71-годишен маж ослободен по 31 година затвор за ненасилни обвиненија поврзани со марихуана

Ричард ДеЛиси, 71-годишен маж од Флорида, беше ослободен од Поправно-рехабилитацискиот центар Саут Беј во округот Палм Бич оваа вторник, по 31 година зад решетки поради престапи поврзани со канабис. 

Во интервју по неговото ослободување, кога го прашаа кои се неговите идни планови, тој одговори дека ќе прослави во локален ресторан, Rustic Inn, каде што ќе јаде ракчиња попладне. Фенси грицки, така? 

Причината поради која ДеЛиси беше осуден на 90 години затвор беше рекетирање, трговија со канабис и заговор, кога во 1988 година, Ричард и неговиот постар брат Тед беа фатени во обратна стинг-операција, што е акција каде полицајци се појавуваат прикриено на дил на дрога, додека тие транспортирале канабис од Колумбија во Флорида. 

За негова среќа, со помош на здружената акција на Last Prisoner Project и про боно адвокатите (кои нудат бесплатни правни услуги) Juster, Michael Minardi и Elizabeth Buchanan, Ричард ДеЛиси успеа да биде ослободен речиси 60 години пред првобитниот датум на ослободување. 

Last Prisoner Project е непрофитна организација составена од адвокати, активисти и експерти за политики кои се стремат да помогнат во ослободување на затвореници осудени за ненасилни обвиненија поврзани со канабис. 

Сепак, според Одделот за корекции на Флорида, ослободувањето на ДеЛиси не било поврзано со трети страни, туку затоа што тие ја прегледале неговата досие и сфатиле дека не му било признато времето поминато во притвор, што доведе до порано ослободување. 

"Се чувствувам неверојатно среќен што наскоро ќе бидам дома со моето семејство и најблиските," изјави Ричард до неговиот правен тим минатиот месец кога беше објавен новиот датум за ослободување.

Пред нивното ослободување, и Ричард и Тед ДеЛиси биле опишувани како двајцата најдолго осудени затвореници за ненасилни кривични дела поврзани со марихуана во државата.

Сепак, неговиот брат Тед беше ослободен од истиот затвор во 2013 , откако успешно ја обжали неговата осуда за заговор. Но во тој период, жалбата на Ричард сè уште беше одбиена.

Треба да се нагласи дека, казната затвор од 90 години за вакви обвиненија, изречена од судијата Денис Мелоун, се смета за далеку над препораките во судските упатства.

“Тоа што го направија со мене беше толку неправедно. Се надевам дека ќе можам да помогнам на други луѓе што се во иста ситуација.” рече Ричард. 

Тажно е да се дознае дека толку многу време од животот на една личност било потрошено без фер оправдувања за тоа, иако во овој момент и да ги има, тие повеќе немаат значење, бидејќи времето е веќе изгубено. 

Сепак, не е изненадување што реакцијата на ДеЛиси никогаш не беше насилна, ниту пред ниту по неговото ослободување. Всушност, човекот изгледа едноставно среќен што конечно ќе помине време со своето семејство и ќе ги прослави празниците заедно по 31 година. 

Сега ДеЛиси конечно ќе ги запознае петте негови внуци за прв пат и ќе се обедини со неговите две деца.