Последно истражување покажува: 150% пораст на легална продажба на канабис кај млади жени

Порано, канабисот и производите од канабис се продаваа во обични пластични кеси без многу информации за самиот производ, но со легализацијата, пазарот на канабис расте и производите се продаваат во сосема поинакво пакување во легални диспанзери. Легализацијата овозможи жените да купуваат канабис безбедно наместо да купуваат од сомнително лице во некоја задна уличка, што доведе до зголемување на продажбата кај жените.

Промените се астрономски

Благодарение на легализацијата, пазарот на канабис денес нуди професионално пакување со многу информации, како лабораториски тестови и препорачана доза. Големите компании за канабис ги користат традиционалните не-канабис производи како инспирација за да им понудат на потрошувачите квалитетни производи од канабис со детски безбедносни пакувања и шарени, модерни етикети кои не би изгледале нејасно ни во козметички продавници.

Жените велат дека ја ценат оваа еволуција бидејќи сега можат да користат производи што се едноставни за користење, побезбедни и регулирани, можат да влезат во диспанзер и да купат квалитетен канабис без да мора да се сретнат со чуден непознат во задна уличка, уверувајќи дека промените се навистина големи.

Експертите тврдат дека за време на пандемија на Ковид-19 легалната продажба на канабис пораснала за повеќе од 45%, достигнувајќи 17,5 милијарди долари, со двојно или речиси тројно зголемување од 2020 до 2021 година. Ова се должи на генерациите родени во 90-тите и 00-тите кои сега стануваат полнолетни и можат легално да купуваат канабис. Исто така, повеќето од овие млади го имаат поминато детството легализиран рекреативен канабис, па се чувствуваат поудобно не само да пробаат туку и отворено да консумираат канабис.

Иднината на канабисот е женска

Експертите велат дека легалната продажба на канабис кај жени родени во 1997 година или подоцна растела најбрзо, достигнувајќи над 150%, по што следат мажи од истата генерација со 118% и, на трето место, 50% зголемување кај оние родени меѓу 1981 и 1997 година. Една агенција за истражување на пазарот на канабис истакна дека жените сè повеќе консумираат легален канабис поради промената на јавното мислење, но уште поважно - поради помодерните и пософистицирани пакувања кои ги прават производите поатрактивни и „пофеминизирани“, охрабрувајќи ги жените да ги пробаат.

Собраните податоци покажаа дека цветот од канабис доминира во продажбата кај обете групи, но жените се повеќе склони да пробаат однапред свиткани џоинти, пијалаци и јадливи канабис производи. Затоа, со цел да се доловат женските потрошувачи, брендовите добиваат дизајнерска инспирација од козметичката индустрија, верувајќи дека жените претпочитаат нешто подискретно и со поурамнотежен ефект.

Компаниите денес ставаат акцент на квалитетот, погодноста, преносливоста и едноставноста на употреба пред самата јачина, со цел да привлечат женски потрошувачи што не сакаат премногу силен ефект, туку сакаат квалитетен производ за да уживаат попладне со пријатели и да се релаксираат. Поголемиот дел од женските потрошувачи исто така изјавиле дека користат канабис за третман на анксиозност, анорексија и менструални болки, како и други нарушувања, како алтернатива на пропишани лекови или терапија.

Од друга страна, докторите велат дека е потребно повеќе истражување за да се поткрепат овие тврдења, бидејќи самолекувањето со канабис може да има негативни последици на долг рок, како зголемена анксиозност со текот на времето поради намалување на осетливоста на канабиноидните рецептори.

И покрај тврдењата дека треба да се истражува уште, пазарот на канабис продолжува да расте и маркетингот во индустријата се очекува да биде сѐ по професионален, притоа поотворен кон жените и подалеку од навредлив брендинг или сексуализирани пораки.