudha toksike që nuk doni t’i pini. Qëndroni të sigurt dhe mbani lulet tuaja në temperaturë nën 25°C ose 77°F. Mbi këtë nivel, rritet rreziku që myku të shkatërrojë korrën tuaj. Kjo mund të jetë e vështirë në verë nëse jetoni në klimë të ngrohtë dhe nuk keni kondicioner, por edhe mbajtja larg diellit ndihmon që të ruani barin të ftohtë.

Mbaje Barin të Mbyllur Hermetikisht

Na duhet oksigjeni për të jetuar, por harrojmë që oksigjeni është gaz korroziv që me kalimin e kohës shkatërron gjithçka, dhe kanabinoidet nuk bëjnë përjashtim. Ruajtja larg ajrit është esenciale për të mbajtur cilësinë, por nuk duhet të hiqni gjithë oksigjenin: nevojitet pak për të mbajtur lagështinë nën kontroll. Nëse ka shumë ajër, do t’i jepni fuqi mykut dhe kërpudhave për tu zhvilluar. Kavanozat Mason ose kontenierët e fortë hermetikë janë perfekt për ruajtje. Ata mbajnë nivelin e duhur të ajrit brenda, trikomet nuk ngjiten në brendësi të kontenierit dhe janë të lirë.

2. Çfarë Nuk Duhet Bërë

Mos i Vendos Sytat në Frigorifer ose Ngrirës

E dimë që thamë t’i mbani të ftohta, por futja në frigorifer apo ngrirës sjell më shumë probleme se zgjidhje. Lagështia në frigorifer ngrihet e ulet vazhdimisht sa herë që hapni ose mbyllni derën, futni ose nxirrni ushqim, madje edhe kur nuk bëni asgjë. Këto luhatje janë perfekte për zhvillimin e mykut.

Frigoriferi është ndoshta vendi më i keq për rezervën tuaj. Ngrirësi ka problemet e veta. Edhe pse është më i thatë dhe më stabil, temperaturat e ulëta ngrijnë ujin e mbetur në lulet tuaja dhe i bëjnë trikomet të brishta.

Mos i Ruaj Sytat në Qese Plastike

Breza të tërë kanë ruajtur barin në qese plastike. Nëse ka qenë e mjaftueshme për gjyshërit 'hipi', është edhe për ju? Jo tamam, qeset plastike mbajnë një ngarkesë të lehtë elektrike. Me siguri keni ndjerë si ngjitet qesja pas dorës. Kjo ngarkesë nuk tërheq vetëm qeset te dora, por edhe trikomet drejt qeses. Çdo moment në qese i nënshtrohet një tërheqjeje të lehtë. Nuk do t'i zhveshë sythat plotësisht, por me kalimin e kohës, barit i bie fuqia dhe qesja brenda bëhet ngjitëse. Një kavanoz masoni ose edhe një kavanoz biskotash diskret e i padukshëm janë zgjedhje shumë më të mira për ruajtje korrekte.

3. Si të Ruani Barin për Kohë të Gjatë

Nëse synoni t’a ruani barin disa muaj ose më gjatë (ose dëshironi t’a ruani sa më gjatë të jetë e mundur), është thelbësore të siguroheni që të ruhet në kushtet e duhura sepse do të degradohet ndryshe. Të gjitha këshillat e përmendura në blog vlejnë, por ka edhe disa gjëra të tjera për të mbajtur mend.

Sigurohuni që bari të jetë kuruar siç duhet

Ruajtja afatgjatë fillon me kurim të duhur. Pra, shkurtoni lulet dhe futini në kavanoza mason të mbyllur hermetikisht, në vend të freskët e të errët, duke siguruar që kavanozi të jetë vetëm ¾ i mbushur. Pas disa ditësh apo javësh ajrosjeje dhe curimi, kanabisi do jetë gati për konsum, por mund ta kontrolloni nivelin e lagështisë me higrometër – duhet të jetë mes 58 dhe 62% lagështi.

Përdorni Kontenier Qelqi Hermetik

Për ruajtje të mirë, mbajeni barin në qelq pasi oksigjeni mund të dëmtojë trikomet. Nëse s’gjeni të qelqit, mund të përdorni edhe enë qeramike – vetëm shmangni plastikën!

Mbaheni në Kushte të Duhura

Siç u përmend, nuk duhet vetëm të përdorni kavanoza qelqi, por edhe t’i ruani në kushte të përshtatshme – vendosini kavanozat në vend të errët (me dritat fikur) dhe sigurohuni që temperatura të jetë nën 25°C për të parandaluar mykun; idealja është 20-21°C.

Përdorni Kavanoza të Pastër

Në fund, sigurohuni që kavanozi të jetë i pastër. Në varësi se nga e keni marrë, mund të ketë pluhur, papastërti apo edhe spore myku që ndikojnë në cilësinë e korrës, ndaj pastrojini mirë para përdorimit!

4. Sa Zgjat Bari?

Me ruajtje të duhur, kanabisi i tharë zgjat nga 6 muaj deri në 1 vit para se të fillojë të humbasë aromë, shije dhe fuqi, por kjo nuk do të thotë që zgjat vetëm 12 muaj. Sipas kërkimeve, kanabisi humbet deri në 20% THC pas 1 viti ruajtje.

Siç shihet nga tabela, kanabisi nuk skadon realisht, por vjetrohet dhe humbet:

• Kanabinoidet;
• Terpenet dhe;
• Flavonoidet.

Kjo nuk do të thotë se bari nuk pihet më, por cilësia e tij ulet edhe në ruajtje optimale me kalimin e viteve. 

Si E Kupton që Bari është i Vjetër

Siç u përmend më lart, cilësia e barit dëmtohet edhe në ruajtje të mirë, ndaj mënyra më e mirë për të kuptuar nëse bari nuk është i freskët, është aroma. Bari i vjetër ka aromë të ndryshme ose nuk ka fare aromë, nganjëherë mund të ketë edhe shije të ashpër kur është ruajtur gjatë. 

Përveç aromës dhe shijes, pamja e barit mund të të tregojë nëse lulet janë të vjetra. Nëse është shumë i thatë dhe bëhet thërrime, është padyshim i vjetër. Mbani mend që pirja e barit të vjetër nuk dëmton, por nuk do të ketë shije apo fuqi si bari i freskët.

5. A Prishet Bari?

Tani e dini që bari nuk skadon…por a prishet? Po, bari mund të prishet në dy mënyra. Nga njëra anë, ekspozimi i kanabisit në shumë dritë ose ajër të hapur e than dhe e shndërron në pluhur, të cilin mund ta pini, por nuk do të ketë efektin e barit të ruajtur siç duhet.

Ndërsa, ekspozimi i barit në shumë lagështi e bën të myket dhe nuk doni kurrsesi të thithni myk sepse mund të sëmureni, ndaj ruajeni gjithmonë në kushtet e duhura dhe, mundësisht, konsomojeni brenda vitit. Kujtoni, nëse doni bar që ju deh fort dhe ka aromë/shije të mirë, bari i freskët është zgjedhja e duhur.

6. Përfundim

Sigurisht, të gjitha këto këshilla nuk vlejnë nëse nuk keni tharë dhe kuruar sythat siç duhet. Mund të zgjidhni çdo mënyrë për të ruajtur lulet dhe mundohuni t’i mbani të freskëta, por për fat të keq, s'ka rëndësi sa e mirë është hapësira e ruajtjes – kanabisi i mbajtur keq do marrë myk dhe do plaket. Mos harroni të shihni udhëzuesin tonë për tharjen e barit. Na ndiqni në Facebook dhe Instagram për të qenë gjithmonë të informuar për varietete, oferta dhe konkurse të reja nga Fast Buds!